2 Tèsàlonyà 2:15 - The New Testament in the Babanki language

¹⁵ Yès sə gaʼa a ghə̀ŋ a vəlemə la, ghə̀ŋ ghaʼ əbyɨmə ə ghəŋə, kə ghə̀ŋ a byɨmə la wìʼ ə nè, ghə̀ŋ moʼtə ziʼi nəmwèʼè yì a yès ə nziʼi a ghə̀ŋ lì ə be nyòʼ a ghə̀ŋ a ŋwàʼlə̀ lì.

2 Tèsàlonyà 2:15 ပူးပေါင်းရင်းမြစ်များ

Lumans 16:17

Ma sensə ghə̀ŋ no nànto a vəlemə vwomə la ghə̀ŋ ə tuʼmə kumə viʼi vyi a və vì nə̀ kəgəsə kə a ghə̀ŋ a ntìntìn, nə̀ʼsə̀ əbyɨmə ə ghəŋə. Vəwenə ə fɨŋə əziʼi yi a və ə ziʼi ghə̀ŋ tsu. Ma ə gàʼa la kə ghə̀ŋ a zhɨmə vye vəwenə!

1 Kolìntyàns 11:2

Ma bwomsə ghə̀ŋ byìʼì ando ghə̀ŋ ə ko lyesə mò no fa mpfen be shɨtə ghaʼ əziʼi yì a ma ə nziʼi ghə̀ŋ tsu,

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

1 Kolìntyàns 16:13

Ghə̀ŋ tsɨŋ təwen ətəŋtə əto a ghə̀ŋ a byɨmə. Ghə̀ŋ nkiʼ ətyɨm ə to ghə̀ kə ghə̀ŋ a fwaynə tebè kəfo.

Filìbàyns 4:1

Vəlèmə vwomə mà gàʼà à ghə̀ŋ a la, mà kòŋə̀ ghə̀ŋ no nkàyn be kòŋə̀ əyen ghə̀ŋ. Ghə̀ŋ ə nè mà saŋlə̀ no nkàyn. Ghə̀ŋ dìʼ əmoʼtə shyèʼ ə̀ mò. Mà kuʼsə̀ əwen ə ghomə byìʼì ghə̀ŋ. Vəlèmə vwomə ma kòŋ Luwen ghə̀ŋ diʼi tɨmə tò a ghə̀ŋ əbyɨmə a Bobo.

2 Tèsàlonyà 2:2

kə ghə̀ŋ ne moʼtə viʼi vyi a və diʼi la kətsi kì a Bobo lù vi sə diʼ mù kə vi li, ə fwàynsə ghə̀ŋ ə be boŋsə biʼ kətʉ̀ ə kəŋkə̀. Kənyʉ̀ na kènkə zizi kə ə ndiʼ mu à gàʼ wìʼ, diʼ la ghə̀ shə̀ʼtə̀ ntɨm mu ghə̀ lù fa Nyìngòŋ, zhʉ tseghə kə diʼ mu a tə fʉ̀ ziʼi ə tsen ghə̀, zhʉ tseghə kə nə̀ diʼ mù wìʼ shə̀ʼtə̀ ə gàʼ la kə fʉ a ŋwàʼlə̀ mu a nyoʼ yès ə tɨm a ghə̀ŋ.

2 Tèsàlonyà 3:14

Wìʼ ə sətsen ə tensə la ghə̀ ko nè tebè kənyʉ̀ ki a yès nyòʼ a ghə̀ŋ a ŋwàʼlə̀ ashə, ghə̀ŋ ghʉ̀ əshɨ a wenə wen. Ghə̀ŋ ghʉ̀ ali, kə ghə̀ŋ na be nè tèbè nyʉ̀ ghə̀ŋ vəwenə ndi kətʉ kə wen kəndiʼ.

2 Tèsàlonyà 3:6

Yès ə gàʼa a ghə̀ŋ a kədyòʼ ə Bobo vəghəŋ Yesò Klistò a vəlemə la, kə ghə̀ŋ nə̀ jèʼè nə̀ viʼi və byɨməvə vi a və bwaʼa, ko və nè tebè kənyʉ̀ ki a yès tə ziʼi ghə̀ŋ la ghə̀ŋ ə nè.

Taytùs 1:9

Ghə̀ diʼ nshɨ̀tə̀ ghaʼa ntɨm ə jùŋ yì ando və ndìʼsə̀. Ghə̀ dìʼ be ziʼi viʼi nə̀ nyʉ̀ vyi a Nyìngòŋ ə kəŋə, be dìʼì à viʼi a və tyenə ziʼi aghenə la vəwenə nè li ə nshwè.

Ŋwàʼlə̀ Jud 1:3

Ma tə ə kòŋ ə nyòʼò a ghə̀ŋ, a doŋ shomsə jùŋ sə kumə ando Nyìngòŋ ə tsèntə bwòŋsə̀ vəghəŋ vətsèm, ali ə yen la kə bòŋ la mà zaŋsə nyòʼ ə tyɨftə ghə̀ŋ la ghə̀ŋ nè shwèʼè no nə̀ kədyoʼkə ə ghaʼ əbyɨmə yi a viʼi Nyìngòŋ ə kiʼi. Əbyɨmə ghenə diʼ to əmùʼ, mu Nyìngòŋ nku li a viʼi wen to ghayn əmùʼ.