2 Tèsàlonyà 2:14 - The New Testament in the Babanki language

¹⁴ Nyìngòŋ ə ndzàŋ li ghə̀ŋ chò fa a ntɨm ə jùŋ yi a yès ə shə̀ʼtə̀ a ghə̀ŋ ndi ghə̀ŋ vi ə boŋ kiʼ əghoʼ yì a Bobo vəghəŋ Yesò Klistò ə kiʼ.

2 Tèsàlonyà 2:14 ပူးပေါင်းရင်းမြစ်များ

Matìyò 25:21

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!

Joyn 17:22

Ma ku li əbayn ə ghoʼoghə a vəwenə, a diʼ yi a wù tə kù a mò ndi vəwenə ə ndiʼ to a kənyʉ̀ kə mùʼ, to ndə̀ŋndəŋ ando yowù diʼ to a kənyʉ̀ kə mùʼ.

Joyn 17:24

“Ma kəŋ a Tìʼ ghom la yo viʼi a wù kù a mò lu ndiʼ to akəshi kə mùʼ ndi vəwenə yen əghoʼ ə ghomə, a diʼ yi a wù kòŋ mò ə ku a mò, mibu wù shɨtə mbyi.

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

Lumans 2:16

Kətsi kə lu vi ə Nyìngòŋ gàʼ Yesò Klistò soʼ nyʉ̀ ə lyomtəvə no ə tsèm a və diʼi a viʼi a təkwòʼtə̀ to ndə̀ŋndəŋ ando və nyòʼ li a ntɨm ə jùŋ yi a ma shə̀ʼtə̀.

Lumans 8:17

Vəghəŋ sətsen ə ndi vunə Nyìngòŋ, kə ne diʼi la vəghəŋ lu kiʼi əghoʼ ə Nyìngòŋ, diʼ lù kiʼi əghoʼ na yi, vəghəŋ və Yesò to muʼ. Vəghəŋ lu kiʼi əghoʼ na ghèn nə̀ vəghəŋ və Yesò to azhʉ̀ a vəghəŋ ə boŋ yen nə̀ ngəʼ yì a Yesò ə yen ə̀ ndi vəghəŋ boŋ kiʼi əbayn yì a ghə̀ kiʼi.

Efisyàns 1:18

Ma be jɨ̀mə̀ la Nyìngòŋ ə nè tə tof ə tyəŋtə boʼmə̀, ghə̀ŋ nkɨ la ghə̀ŋ be lù kiʼi əfo ə juŋəvə vi a ghə̀ baʼtə̀ a ghə̀ŋ byìʼì ando ghə̀ ntsuʼ li ghə̀ŋ nə̀ əghoʼ ə ŋwoʼghə yì a ghə̀ nghʉ̀ a viʼi wen no vətsèm,

1 Tèsàlonyà 1:5

byìʼì ando yes ə ko ə ziʼi ntɨm ə jùŋ kumə Yesò Klistò a ghə̀ŋ to fa chʉ̀. Yes ə diʼi nyʉ̀ ə kaynə və vi a kəzhwì kə Ŋwoʼkə nè a ghə̀ŋ. Ghə̀ ngaʼa kənyʉ̀, kɨ to no la kə diʼ nəmwèʼè. Ghə̀ŋ kɨli ando yes ə ntsi a ghə̀ŋ a ntìntìn. Ntsìnə̀ a ghèn ndiʼ ə nè la ghə̀ŋ ziʼi kənyʉ̀.

1 Tèsàlonyà 2:12

sensə ghə̀ŋ la ghə̀ŋ ə nkiʼ ətyɨm ə to ghə̀, tsi ntsìnə̀ yì a Nyìngòŋ ə kòŋ. Ghə̀ dzàŋ ghə̀ŋ la ghə̀ŋ vi tsèntə akəshi kə əfòyn ə wen,be nkiʼ əbayn ə ghoʼoghə.

2 Timotì 2:12

Vəghəŋ sətsen ə ghaʼa ətyɨm a tyi ngəʼsə, vəghəŋ və wen lu ə soʼo mbyi. Vəghəŋ sətsen tensə la vəghəŋ ə ko kɨ wen, ghə̀ lu be tensə la ghə̀ ko kɨ vəghəŋ.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

2 Bità 1:3

Nyìngòŋ ə ku li no tèbe ghò a vəghəŋ ə kəŋ ndiʼ vəghəŋ ə ntsi ntsìnə̀ ə laynə yì a ghə̀ kwʉ̀ʼ. Ghə̀ ku fo a venə chò fa kədyòʼ ə Nyìngòŋ a ji la ghə̀ nè li vəghəŋ sə kɨ Nyìngòŋ. Ghə̀ dzàŋə li vəghəŋ la və ntsi a ntìntìn əbayn ə ghoʼo ghə̀ ə Nyìngòŋ, jèʼè a jisə jùŋsə ə Nyìngòŋ.

Kəmwetə 21:23

Ntə̀ʼ na yì ko kəŋ tebè la chwìchwì kò sàŋ nə̀ baynə tsu byìʼì ando əbayn ə Nyìngòŋ nə̀ diʼ tsu, We Njɨ̀ ə be diʼ làm tsu.

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.