2 Tèsàlonyà 1:7 - The New Testament in the Babanki language

⁷ Ghə̀ lu nè, ghə̀ŋ viʼi a ghə̀ŋ nyenə ngəʼ luwen ghə̀ŋ kiʼi nzhʉtə, yes boŋ kiʼi. Ghə̀ ə lu nè kənyʉ̀ na kènkə azhʉ̀ a Bobo Yesò bwensə shiʼi vi fa akàŋ ə diʼi wenə wen wenə ə ntsɨŋsə wen a sə kiʼi kədyòʼ.

2 Tèsàlonyà 1:7 ပူးပေါင်းရင်းမြစ်များ

Matìyò 16:27

Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Matìyò 16:28

Mà gàʼà à ghə̀ŋ nəmwèʼè la viʼi vətsenvə diʼ a shèn luwèn a vəwenə ko lə pfʉ no a mpfen əzaʼa fa tʉʼ a vəwenə lu yen Wàyn Wìʼ ghə̀ bwènə̀ vì anə̀ fòyn.”

Matìyò 25:31

“A lu ndiʼ a tʉʼ a Wàyn Wìʼ vì nə̀ ghoʼo fòyn wen wenə̀ ntɨŋsə ngə̀ŋ Nyìngòŋ no sətsèm ghə̀ lu ŋwʉʼʉ à wen a kəfwoyn nə̀ adɨŋə ghoʼ ghə̀ wen.

Matìyò 25:41

“Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen.

Matìyò 26:64

Yesò gàʼ la, “Kə diʼ ando wu gaʼà. Alì mà gàʼà à ghə̀ŋ vətsèm la əlù fa luwèn ghə̀ŋ a yen Wàyn Wìʼ ghə̀ ŋwʉʼ a kwoŋ toghə Nyìngòŋ a ghə̀ kiʼi adyòʼ à tsèm be shiʼì vì a tì mbòʼsə a kàŋ.”

Ŋwàʼlə̀ Mak 14:62

Yesò bwènsə̀ gàʼ la, “Mà dìʼi wen. Ghə̀ŋ lu yen Wàyn Wìʼ ghə̀ ŋwʉʼ a shyə kwoŋ toghə Nyìngòŋ a kəshi kə adyòʼ à tsèm, shiʼì vì a tì mbòʼsə a kàŋ.”

Ŋwàʼlə̀ Mak 8:38

No ndò sətsèn ndìʼsə̀ kətʉ byìʼì mò nə̀ ziʼi ghomə a shɨ viʼi mbyi nyʉ̀ byɨvə ghèn a və ko fànə̀ Nyìngòŋ lə̀, Wàyn Wìʼ be lù nkiʼ kətʉ kədiʼikə byìʼì wen a zhʉ a ghə̀ bwènə̀ mvi a tì baynə ghoʼghə Tìʼ wen wenə̀ ntsɨ̀ŋsə ŋwòʼə sə wen.”

Ŋwàʼlə̀ Luk 16:25

Ablaham gàʼ à wen la, ‘Wàyn, kə wù à lyèsə la wù nzhɨ njùŋ wù ando wù mbu tsi a mbyi, Lazalùs bè yenə ngəʼ wen. Luwen mù sə diʼ, ghə̀ zhɨ wenə wen a shə̀, wù bòŋsə zhʉ əlɨ̀m.

Ŋwàʼlə̀ Luk 17:30

A lè ando nyʉ lu ndìʼ a kətsi a Wàyn Wìʼ lu vì.

Joyn 1:3

Nyìngòŋ ə shɨtə ə fo ə tsèm ə chò fa wen, mu à mbwen fa wen mu və ko nshɨtə no tèbe ghò yi a və ndiʼ mù və shɨtə li.

Joyn 1:51

Ghə̀ gàʼ ali ə be gàʼ kwʉ̀ʼsə la, “Ma gaʼa a ghə̀ŋ to no nəmwèʼè la, Ghə̀ŋ lu yen to ando əkaŋ ə boʼmə̀, ətsɨŋsə ngə̀ŋ Nyìngòŋ sə chwòmə̀ kuʼ be shiʼi, jèʼè to a ntɨm ə Wàyn Wìʼ”

Shwèʼ 1:11

ə̀ bèm à viʼi ntɨm Yesò vi la, “viʼi Galìlì, byìʼì ghò a ghə̀ŋ tɨmə̀ sə ki kuʼsə̀ nə̀ kaŋə alə̀ a? Yesò ghèn a və lyɨ̀ fà ghə̀ŋ a ntìntìn ghə̀ nkuʼ a kàŋ lə̀ lu be bwènə̀ vì tò a ji a ghə̀ŋ yì yen ghə̀ ndyʉ̀ fa tsu.”

Shwèʼ 3:19

Ma sə gàʼà à ghə̀ŋ la ghə̀ŋ kwitə lì tətyɨm ə̀ təŋtə ə̀ bwènə̀ vì à Nyìngòŋ a ghə̀ a shʉ nyʉ̀ byɨvə ghə̀ŋ ə màʼà. Bobo mu nè tətyɨm təŋtə tə nzhʉ̀tə̀ a zhʉ ayì,

Lumans 8:17

Vəghəŋ sətsen ə ndi vunə Nyìngòŋ, kə ne diʼi la vəghəŋ lu kiʼi əghoʼ ə Nyìngòŋ, diʼ lù kiʼi əghoʼ na yi, vəghəŋ və Yesò to muʼ. Vəghəŋ lu kiʼi əghoʼ na ghèn nə̀ vəghəŋ və Yesò to azhʉ̀ a vəghəŋ ə boŋ yen nə̀ ngəʼ yì a Yesò ə yen ə̀ ndi vəghəŋ boŋ kiʼi əbayn yì a ghə̀ kiʼi.

1 Kolìntyàns 3:13

A lu ndiʼ a kətsi yi a Yesò lu bwenə vì və diʼi laynsə no tèbe shyèʼ no ndò a ndayn. Və mwomsə no tèbe shyèʼ ndò nə̀ zhiʼ, ghə̀ diʼi no tèbe nki əshyèʼ ə kò yi a wìʼ tə nshyèʼ.

2 Kolìntyàns 4:17

Ngəʼ shisə a yès ə yənə luwen diʼ to nfam, diʼ to fəshyinə fə zhʉ̀. Ngəʼ a sensə baʼtə̀ yès a jùŋ ə ghoʼo yi a ghə̀ vi, ko ndiʼ la ghə̀ lu mè, mu və zizi ko və lu ə shəʼmə ngəʼ a sensə nə̀ jùŋ ayi.

Efisyàns 1:2

Nyìngòŋ ə Tìʼ vəghəŋ wenə Bobo Yesò Klistò diʼi ətyɨm ə jùŋə a ghə̀ŋ, ku mbwaʼmə a ghə̀ŋ.

Kòlòsyàns 1:16

Nyìngòŋ ncho fa wen ə shɨtə no tèbe ghò yi a ghə̀ diʼi akàŋ nə̀ əfo ə tsèm vi a və diʼi a nse. Nyìngòŋ ə nshɨtə əfo vi a wìʼ zi ghə̀ yenə nə̀ vi a wìʼ zi ko ghə̀ lə yenə. Ghə̀ ə nshɨtə zhwi vi a və kiʼi kədyòʼ nə̀ vi a və soʼo nə̀ vi a və tisə. Nyìngòŋ ə nshɨtə fo ə tsèm chò fa a wen. Ghə̀ nshɨtə fo na vyi a wen.

1 Tèsàlonyà 3:13

Ghə̀ŋ sətsen ə nə̀ nè alə̀, ghə̀ a nè tətyɨm təŋtə totə ndiʼ ko ghə̀ŋ nə̀ kiʼi mbyɨ, ko wìʼ lu kiʼ kənyʉ̀ ə gàʼ kumə ghə̀ŋ ashɨ Nyìngòŋ, ə Ti vəghəŋ, azhʉ̀ a Bobo vəghəŋ Yesò bwenə li vi wenə viʼi wen.

2 Timotì 2:12

Vəghəŋ sətsen ə ghaʼa ətyɨm a tyi ngəʼsə, vəghəŋ və wen lu ə soʼo mbyi. Vəghəŋ sətsen tensə la vəghəŋ ə ko kɨ wen, ghə̀ lu be tensə la ghə̀ ko kɨ vəghəŋ.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Hibùlù 10:27

Wìʼ ə ntsi ali, ghə̀ nə̀ fwaynə, bvɨtə kətsi kə ə nsòʼ Nyìngòŋ nə̀ ə zhiʼ ə fwàynsə ghə̀ wen yi a ghə̀ lù nyʉʼ viʼi kəbàyn ə wen tsu.

Hibùlù 12:29

Kə diʼ to no nəmwèʼè la Nyìngòŋ ə vəghəŋ diʼ to nə̀ zhiʼ a ghə̀ nyʉ̀ʼ ə byɨbsə.

Hibùlù 4:1

Nyìngòŋ ə nghʉ̀ la vəghəŋ lu kwen akəshi yi a ghə̀ diʼi tsu kə kiʼi nzhʉtə. Kənyʉ̀ a kenkə a ghə̀ nghʉ kə bo ti. Ghə̀ŋ diʼ ntuʼmə kə wìʼ fa ghə̀ŋ ə ne faŋ ke kiʼi nzhʉtə na ghèn.

Hibùlù 4:11

Vəghəŋ mwomsə lì no nə̀ kədyòʼ kə ə kwen akəshi kəzhʉtəkə na ghèn. Vəghəŋ sə mwomsə, vəghəŋ ntuʼmə kə wìʼ na faŋ ke nzhʉ Nyìngòŋ ando vətiʼ və vəghəŋ ə ntyen la və ko zhʉtə faŋ kò və lə kwen.

Hibùlù 4:9

Kə le diʼi la kəshi kə ə bo diʼ a viʼi Nyìngòŋ lù kwen tsu ə kiʼi ə nzhʉtə to ndə̀ŋndəŋ ando Nyìngòŋ ə nzhʉ̀tə li a mətsi sòmbo.

Hibùlù 9:28

A lə diʼ fa ji a ghèn a və ə nku Yesò ghə̀ pfʉ to aghayn ə mùʼ ə shʉ mbyɨsə viʼi no vəghoʼo. Ghə̀ lu bwenə ko ghə̀ be vi ə shʉ mbyɨsə viʼi, ghə̀ lu vi ə bwoŋsə̀ viʼi vyi a və nyʉ̀ʼ kəʼtə wen nə̀ tətyɨm tə vəwenə no tsèm.

1 Bità 3:22

Ghə̀ lù fa pfʉ ə bwenə dyʉ̀ akàŋ, luwen ə sə diʼ nyʉ̀ʼ a kwoŋ ətoghə Nyìngòŋ, soʼo ətsɨŋsə ngə̀ŋ Nyìngòŋ no sə tsèm, be soʼo ə zhwi a və kiʼi kədyòʼ no tsèm.

2 Bità 3:7

To byìʼì ə gaʼa Nyìngòŋ na ghenə əkaŋə yì a ghə̀ diʼi luwen nə̀ nse diʼ ghə̀ byətə byətə ndiʼ əzhʉ̀ lù kwʉʼ ghə̀ byɨbsə nə̀ zhiʼi. Ndiʼ zhʉ̀ lù kwʉʼ ghə̀ soʼo byɨbsə viʼi vyi a və ko zhʉtə tebè fa wen.

Ŋwàʼlə̀ Jud 1:7

Ghə̀ŋ be kwòʼtə̀ loʼ Sodòm nə̀ loʼ Gòmolyà nə̀ tə loʼ tə tsen titə a tə mboʼsə təloʼ a tentə. Ghə̀ŋ lyɨ̀ a kəchʉtə to ando viʼi loʼ a venə ə tsì to tsì a nyʉ̀ byɨvə ə vəwenə wenə ki, lyʉmə be tsi nə̀ lyʉmə. Nyìngòŋ mbyibsə li vəwenə nə̀ zhiʼ ndi kə ndiʼ a nə̀ kəchʉtə kə a viʼi vətsenvə və la Nyìngòŋ lu soʼ ə byɨbsə vəwenə nə̀ zhiʼi a ghə̀ ko lu mè.

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.

Kəmwetə 14:10

ne be nyʉ məlyʉ̀ʼ mə ntomə̀ a və ko ə̀ fɨ̀ŋ a diʼ tin ə fwi ə̀ Nyìngòŋ. No ndò fa vəwenə ne yen ə ngəʼ a zhìʼ nə̀ məkàyn mə nyʉ̀ʼlə mə a shɨ ntsɨ̀ŋsə ngə̀ŋ ə̀ Nyìngòŋ sə ŋwoʼəsə wenə̀ wàyn bi ənjɨ̀.

Kəmwetə 14:13

Mà bè zhʉ̀ gɨ̀ ghə̀ fʉ vì fa kàŋ gàʼà la, “Nyoʼo kènkə: Əzìtə̀ fa luwèn ə dyʉ̀ nə̀ mbì, əsaŋlə diʼ à no ndò a ghə̀ pfʉ shyèʼè əshwèʼ ə Bobo.” Kəzhwì kəŋwoʼəkə bwènsə̀ gàʼ la, “Nəmwèʼè, əsaŋlə a lutə̀ diʼ à vəwenə. Vəwenə ne zhʉ̀tə̀ fà vəwenə ngəʼsə byìʼàndo əshyèʼ jùŋə ghə̀ vəwenə ne dzɨ̀mtə vəwenə gàʼ à vəwenə.”

Kəmwetə 20:11

Luwen ma mu yen Nyìngòŋ ghə̀ ŋwʉʼ a kəfwoyn kəfəfəkə. Ando ghə̀ fʉ a dayn, əkaŋ wenə nsə ə nsoməli dyʉ̀ to ghayn əmuʼ.

Kəmwetə 21:4

Ghə̀ lu chì məshɨ no ə tsèm fa ashɨ nə̀ vəwenə ko pfʉ ə na be ndiʼ. Wìʼ ko bè diʼ lu kusə tebè shɨnsə, ko ghə̀ di, ko kəfòkə ə be zàfə tebè wìʼ byìʼì ando nyʉ̀ ə muvə chò li.”

Kəmwetə 22:16

“Nò mò Yesò tɨm li Ntsɨŋ ghom a ghə̀ŋ nə̀ nyʉ̀ venə la ghə̀ŋ shə̀ʼtə̀ a ənoyn ə viʼi və byɨməvə. Ma diʼ mu mà fʉ̀ fa ngwaʼ ə ngə̀ŋ nə̀ Devìt be diʼ fədzɨ̀ŋ fə boʼòngə̀ŋ boʼòngə̀ŋ fifə a fə baynə no nànto.”

Kəmwetə 22:6

Ntsɨŋ Nyìngòŋ ayi ə mu gàʼ a mò la, “Ənyʉ̀ venə a mà gàʼa lə ne diʼ to no nəmwèʼè, kwʉ̀ʼʉ̀ ando no ndo byɨmə. Bobo Nyìngòŋ yi a ghə̀ kù kəzhwì kə wen a nshə̀ʼtə̀ sə ghoʼsə tɨmə Ntsɨŋ Nyìngòŋ la ghə̀ diʼ nyʉ̀ vyi a və sə kəŋ ə fʉ̀ a viʼi və shyèʼ və nə̀ Nyìngòŋ ndiʼ vəwenə nə̀ kɨ.”

Kəmwetə 22:9

Alì ghə̀ gàʼ a mò la, “kə wù mwomsə! Ma shyèʼ a Nyìngòŋ ə to nə̀ wù nə̀ vəlemə vyə, mu à le nshə̀ʼtə̀ sə ghoʼsə nə̀ viʼi və tsèm vi a və zhʉ ə wʉ̀ nyʉ̀ vyi a və diʼi a ŋwàʼlə̀ ashə. Wu gumlə to Nyìngòŋ!”

Kəmwetə 6:11

Və mù kù vədàlə və fəfəvə à vəwenə no vətsèm ə̀ gàʼ à vəwenə la vəwenə be zhʉ̀tə̀ fəshitə̀ ə zaʼa a zhʉ a viʼi a vyi ne be zhwilə vəlèmə̀ vəŋə vi a wenə̀ vəwenə tə̀ ndiʼ ghə̀ŋ və wenə mu kuʼ a muʼu kuʼ ə̀ kwʉ̀ʼ.