2 Kolìntyàns 9:15 - The New Testament in the Babanki language

¹⁵ Kəzòŋ kə Nyìngòŋ byìʼì Wàyn wen yì a ghə̀ nku a vəghəŋ. A diʼ kəku kə kaynə kə.

2 Kolìntyàns 9:15 ပူးပေါင်းရင်းမြစ်များ

Ŋwàʼlə̀ Luk 2:14

“Vəghəŋ ghoʼsə Nyìngòŋ a ghə̀ diʼi a kàŋ. Mbwaʼmə diʼ a kwi nse a viʼi a ghə̀ kòŋə.”

Ŋwàʼlə̀ Luk 2:38

A sə ndiʼ kəlyɨŋ kə zhʉ a və nvì nə̀ Yesò a ngə̀ŋ Nyìngòŋ li, ghə̀ bè kwen tò a zhʉ ayì ə ku kəzòŋ kə Nyìngòŋ byìʼì wàyn a ghèn ə sə̀ shə̀ʼtə̀ kənyʉ̀ kə wàyn kèn a no məndo a ghə̀ nkə̀ʼtə̀ la Nyìngòŋ vi zen kətʉ kə viʼi Jelusalèm fa ngəʼ?

Joyn 1:16

A diʼ fa kusə shinsə wen a ghə̀ diʼ no ghoʼ ə ghoʼ, a ghə̀ ne la vəghəŋ sə kiʼi ə mbwaʼməsə to ghayn a ghayn.

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Lumans 5:15

Alì nəkwoŋ diʼ. Kəku kə Nyìngòŋ kə cho kənyʉ̀ ki a wìʼ nè ə byɨbsə no nànto a ji la viʼi ə pfʉ, to kədə̀ŋ byìʼì mbyɨ ə wìʼ ə mùʼ, à diʼ mbyɨ Adàm, ali wìʼ ə mùʼ, ə Yesò Klistò ə nè Nyìngòŋ ə diʼ ətyɨm ə jùŋə ghə̀ a viʼi, no və ghoʼo.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

Lumans 8:32

Nyìngòŋ ə ko tyen ə ku Wàyn wen la və bayntə a kəntò byìʼì vəghəŋ və tsèm. Kə le diʼi la ghə̀ na ku no əfo ə tsèm a vəghəŋ ə kwʉ̀ʼsə a kətʉ ə Wàyn wen.

1 Kolìntyàns 15:57

Alì kəzòŋ kə dyʉ̀ a Nyìngòŋ yi a ghə̀ ne la vəghəŋ tem ə zhɨ̀ pfʉ chò fa a Bobo vəghəŋ Yesò Klistò.

2 Kolìntyàns 2:14

Alì, ma ku kəzòŋ kə Nyìngòŋ. Ghə̀ tisə yès to məzhʉ̀ ə tsèm, yès ə ndzɨ̀mtə̀ fa bàm ə Yesò zhɨ no gho na yì a yes ə nè. Ghə̀ ne yès ə gətə ntɨm ə Yesò, viʼi kɨ wen, ntɨm ayi saykə dyʉ̀ to shì ə tsèm to nə̀ kəlemtəkə kələŋkə.

2 Kolìntyàns 9:11

Nyìngòŋ na bwaʼsə ghə̀ŋ ə ku tənki tə fo a ghə̀ŋ to tətsèm, a ghə̀ŋ a ngyàmtə̀ viʼi tsu. Ghə̀ŋ na ku a yès ə yès sə nku a viʼi, vəwenə nku kəzòŋ a Nyìngòŋ,

2 Kolìntyàns 9:14

Viʼi na yen alə̀ ə nkòŋ ghə̀ŋ no nànto, jɨ̀mə̀ a ghə̀ŋ byìʼì ətuʼmə ə kaynəghə yì a Nyìngòŋ ə tuʼmə nə̀ vəwenə chò fa ghə̀ŋ.

Efisyàns 5:20

Ghə̀ŋ ə̀ ku kəzòŋ a Nyìngòŋ ə Tìʼ no mənzhʉ̀ ntsèm kùmə̀ no tèbe ghò a ghə̀ fʉ̀. Ghə̀ŋ nku kəzòŋ a wen a zhiʼ Bobo vəghəŋ ə Yesò Klistò.

Jems 1:17

No kəku kə jùŋ kə kò a kə bòŋə̀ ə lù fà kàŋ mu à ku Tìʼ a ghə̀ ə nshɨtə bayn. Tìʼ ayì ko lu nkwitə kò ghə̀ lu nè la vəghəŋ ndiʼ a tì mfɨnə̀ byìʼàndo ghə̀ ko lu kwitə.

Kəmwetə 4:9

Ə̀fo zhwisəvə avenə nzhɨmə ndzàŋsə ku əghoʼsə, nə̀ gumlə bènə̀ kəzòŋ à wìʼ yì a ghə̀ ŋwʉʼ a kəfwoyn yì, ə̀wen yì a ghə̀ diʼì no məzhʉ ə̀ ntsèm.