2 Kolìntyàns 9:13 - The New Testament in the Babanki language

¹³ Əshyèʼè a ghenə a ghə̀ŋ ne lə̀ ə diʼi ətyɨm ə jùŋə ghə̀ yì a ghə̀ŋ kiʼi a viʼi, ə be diʼi mwetə la ghə̀ŋ zhʉ ntɨm ə jùŋ ə Yesò yì a ghə̀ŋ jèʼè shə̀ʼtə̀. Kənyʉ̀ na kì ə na ne, viʼi nkuʼsə Nyìngòŋ, to kədə̀ŋ.

2 Kolìntyàns 9:13 ပူးပေါင်းရင်းမြစ်များ

Matìyò 5:16

A diʼ tò ndə̀ŋndəŋ ando ghə̀ŋ diʼi baynə a viʼi ndi viʼi yen nyʉ̀ jùŋ və vyi a ghə̀ŋ nè mù nkuʼsə tiʼi ghə̀ŋ yi a ghə̀ diʼi a kàŋ.”

Matìyò 9:8

Viʼi nè yen alì sə fàyn no ŋàŋ, bè mù sə̀ kuʼsə Nyìngòŋ ando ghə̀ ku nki àdyoʼ a ghèn à viʼi.

Ŋwàʼlə̀ Luk 6:46

“Byìʼì ghò a ghə̀ŋ dzàŋ mò la ‘Bobo, Bobo,’ məzhʉ tsèm, kènla ghə̀ŋ nè kənyʉ̀ kì a ma gàʼà ghə̀ŋ a?

Joyn 15:8

A ndiʼ a azhʉ̀ a ghə̀ŋ kumə ashɨ to kədə̀ŋ, diʼi la ghə̀ŋ diʼ ndzɨ̀mtə̀sə bàm ə mo, no mbyi ə tsèm yen kədyòʼ kə Tìʼ ghom.

Shwèʼ 11:18

Andìʼ ando Vəjew vəbyɨməvə nzhʉ kənyʉ̀ a Bità ngaʼà, vəwenə nko bè ghàm wen. Vəwenə sə bwomsə̀ Nyìngòŋ gàʼà la, “Nyìngòŋ be ku ji à viʼi tɨm la vəwenə kwitə tətyɨm tə vəwenə fa vəwenə a nyʉ̀ byɨvə ndi lu kiʼi bwòŋ.”

Shwèʼ 4:21

Viʼi a vyi yen la vəwenə ko be kiʼ jì ə zhuŋsə Bità wenə̀ Joyn byìʼàndo no viʼi vətsèm sə bwomsə̀ tò Nyìngòŋ byìʼì kənyʉ̀ kì a kə ncho wìʼ yì to. Vəwenə mu bè kàyntə̀ nyʉ̀ a Bità wenə̀ Joyn a gɨ to mù ghʉsə vəwenə la vəwenə ndyʉ̀. Wìʼ yì a və nchʉʼʉ̀ lì ndiʼ mu ghə̀ chò li ngwʉʼ məwum nkàʼ.

Lumans 10:16

Alì, à ko diʼ viʼi və tsèm a və zhʉ̀ ntɨm ə jùŋ na ghèn ə sə wʉ̀ kətʉ tsu. Kə diʼ to ndə̀ŋndəŋ ando nshə̀ʼtə̀ əsoʼgho ə gaʼa ə bèm la, “Viʼi vi a və zhʉ̀ ntɨm yì a yès shə̀ʼtə ə byɨmə le bè diʼ no və ndo a Bobo?”

Lumans 12:8

Wìʼ ə nkɨ ə tyɨftə viʼi, ghə̀ ə̀ tyɨftə to tyɨftə; wìʼ nkɨ ə ku fo ə gyàmtə̀ viʼi, ghə̀ nku, kə ghə̀ a nghə̀ʼ. Wìʼ a ghə̀ tisə viʼi diʼ ə ne shyèʼ to nə̀ ətyɨm ə wenə no tsèm, yi a ghə̀ tuʼmə nə̀ viʼi ə nshyèʼ to nə̀ saŋlə.

Lumans 15:31

Ghə̀ŋ ə jɨ̀mə̀ la kə viʼi Jùdiyà vyi a və ko kɨ Nyìngòŋ nè yenə ngəʼ a mò. Ghə̀ŋ be ə njɨ̀mə̀ la Nyìngòŋ nè, viʼi və byɨməvə vyi a Jelusalèm ə saŋlə ə shi ə gyàmtə̀ yì ando mà dyʉ̀ nə̀ wenə ghə̀ a vəwenə.

Lumans 16:26

luwen sə ə diʼ mù ghə̀ diʼi li kənyʉ̀ na kènkə a ndayn əchò fa nyʉ̀ yi a nshə̀ʼtə̀ sə ghoʼkəsə ə nyoʼo kumə Yesò. Ghə̀ ngaʼa li la viʼi vətsèm byɨmə ə zhʉtə, a diʼ wen yi a ghə̀ fàŋ li nəmwèʼè.

2 Kolìntyàns 10:5

Yès ə byɨbsə kəngùmə̀ kì a vi kuʼsə wen nè la kə viʼi kɨ Nyìngòŋ. Yès ə tisə təkwòʼtə̀ tə viʼi, ne la vəwenə kwoʼtə nyʉ̀ a ji yi a Yesò ə kəŋ la və nkwoʼtə fa tsu.

2 Kolìntyàns 2:12

Andiʼ ando mà nvi zaʼa a Tɨ̀luwàs sə shə̀ʼtə̀ ntɨm ə jùŋ byìʼì Yesò, ma yen la Nyìngòŋ ə sə diʼ mù ghə̀ boʼtə li ji la mà shə̀ʼtə̀,

2 Kolìntyàns 8:4

ku ali sensə yès la yès ku ji, vəwenə ku be bòŋ gyàmtə̀ viʼi Nyìngòŋ vyi a və tsi a Jelusalèm.

2 Kolìntyàns 9:14

Viʼi na yen alə̀ ə nkòŋ ghə̀ŋ no nànto, jɨ̀mə̀ a ghə̀ŋ byìʼì ətuʼmə ə kaynəghə yì a Nyìngòŋ ə tuʼmə nə̀ vəwenə chò fa ghə̀ŋ.

Gàlesìyà 1:24

Vəwenə mù sə bwomsə Nyìngòŋ byìʼì mò.

1 Timotì 6:12

Mwòmsə̀ shwèʼ no nə̀ kədyòʼ kə ə ghaʼ byɨmə ə wu to nə̀ wìʼ yi a ghə̀ nyɨŋ kənyɨŋ ə zhɨ ndi wù lu kiʼi ntsìnə̀ yi a ghə̀ ko lu mè. Wokèn ə diʼ ntsìnə̀ yi a Nyìngòŋ ə ndzàŋ wù la wù kiʼi, ando wù ə tɨmə ashɨ viʼi ə gàʼ a ndayn la wù byɨmə li à Klistò no nə̀ ətyɨm ə wu no tsèm.

1 Timotì 6:13

Mà jɨ̀mə̀ la Nyìngòŋ yì a ghə̀ nè la əfo ə tsèm ə ndìʼ nə̀ Yesò Klistò yi a ghə̀ ntɨmə ashɨ nə̀ Bontiyùs Bilate ə gàʼ nəmwèʼè ə diʼi byɨmə əwen, la vəwenə ə ntì a nə̀ ncho nsoʼ a nyʉ̀ a venə.

Hibùlù 10:23

Vəghəŋ ghaʼ kənyʉ̀ ki a vəghəŋ ə kɨ la kə diʼ nəmwèʼè ə to tsu kə vəghəŋ be a nə̀ʼkə̀, byìʼì ando Nyìngòŋ ə ghʉ̀ no ghò, ghə̀ ne to ali.

Hibùlù 13:16

Kə wìʼ na faŋ ke nè njùŋ a lèmə̀ wen, gətə kəfo kì a ghə̀ kiʼi ə ku wù ə tsen. Ənyʉ̀ a venə diʼ a Nyìngòŋ to nə̀ kəku, kə nè la ghə̀ nsaŋlə.

Hibùlù 3:1

Vəlemə vwomə və laynəvə vyi a Nyìngòŋ ə bòŋ li dzàŋ ghə̀ŋ la ghə̀ŋ ə diʼ viʼi wen, kə lə diʼi la ghə̀ŋ diʼ ə shɨtə ə ghʉ̀ kwoʼtə ə ghəŋə a Yesò. Ghə̀ diʼ wù ə ntɨm Nyìngòŋ a vəghəŋ be diʼ kətʉ pfèm a ngə̀ŋ Nyìngòŋ, gyàmtə̀ vəghəŋ no ghò na yì kumə əbyɨmə yì a vəghəŋ ə kiʼi.

Hibùlù 4:14

Vəghəŋ shɨtə ghaʼa əbyɨmə ə vəghəŋ ghə̀ to, byìʼì ando vəghəŋ ə kiʼi kətʉ kə Vəpfèm ə ŋaŋtə a ghə̀ ə kuʼ akàŋ. Pfèm ə ngə̀ŋ Nyìngòŋ ə ŋaŋtə na ghèn a ghə̀ ŋaŋtə chò sətsensə lə diʼ to no Yesò, ə Wàyn Nyìngòŋ.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.

1 Bità 4:11

Wìʼ yi a ghə̀ shə̀ʼtə̀ kənyʉ̀ kə Nyìngòŋ, ghə̀ nshə̀ʼtə̀ to no kənyʉ̀ ki a kə lù fa Nyìngòŋ. Wìʼ yi a diʼ wù ə shwèʼè, ghə̀ ə shyèʼ to no nə̀ kədyòʼ kì a Nyìngòŋ ə kù li a wen. Ghə̀ŋ ə nè to alə ndiʼ viʼi ə kuʼsə Nyìngòŋ chò fa a Yesò Klistò. Ghə̀ kiʼi kùʼsə nə̀ kədyoʼkə to məzhʉ̀ ə tsèm. Amèyn.