2 Kolìntyàns 8:8 - The New Testament in the Babanki language

⁸ Ma ko gaʼa alə la ma ku a nə̀ əsoʼ. Ali ma kəŋ diʼ ji a wenə viʼi vətsevə fwomə vəwenə kəŋ gyàmtə̀, ndiʼ ma kɨ la əkòŋ ə ghə̀ŋ diʼ nəmwèʼè mu lo.

2 Kolìntyàns 8:8 ပူးပေါင်းရင်းမြစ်များ

Lumans 12:9

Ghə̀ŋ sə nkòŋ viʼi, ghə̀ŋ ə nsùtə̀ kòŋ no nkayn, kə ghə̀ŋ a lobtə lobtə. Ghə̀ŋ ə mbàynə̀ mbyɨ, shɨtə ghaʼ ə nyʉ̀ ə jùŋə və.

1 Kolìntyàns 7:12

A viʼi vətsenvə, à sə diʼi gàʼa ghomə a ko diʼ gàʼ Bobo la, wù ə byɨmə sətsen ə nkiʼ wùwì, a ko diʼ wù ə byɨmə, wùwì ayi byɨmə ə ntsi wenə wen, kə ghə̀ a dzɨ̀m ə wen.

1 Kolìntyàns 7:25

Ma gàʼ kənyʉ̀ luwen kumə viʼi vyi a və ko tɨmə ə lamkə. Ma ko kiʼi əsoʼ mu ghə̀ lù fa Bobo, ma gàʼà to kənyʉ̀ kì a ma kwòʼtə to nə̀ wìʼ a Bobo kusə shinsə ə ne ghə̀ kʉʼʉ la və nchoʼsə̀ wen.

1 Kolìntyàns 7:6

Ma gàʼà kənyʉ̀ a kèn to gàʼà a ghə̀ŋ, ma ko chòsə̀ a nə̀ əsoʼ.

2 Kolìntyàns 6:6

Yès diʼi li la yès diʼ viʼi Nyìngòŋ byìʼì ando yès ə tsì ətsìnə̀sə laynəsə, kɨ kənyʉ̀ ki a kə diʼi nəmwèʼè, wensə, tuʼmə, kiʼ Kəzhwì kə Ŋwoʼkə be kòŋ viʼi vətsenvə nə̀ tyɨm ə yèsə no tsèm.

2 Kolìntyàns 8:10

Ma kəŋ ə gàʼ kənyʉ̀ ki a ghə̀ŋ a ma kwòʼtə kumə kənyʉ̀ a kènkə. Ma kəŋ la ghə̀ŋ mwetə kənyʉ̀ ki a ghə̀ŋ tə zìtə̀ a ngwʉʼ a ghə̀ tə cho lə. Ghə̀ŋ tə ndiʼ mbìsə viʼi nkəŋ ə ku, ə be sə diʼ mbìsə ə zìtə̀ ə ku.

2 Kolìntyàns 8:24

Ghə̀ŋ ə diʼ lì a viʼi a venə la ghə̀ŋ kòŋ vəwenə, la nyʉ̀ vyi a yès gàʼa kumə ghə̀ŋ diʼ to no nəmwèʼè, ndiʼ ntsèntə̀sə viʼi Nyìngòŋ yen no vətsèm.

2 Kolìntyàns 9:2

byìʼì ando ma kɨli la ghə̀ŋ sə bvɨtə ə gyàmtə̀. Ma tə sə zhʉ kənyʉ̀ a ki ando viʼi Màsìdonìyà gàʼ la, ghə̀ŋ viʼi Akayà tə sə bvɨtə ə ku no fa ngʉ̀sə a sə cho li. Vəwenə tə zhʉ̀ əwen vəwenə sə fwomə vəwenə sə be kòŋ no nànto ə ku.

2 Kolìntyàns 9:7

Nò tèbe ndo ə sə nku, ghə̀ nku to kəfo kì a ghə̀ ghʉ a wen tyɨm la ghə̀ a ku. Kə wìʼ na ku sə və kwiʼi wen kwiʼi. Kə wìʼ na sə ku nku sə ghə̀ kyemə kyemə byìʼì ando Nyìngòŋ kòŋ wìʼ yì a ghə̀ kù nə̀ saŋlə.

Efisyàns 4:15

vəghəŋ ə boŋsə gaʼa to nəmwèʼè diʼi kòŋ a viʼi vətsèm, vəghəŋ a kwi to ji sə tsèm ə ndiʼ ando Yesò Klistò yi a ghə̀ diʼi kətʉ kə vəghəŋ.

Efisyàns 6:24

Nyìngòŋ ə diʼi ətyɨm ə jùŋə ghə̀ a ghə̀ŋ vyi a ghə̀ŋ sə kòŋ Bobo vəghəŋ Yesò Klistò to kòŋ.

Hibùlù 10:24

Vəghəŋ ə diʼ nkɨ kənyʉ̀ kə vəlemə və vəghəŋ, mwomsə ə ne la vəwenə ə nè jùŋ a vəlemə vətsenəvə be kòŋ vəwenə.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.