2 Kolìntyàns 8:6 - The New Testament in the Babanki language

⁶ A lə kənyʉ̀ ki a yès tə sensə Taytùs la ghə̀ gyamtə ghə̀ŋ ghə̀ŋ nè mwetə shyèʼ jùŋghə a ghenə a ghə̀ tə ne ghə̀ŋ zìtə̀ lə̀.

2 Kolìntyàns 8:6 ပူးပေါင်းရင်းမြစ်များ

Shwèʼ 24:17

“Andìʼ fà bàmə ngwʉ̀ʼsə no səghoʼo a mà ntsi li a kəbəŋ a mà mbwènə̀ vì a Jelusalèm nə̀ ko a və ntɨmə̀ la mà vi kù à viʼi vwomə, be kù à kəku à Nyìngòŋ.

Lumans 15:25

A diʼ luwen ma dyʉ̀ a Jelusalèm ə gyàmtə̀ viʼi Nyìngòŋ tsu,

2 Kolìntyàns 12:18

Ma tə sensə Taytùs la ghə̀ vi ə yèn ghə̀ŋ, wenə vəlemə vətsenəvə vi wenə wen. A le diʼ la Taytùs tə vi shi kəfo fa ghə̀ŋ mu? A kò yo Taytùs ti to a kənyʉ̀ kə mùʼ, tsi to ntsìnə̀ ə muʼ?

2 Kolìntyàns 2:13

ali ma nko yen lèmə̀ vəghəŋ Taytùs tsu, kənyʉ̀ na kì sə ku ngəʼ a mò tyɨm, ma mu toŋtə viʼi tsu, ə lù ə dyʉ̀ a shə Màsìdonìyà.

2 Kolìntyàns 8:10

Ma kəŋ ə gàʼ kənyʉ̀ ki a ghə̀ŋ a ma kwòʼtə kumə kənyʉ̀ a kènkə. Ma kəŋ la ghə̀ŋ mwetə kənyʉ̀ ki a ghə̀ŋ tə zìtə̀ a ngwʉʼ a ghə̀ tə cho lə. Ghə̀ŋ tə ndiʼ mbìsə viʼi nkəŋ ə ku, ə be sə diʼ mbìsə ə zìtə̀ ə ku.

2 Kolìntyàns 8:19

Ə kwʉ̀ʼsə, ghə̀ diʼ mu a tsuʼ ntsèntə̀sə viʼi Nyìngòŋ ntsuʼ wen la yo vəwenə njèʼè ne shyèʼ jùŋ ghə̀ a ghenə, ku əkuʼsə a Nyìngòŋ ə be diʼi la yès ə kòŋ ə ngyàmtə̀.

2 Kolìntyàns 8:23

A Taytùs, ghə̀ shyèʼè yo wen amuʼ nə̀ a kənyʉ̀ kə muʼ, ə gyàmtə̀ ghə̀ŋ. Vəlemə vətsenvə venə a wenə vəwenə diʼ amuʼ lyɨ kəshi kə ntsèntə̀sə viʼi Nyìngòŋ vyi a və diʼi ashə̀. Ə shyèʼ ə vəwenə ə nè, viʼi kuʼsə Yesò.

2 Kolìntyàns 8:4

ku ali sensə yès la yès ku ji, vəwenə ku be bòŋ gyàmtə̀ viʼi Nyìngòŋ vyi a və tsi a Jelusalèm.

2 Kolìntyàns 9:5

A le kənyʉ̀ kì a mà tə yen la kə bòŋ la mà gaʼa vəlemə venə vi ə yèn ghə̀ŋ ambì, wye vəwenə nè mwetə baʼtə̀ kumə kəku ki a ghə̀ŋ tə mbaʼtə̀, ə diʼ la à kòŋ to no ghə̀ŋ ə ku ko andiʼ la və kwiʼi ghə̀ŋ kwiʼi.

Filìbàyns 4:18

Mà gàʼà à ghə̀ŋ la mà kiʼi li əfo a ghə̀ŋ tɨmə a mo no tsèm ə mbe nkiʼi ə ncho. Èbàfàlòditùs tə vì ə̀ kù no ə̀fo tsèm a ghə̀ŋ tə̀ tɨm la ghə̀ vi ə̀ kù à mò, mà ko bè gho kəfo. Ə̀fo avenə lèmtə̀ fwomə no nkàyn, à diʼ nə̀ kəku à Nyìngòŋ shi li ə sə saŋlə̀ no nkàyn.

1 Bità 4:10

Nyìngòŋ ə bwàʼsə li ghə̀ŋ ə ku mə ku to a tənkì a tənki. Kə lə diʼi la no ndò ə diʼ ə lyɨ̀ kəku kə wen kì a Nyìngòŋ ə ku li ə nè jùŋ a viʼi vətsenvə nə̀ kəwenkə to nə̀ viʼi shyèʼ və jùŋvə Nyìngòŋ.