2 Kolìntyàns 8:23 - The New Testament in the Babanki language

²³ A Taytùs, ghə̀ shyèʼè yo wen amuʼ nə̀ a kənyʉ̀ kə muʼ, ə gyàmtə̀ ghə̀ŋ. Vəlemə vətsenvə venə a wenə vəwenə diʼ amuʼ lyɨ kəshi kə ntsèntə̀sə viʼi Nyìngòŋ vyi a və diʼi ashə̀. Ə shyèʼ ə vəwenə ə nè, viʼi kuʼsə Yesò.

2 Kolìntyàns 8:23 ပူးပေါင်းရင်းမြစ်များ

Ŋwàʼlə̀ Luk 5:10

Vunə Zebedì vyì a və Simùn nshwèʼè a muʼu, a ndiʼi Jems nə̀ Joyn, bè ndìʼi nə̀ kàynə. Yesò mù gàʼ a Simùn la, “Kə wù be fàyn, əzìtə̀ fa luwen ədyʉ̀ mbì, wù ne nku viʼi.”

Ŋwàʼlə̀ Luk 5:7

Vəwenə kabtə̀ viʼi jeʼ vəwenə la vəwenə vi ə gyàmtə̀ vəwenə, vəwenə vi nə̀ nkanuʼ tsen ə lwinsə və nkanuʼ na vyì və bò və sə̀ kəŋ shwemə a mù.

Joyn 13:16

Ma gaʼa a ghə̀ŋ no nəmwèʼè la wù ə shwèʼè ko tɨmə chò tiʼi shyèʼ wen, wù ə ntɨm ko ntemə chò wìʼ yi a ghə̀ tɨmə wen.

1 Kolìntyàns 11:7

A wulɨm, ghə̀ ko diʼ ə chiʼtə kəfo a wen a kətʉ byìʼì ando Nyìngòŋ ə ne li la ghə̀ əfɨsɨ Nyìngòŋ, diʼi əbayn ə Nyìngòŋ, alì a wùwì, wùwì ne la lɨmə wen ə nkuʼmə̀.

2 Kolìntyàns 12:18

Ma tə sensə Taytùs la ghə̀ vi ə yèn ghə̀ŋ, wenə vəlemə vətsenəvə vi wenə wen. A le diʼ la Taytùs tə vi shi kəfo fa ghə̀ŋ mu? A kò yo Taytùs ti to a kənyʉ̀ kə mùʼ, tsi to ntsìnə̀ ə muʼ?

2 Kolìntyàns 7:6

Alì Nyìngòŋ yi a ghə̀ bwaʼa sə tətyɨm tə viʼi a və kaynə mbyi li, wye tyɨm ə yèsə ando Taytùs nvi a yès.

2 Kolìntyàns 8:16

Ma ku Kəzòŋ kə Nyìngòŋ ando ghə̀ ne Taytùs sə kiʼi əkòŋ a ghə̀ŋ ando ma kiʼi.

2 Kolìntyàns 8:18

Yès ə be tɨmə lèmə̀ yès ə tsen wenə wen, a diʼ wìʼ viʼi kòŋ wen a ntsèntə̀ sə viʼi Nyìngòŋ ashə̀ no akayn byìʼì ando ghə̀ kɨli ə shə̀ʼtə̀ ntɨm ə jùŋ.

2 Kolìntyàns 8:19

Ə kwʉ̀ʼsə, ghə̀ diʼ mu a tsuʼ ntsèntə̀sə viʼi Nyìngòŋ ntsuʼ wen la yo vəwenə njèʼè ne shyèʼ jùŋ ghə̀ a ghenə, ku əkuʼsə a Nyìngòŋ ə be diʼi la yès ə kòŋ ə ngyàmtə̀.

2 Kolìntyàns 8:22

Yès a sə tɨmə vəwenə be tɨmə boʼsə nə̀ lèmə̀ yès ə tsen, ghə̀ diʼ mù yès mwomsə li wen, ghə̀ ndiʼi a yès to aghayn aghayn la ghə̀ kòŋ ə ngyàmtə̀, be ndiʼi mwetə luwen ando ghə̀ choʼsə ghə̀ŋ no nànto la ghə̀ kòŋ ə gyàmtə̀ ghə̀ŋ.

2 Kolìntyàns 8:6

A lə kənyʉ̀ ki a yès tə sensə Taytùs la ghə̀ gyamtə ghə̀ŋ ghə̀ŋ nè mwetə shyèʼ jùŋghə a ghenə a ghə̀ tə ne ghə̀ŋ zìtə̀ lə̀.

Filìbàyns 2:25

Mà yen li kə be bòŋə̀ la mà be bwensə ə̀ tɨ̀m lèmə̀ vəghəŋ ə Èbàfàlòditùs à ghə̀ŋ. Yo wen ə shyèʼè əsoyn be ntem əghoŋ ghenə a muʼu. A dìʼ wù ntɨm a ghə̀ŋ ə ntɨm li la ghə̀ vi ə̀ ngyàmtə̀ mò.

Filìbàyns 4:3

Mà gaʼa à wù a ma ghʉ ə tyɨmə ghomə a wù a yowù tsentə̀ ə̀ shyèʼ a muʼu, Mà kəŋ la wù gyamtə ki venə byìʼe yo vəwenə nshə̀ʼtə̀ ntɨm ə jùŋ amuʼ əboʼsə nə̀ Clemèn bènə̀ viʼi vətsenvə a təzhiʼ tə vəwenə sə̀ diʼ a ŋwàʼlə̀ əbwòŋ.

Kòlòsyàns 1:7

Ghə̀ŋ nziʼi ntɨmə jùŋə na ghèn fa Èbafàlàs. Yès əkòŋ wen no nànto yo wen tsentə shwèʼè a Yesò. Ghə̀ shwèʼè a Klistò nə̀ tyɨmə wenə no tsèm. Ghə̀ shwèʼè ə shwèʼ a yès tə ndiʼ nshwèʼè.

1 Tèsàlonyà 2:2

Ghə̀ŋ kɨ li la a ndiʼ mibu yès vi a Tèsàlonikà mu yès ə yen li ngəʼ no nànto, və be telə yès no nànto a ntə̀ʼ Filìbay. Nyìngòŋ ə vəghəŋ nè la yès shə̀ʼtə̀ ntɨm ə jùŋ a ghə̀ŋ mu ghə̀ lù fa Nyìngòŋ no nə̀ ətyɨm ə to ghə̀, no tèbe ando viʼi ə ko ə kòŋ ə zhʉtə.

2 Timotì 4:10

byìʼì ando Demàs kòŋ li əfo mbyi luwèn, ə nyɨŋ moʼtə mo ə dyʉ̀ a Tèsàlonikà. Klesèns mbe lu ə ndyʉ̀ a Gàlesìyà, Taytùs ə dyʉ̀ a Dalmatiyà.

Taytùs 1:4

Mà nyòʼò à wù a Taytùs. Wù dìʼ no nkàyntə̀ wàyn ghom byìʼàndo yowù kìʼ tò byɨmə mùʼ. Nyìngòŋ wenə̀ mbwòŋsə̀ vəghəŋ ə Yesò Klistò a dìʼ ətyɨm ə jùŋ ghə̀ à wù ə ne la wu ntsi tò nə̀ mbwaʼmə̀.

Filimùyn 1:17

Wù sətsen nkɨ la yowù shwèʼè to kənyʉ̀ kə mùʼ, wù shisə Onesimùs ndə̀ŋndəŋ ando wù ə zizi a wù shisə mo.

Filimùyn 1:24

Viʼi venə ə be tɨmə ətoŋtə a wù. A yi Mak nə̀ Alistakùs nə̀ Demàs nə̀ Luk. Yo vəwenə shwèʼè a kənyʉ̀ kə mùʼ.

3 Joyn 1:8

Kə mu sə diʼ la vəghəŋ diʼ ə ntomsə̀ nki viʼi avenə ndi vəghəŋ ə ntsèntə̀ shyèʼè à nəmwèʼè.