2 Kolìntyàns 8:21 - The New Testament in the Babanki language

²¹ Yès ə ne alə̀ byìʼì ando yès bàʼtə li ə ne to nyʉ̀ a və kwʉ̀ʼ ashɨ Nyìngòŋ benə ashɨ viʼi.

2 Kolìntyàns 8:21 ပူးပေါင်းရင်းမြစ်များ

Matìyò 23:5

Vəwenə nè no mə ghò tò la və yen vəwenə. Vəwenə nè məmbòtə mə jɨm mə vəwenə a vəwenə kwiʼi à vəwenə à tʉ bènə̀ à vəwenə a kwoŋ nànkwè mə ghoʼkə̀. Vəwenə be nè mbwin vi a vəwenə chətə̀ à vəwenə a təsoŋ tə ndisə və dyə̀fkə̀ no nànto.

Matìyò 5:16

A diʼ tò ndə̀ŋndəŋ ando ghə̀ŋ diʼi baynə a viʼi ndi viʼi yen nyʉ̀ jùŋ və vyi a ghə̀ŋ nè mù nkuʼsə tiʼi ghə̀ŋ yi a ghə̀ diʼi a kàŋ.”

Matìyò 6:1

“Ghə̀ŋ tùʼmə̀, la kə ghə̀ŋ a nè nyʉ̀ jùŋ və a zhìʼ Nyìngòŋ tò byìʼì ando ghə̀ŋ kəŋ la viʼi yen ghə̀ŋ. Ghə̀ŋ sə tsèn nè ali, kò Tìʼ ghə̀ŋ a ghə̀ dìʼ a kaŋ lə ku mòʼtə̀ à ghə̀ŋ.

Matìyò 6:4

Kə la diʼi la wù lyɨ kəku, kə wù a ku byìʼì ando wù kəŋ la viʼi yen. Wù ne alì, ə Tìʼ wù yi a ghə̀ yenə ənyʉ̀ ə nlyòmtə və ne ku əmòʼtə ə wu.

Lumans 12:17

Kə ghə̀ŋ be lù bwensə mbyɨ nə̀ mbyɨ. Ghə̀ŋ ə boŋsə mwomsə ə ne nyʉ̀ vyi a və bòŋ a viʼi və tsèm.

Lumans 14:18

Wìʼ yi a ghə̀ shyèʼ a Yesò, tsi a ji na ghèn nè la Nyìngòŋ ə saŋlə, viʼi be kòŋ wen.

2 Kolìntyàns 2:17

Yès ko diʼ to nə̀ nghoʼo wìʼ a və lyɨ kənyʉ̀ kə Nyìngòŋ a fo wòŋ, baʼlə a əko. A tɨm Nyìngòŋ ntɨm yès la yès ə nè shwèʼ a ghenə, Yès sə shə̀ʼtə̀ to no nəmwèʼè a nə̀ viʼi shyèʼ ə Yesò, Nyìngòŋ ə lyè yès.

2 Kolìntyàns 8:20

Yès ə mwomsə ə shə̀tə̀ ghaʼa kəku a kènkə byìʼì ando yès ə ko kòŋ la wìʼ ə lù ghàm yès ə gàʼ la yès ko tə nshɨtə ghaʼa kəku na kì.

2 Kolìntyàns 8:22

Yès a sə tɨmə vəwenə be tɨmə boʼsə nə̀ lèmə̀ yès ə tsen, ghə̀ diʼ mù yès mwomsə li wen, ghə̀ ndiʼi a yès to aghayn aghayn la ghə̀ kòŋ ə ngyàmtə̀, be ndiʼi mwetə luwen ando ghə̀ choʼsə ghə̀ŋ no nànto la ghə̀ kòŋ ə gyàmtə̀ ghə̀ŋ.

Filìbàyns 4:8

Vəlèmə̀ vwomə ə kəmwetə, ghə̀ŋ ghʉ təkwòʼtə̀ təŋtə no tè a ghò yì a ghə̀ bòŋə̀ be diʼ və nghoʼsə̀,nyʉ venə diʼ ənyʉ̀ vyi a diʼì ənyʉ̀ nəmwèʼè, ənyʉ̀ vyi a və diʼì ə və jùŋvə, ənyʉ̀ vyi a diʼ ənyʉ̀ ə̀ tɨməvə, ənyʉ̀ vyi a diʼ ənyʉ̀ ŋwoʼvə, ənyʉ̀ a viʼi diʼ ə nkòŋə̀ bènə̀ ənyʉ̀ a və diʼì ə və ntemə təpfem tsu.

1 Tèsàlonyà 5:22

ə yen nə̀ ki a kodiʼ nəmwèʼè, ghə̀ŋ tensə.

1 Timotì 3:7

A diʼ ə ndi wìʼ, a no viʼi vətsenvə ə bwomsə ə wen, ndi kə ghə̀ ne diʼisə kətʉ ə fəŋ a kətam ə Deblə̀.

1 Timotì 5:14

Mà lə kəŋ la ki mphʉ vi a və ko dwìn bwènsə̀ lam ə mbwi vunə tùʼmə̀ nə̀ ngwaʼ ngə̀ŋ vəwenə ndi kə viʼi kəbàyn vəghəŋ a kiʼi jì ə ngàʼà ənyʉ̀ ə byɨvə byìʼì vəghəŋ.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.