2 Kolìntyàns 8:1 - The New Testament in the Babanki language

¹ Yès kəŋ a vəlemə la ghə̀ŋ kɨ kənyʉ̀ ki a Nyìngòŋ tə ne fa wen a kòŋ kə fʉ̀ a ntsèntə̀sə viʼi vəbyɨməvə a sə diʼi Màsìdonìyà.

2 Kolìntyàns 8:1 ပူးပေါင်းရင်းမြစ်များ

Matìyò 25:22

Wù shwèʼè yì a və nku mbo ko bò à wen lì bè vì gàʼ la, Wù tə ku mbo ko bò à mò, yen a mà kiʼi li se à yì a kətʉ mbo ko bò.

Shwèʼ 11:23

Ghə̀ dyʉ̀ tsu ə̀ yèn ando Nyìngòŋ diʼì li tyɨm jùŋghə à vəwenə, ə̀ sə saŋlə no nànto ə sènsə vəwenə la vəwenə mboʼsə Nyìngòŋ nə̀ tyɨm vəwenə no tsèm.

Shwèʼ 16:9

A sə ndiʼ nəntʉʼʉ, kənyʉ̀ kə fʉ̀ vì a kə̀ʼ Bol a nə̀ jòm, ghə̀ yen wìʼ mu ghə̀ lù fa Macedonia, ghə̀ ti a wen a shɨ sensə̀ wen gàʼà la, “Dyaŋ ə̀ vì a Macedonia ə̀ gyàmtə̀ yès.”

Shwèʼ 24:17

“Andìʼ fà bàmə ngwʉ̀ʼsə no səghoʼo a mà ntsi li a kəbəŋ a mà mbwènə̀ vì a Jelusalèm nə̀ ko a və ntɨmə̀ la mà vi kù à viʼi vwomə, be kù à kəku à Nyìngòŋ.

Lumans 15:26

byìʼì ando viʼi və byɨməvə a Màsìdonìyà nə̀ viʼi a Akayà tə nsaŋlə ə mòʼ əko la və gyàmtə̀ viʼi Nyìngòŋ vyi a və femə a Jelusalèm.

1 Kolìntyàns 15:10

Alì byìʼì ətyɨm ə jùŋə Nyìngòŋ, ma sə diʼ kəfo kì a ma diʼi kəwenkə luwen. Ətyɨm ə jùŋə na ghenə ko lè kədyàŋ. Ma boŋsə li shwèʼ no nə̀ kədyoʼkə, shwèʼ chò no ndò a ntìntìn ə̀ viʼi ntɨm no tèbe ando à ko tə nlaynsə shwèʼè mò, à tə nshwèʼè ətyɨm ə jùŋə Nyìngòŋ na yi a mò a wèn.

2 Kolìntyàns 11:9

Ma ndiʼ vəghəŋ, əzhʉ̀ ə tseghə vi kwʉ̀ʼʉ̀, ko ma lù ki kəfo fa ghə̀ŋ no fa mphen ali ko ma ku ngəʼ a wìʼ. A boŋsə tɨmə to vəlemə və vəghəŋ fa Màsìdonìyà tɨmə əfo a mò. Ma ko mbèmə kəfo a ghə̀ŋ no kətsi kətsenkə, ko andiʼ la ma lu bèm.

2 Kolìntyàns 9:12

byìʼì ando kəku a kènkə a ghə̀ŋ kù ko gyàmtə̀ to viʼi Nyìngòŋ. Ghə̀ŋ ne la vəwenə nku kəzòŋ a Nyìngòŋ no nànto.

2 Kolìntyàns 9:2

byìʼì ando ma kɨli la ghə̀ŋ sə bvɨtə ə gyàmtə̀. Ma tə sə zhʉ kənyʉ̀ a ki ando viʼi Màsìdonìyà gàʼ la, ghə̀ŋ viʼi Akayà tə sə bvɨtə ə ku no fa ngʉ̀sə a sə cho li. Vəwenə tə zhʉ̀ əwen vəwenə sə fwomə vəwenə sə be kòŋ no nànto ə ku.

2 Kolìntyàns 9:4

Kə sətsen fʉ̀ la yo viʼi Màsìdonìyà vi, yo vəwenə ko andiʼ la ghə̀ŋ baʼtə̀ li, a yès a diʼsə kətʉ kumə nyʉ̀ vyi a yès tə gàʼ kumə ghə̀ŋ, nkàyntə̀ ghə̀ŋ be diʼsə kətʉ no nànto.

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

Kòlòsyàns 1:29

A diʼ byìʼì ənyʉ̀ a venə a ma taŋkə, shwèʼè nə̀ kədyoʼkə kì a ghə̀ kù a mo.

1 Tèsàlonyà 4:10

Ghə̀ŋ sə diʼ mù ghə̀ŋ diʼi li kòŋ na yənə a vəlemə vəŋə və tsèm alòʼ ə Màsìdonìyà, yes sə sensə ghə̀ŋ a vəlemə la, ghə̀ŋ ə koŋə chò no fa li.