2 Kolìntyàns 7:10 - The New Testament in the Babanki language

¹⁰ Wìʼ ə sətsen nsù kətʉ mu a nè Nyìngòŋ, a kə a nè ghə̀ kwitə ntsi ntsìnə̀ ə jùŋ ə bwòŋ. Alì wìʼ sətsen nsù kətʉ a ji viʼi mbyi, kə a ne la ghə̀ boŋsə pfʉ pfʉ.

2 Kolìntyàns 7:10 ပူးပေါင်းရင်းမြစ်များ

Matìyò 26:75

Ghə̀ mù bwènsə̀ kwòʼtə̀ ando Yesò ngàʼà à wen la “Nkə̀ʼ ne sə toŋ mu wù mo li mò aghayn la a taʼ.” No a zhʉ kò Bità fʉ̀ dyʉ̀ a kəbəŋ ə dì tsu no mwèʼè mwèʼè.

Ŋwàʼlə̀ Luk 15:10

Ma gàʼà ghə̀ŋ la wu ne nyʉ̀ byɨvə mùʼ sətsen kwitə tyɨm wen ə bwenə dyʉ̀ à Nyìngòŋ, ntsɨŋsə wen sə saŋlə̀ tò ndə̀ŋndəŋ.”

Ŋwàʼlə̀ Luk 18:13

Wìʼ yì a ghə̀ tinə kənsè lì sə jɨ̀mə ti tò kəghaf, kò ghə̀ lə kòŋ əki kuʼsə nə̀ kaŋə ali ghə̀ ghʉ kəvu kə wen a wen kədʉʼ tò a nshinsə a nshinsə jɨ̀mə̀ gàʼà la, ‘Nyìngòŋ, kusə shinsə à mò, mà diʼ wù nyʉ̀ byɨvə!’

Shwèʼ 11:18

Andìʼ ando Vəjew vəbyɨməvə nzhʉ kənyʉ̀ a Bità ngaʼà, vəwenə nko bè ghàm wen. Vəwenə sə bwomsə̀ Nyìngòŋ gàʼà la, “Nyìngòŋ be ku ji à viʼi tɨm la vəwenə kwitə tətyɨm tə vəwenə fa vəwenə a nyʉ̀ byɨvə ndi lu kiʼi bwòŋ.”

Shwèʼ 3:19

Ma sə gàʼà à ghə̀ŋ la ghə̀ŋ kwitə lì tətyɨm ə̀ təŋtə ə̀ bwènə̀ vì à Nyìngòŋ a ghə̀ a shʉ nyʉ̀ byɨvə ghə̀ŋ ə màʼà. Bobo mu nè tətyɨm təŋtə tə nzhʉ̀tə̀ a zhʉ ayì,

2 Kolìntyàns 12:21

Ma fwàynə̀ la ma ne vì, ə Nyìngòŋ ə nè, a mà ə̀ diʼsə kətʉ kumə ghə̀ŋ, la ma ne vi ə yèn nghoʼ viʼi ko andiʼ la və kwitə li ntsìnə̀ byɨ yì a vəwenə tə ntsi, a yi viʼi vyi a və dzɨ̀mtə̀ ki no nànto nə̀ ki, a və jèʼtə̀ no nànto.

2 Kolìntyàns 7:9

Mà sə boŋsə saŋlə to sàŋlə luwen, a ko diʼ fa mbwo ma tə nyoʼo ŋwàʼlə̀, a ghə̀ŋ ghə̀ ne ghə̀ŋ sə diʼ nə̀ kənsù kə kətʉ. Ma saŋlə ando kənsù kə kətʉ ne li ghə̀ŋ kwitə ntsìnə̀ sə byɨsə ə ghə̀ŋ. Kə kə̀ʼə̀ la a tə ne Nyìngòŋ la ghə̀ŋ ndiʼ ali. Kə le diʼi la yès ko tə ne kənyʉ̀ shwè no fa mpfen.

Hibùlù 12:17

A ghə̀ŋ kɨli la à ndiʼ fa yi abàm ando ghə̀ ku to ə wen na yì a lèmə̀ wen ə tyetə, ghə̀ bwensə sə kəŋ no nə̀ məshɨ a wen a shɨ la tiʼi wen bwàʼsə wen ali ghə̀ tyen byìʼì ando ji nko be diʼ la ghə̀ bwensə tensə kənyʉ̀ ki a ghə̀ nsə diʼ mu ghə̀ nè li.