2 Kolìntyàns 6:8 - The New Testament in the Babanki language

⁸ Viʼi vətsenvə gumlə yès, vətsevə gàʼà nyʉ̀ ə byɨvə kumə yès. Viʼi vətsenvə ə bwomsə yès, vətsevə telə telə. Yès gàʼà to nəmwèʼè no tèbe ando və lyɨ yès a viʼi kəbaŋ.

2 Kolìntyàns 6:8 ပူးပေါင်းရင်းမြစ်များ

Matìyò 10:25

Kə kwʉʼ la wàyndyə ə zizi, ghə̀ ndìʼ to nə̀ ə ndìʼsə̀ wen, bè kwʉʼ la wù ə shyèʼ ə kuʼ kwʉʼ ə ndiʼ to nə̀ tìʼ Shwèʼ. Və sətsèn ə ndiʼ mù və toŋtə li tì ngə̀ŋ nə̀ zhiʼ ghə̀ byɨf a nə̀ Belzibùl, və lu toŋtə no viʼi ngə̀ŋ la gho?

Matìyò 22:16

vəwenə mù tɨm ndzɨ̀mtə̀sə bàm vəwenə sətsensə bènə̀ viʼi shwèʼ Helòd vətsenvə gàʼà la vəwenə dyʉ̀ gàʼà Yesò la, “Ndìʼsə̀, yès kɨ la wù gàʼà tò nəmwèʼè, ziʼi tò kənyʉ̀ à diʼ tò kənyʉ̀ kə nəmwèʼè byìʼì Nyìngòŋ, kènla wù fwaynə təkwòʼtə̀ tə viʼi byìʼàndo à dìʼ à wù viʼi vətsèm diʼ tò ndə̀ŋndəŋ.

Matìyò 27:63

ə gàʼ à wen la, “Tìʼ, yès bò kwòʼtə̀ la à tə ndiʼ ando wù ndzɨ̀ŋsə ghèn mbu to ghə̀ gàʼ la, ‘Mà lu pfʉ bwènsə̀ lù a mətsi ntaʼ.’

Ŋwàʼlə̀ Mak 12:14

Vəwenə vì gàʼ à Yesò la, “Ndìʼsə̀, yès kɨ li la wù lu ngàʼà tò nəmwèʼè kò wu lu mfànə̀ la viʼi kwòʼtə̀ la ghò lo byìʼàndo àdìʼ à wù viʼi vətsèm diʼ tò ndə̀ŋndəŋ. Wù ziʼì tò kənyʉ̀ kə nəmwèʼè byìʼì Nyìngòŋ. Shə̀ʼtə à yès la àdìʼ à wù a kwòʼtə̀, soʼo byɨmə la və moʼ kənsè à fòn ghoʼo a Lum mu ghə̀ ko byɨmə lo? Vəghəŋ ə̀ mòʼò mu kə vəghəŋ à mòʼò lo?”

Joyn 7:12

Andiʼ ali, viʼi diʼ tsu no to kədə̀ŋ, nyoʼtə nyoʼtə gàʼa kumə wen. Vətsevə gàʼ la, “Ghə̀ diʼ no wù ə jùŋ.” Vətsevə tensə gaʼa la, “ghə̀ jèʼè lobtə viʼi to kədyàŋ.”

Shwèʼ 10:22

Viʼi vi gàʼ la, “Yès diʼ a shèn mù à tɨ̀m Kòneliyòs, kətʉ kə vəsugyèʼ ntɨmə yes. Ghə̀ dìʼ wù kənyʉ̀ kə tɨməkə, fànə̀ Nyìngòŋ, no Vəjew no vətsèm be gumlə̀ wen. Ntsɨ̀ŋ ngə̀ŋ Nyìngòŋ ŋwoʼo tsen tə gàʼ à wen la, ghə̀ tɨm ntɨm ə̀ dzàŋ wù wu vi à wen a ngə̀ŋ ə̀ shə̀ʼtə̀ kənyʉ̀ à wen.”

Shwèʼ 16:39

Vəwenə lù dyʉ̀ a mfɨŋ yì ə̀ yèn Bol wenə̀ Silàs ə̀ sènsə vəwenə la vəwenə lyèsə kənyʉ̀ akì, mù gàʼ la vəwenə fʉ̀ fà mfɨŋ ayì ə̀ lù fà a ntə̀ʼ ayì.

Shwèʼ 22:12

“Wutsen ntsi tsu gumlə̀ Nyìngòŋ be tsi ando soʼ vəghəŋ ə kəŋə, Vəjew no vətsèm ngumlə̀ wen, zhiʼ wen ndìʼ Ananyàs.

Shwèʼ 24:5

Yès sə tə yèn la wìʼ ghèn dìʼ no wu byɨ fànsə. Ghə̀ moʼò li kəngə̀sə̀ a ntìntìn Vəjew tò a mbì tsèm, be diʼ kətʉ a nòyn mənàŋ mə viʼi Nazalèt.

Shwèʼ 28:22

Yès ə kəŋə zhʉ kwòʼtə̀ wu byìʼàndo yès ə chò no tè fa fe, zhʉ ando və gàʼà nyʉ̀ byɨvə byìʼì nkì nòyn ghenə a wu dìʼì tsu lə̀.”

Shwèʼ 4:21

Viʼi a vyi yen la vəwenə ko be kiʼ jì ə zhuŋsə Bità wenə̀ Joyn byìʼàndo no viʼi vətsèm sə bwomsə̀ tò Nyìngòŋ byìʼì kənyʉ̀ kì a kə ncho wìʼ yì to. Vəwenə mu bè kàyntə̀ nyʉ̀ a Bità wenə̀ Joyn a gɨ to mù ghʉsə vəwenə la vəwenə ndyʉ̀. Wìʼ yì a və nchʉʼʉ̀ lì ndiʼ mu ghə̀ chò li ngwʉʼ məwum nkàʼ.

Shwèʼ 5:13

Viʼi a və ko ndìʼ viʼi və byɨməvə nko mwòmə̀ ə tsèntə vəwenə alì kiʼi gumlə ghoʼghə à vəwenə.

Shwèʼ 6:3

Yès ə̀ mu sə gàʼà à ghə̀ŋ a vəlèmə̀ vyesə la, ghə̀ŋ tsuʼ viʼi sòmbo fà ghə̀ŋ a ntìntìn a və kiʼ ntsìnə̀ tofə, kəzhwì kə ŋwoʼəkə be tomsə̀ vəwenə ndi yès ku shwèʼ aghenə à vəwenə.

Lumans 3:8

Viʼi a venə sətsèn ngàʼ ali, kə ne diʼi la vəwenə ə gàʼa la kə bòŋ la vəghəŋ ne to nyʉ̀ ə byɨvə ndi ə jùŋ a fʉ̀ fa tsu. Viʼi vətsenvə ə byɨsə zhiʼ ə vəghəŋ gàʼa la à diʼ kənyʉ̀ kì a yès ə jèʼe ziʼi. Vəwenə ə kɨ la Nyìngòŋ diʼ lù soʼ ə byɨsə vəwenə.

2 Kolìntyàns 1:18

Nyìngòŋ ə gaʼa to nəmwèʼè. Ma gàʼa to ndə̀ŋndəŋ a ghə̀ŋ la, ma ko tə ngaʼa təchʉ̀ tə bò a ghə̀ŋ.

2 Kolìntyàns 11:21

Ma diʼsə kətʉ ə gàʼ la ando yès ə ko tə nè nyʉ̀ a venə a ghə̀ŋ, və ghʉ la ma tə mbwaʼa bwaʼa! Mà sə gàʼà luwen to a nə̀ kəkoynkə, ali mu viʼi vətsenvə mu ə ghaŋsə əwèn kumə tèbe ghò, nkàyntə̀ mo be a ne to ali.

2 Kolìntyàns 12:16

Ghə̀ŋ yen li tò no nəmwèʼè la ma ko tə mbèmə kəfo fa ghə̀ŋ, ali ghə̀ŋ vətsevə be gàʼà la ma tə ə lobtə ghə̀ŋ ə zhò ndzɨŋ a ghə̀ŋ.

2 Kolìntyàns 4:2

Yès ə tensə li no nyʉ̀ ə kətʉ kədiʼkə nò tsèm vyi a və nyoʼtə nè. Yès ko lobtə wìʼ, ko yès kaʼsə kənyʉ̀ kə Nyìngòŋ. Yès ə boŋsə gaʼa to kənyʉ̀ kì a kə diʼ nəmwèʼè ashɨ Nyìngòŋ, ə diʼi nəmwèʼè a viʼi la yès diʼ tò nò viʼi və juŋəvə.

1 Tèsàlonyà 2:3

Kənyʉ̀ a yes ə nshə̀ʼtə̀, yes ə nko shə̀ʼtə̀ nè nə̀ kənlobtə kə no faphen ko nə̀ əkwoʼtə byɨ ghə̀.

1 Timotì 3:7

A diʼ ə ndi wìʼ, a no viʼi vətsenvə ə bwomsə ə wen, ndi kə ghə̀ ne diʼisə kətʉ ə fəŋ a kətam ə Deblə̀.

1 Timotì 4:10

Vəghəŋ ə soynə bè shwèʼè nə̀ kədyòʼ ə kiʼi ntsìnə̀ a ghenə byìʼì ando vəghəŋ ə ghʉ kwòʼtə à Nyìngòŋ yi a ghə̀ tsi. A dìʼ wen a ghə̀ mbwòŋsə̀ viʼi və tsèm, bè bwòŋsə viʼi vyi a və byɨmə a wen.

Hibùlù 13:13

Kə le diʼi la vəghəŋ diʼ fʉ̀ fa ntə̀ʼ ando ghə̀ fʉ, ə be kiʼi ndə̀ŋndəŋ kətʉ kədiʼikə ando ghə̀ nki.

1 Bità 4:14

Viʼi sətsen ə telə ghə̀ŋ byìʼì ando ghə̀ŋ diʼi ndzɨ̀mtə̀sə bàm ə Yesò, ghə̀ŋ ə saŋlə to saŋlə byìʼì ando nakèn kə ə diʼi la kəzhwì kə kaynə kə, a diʼ kəzhwì kə Nyìngòŋ kə diʼ a ghə̀ŋ.

3 Joyn 1:12

Viʼi vətsèm ə gàʼà njùŋ byìʼì Demetyòs, nkàntə̀ nəmwèʼè be diʼi njùŋ a wen a ntsìnə̀, mà be gàʼà, wù kɨ la kənyʉ̀ a mà gàʼà byìʼì wen dìʼ nəmwèʼè.

Kəmwetə 3:9

Ghə̀ŋ zhʉtə a! mà a nè viʼi ntsèntə̀ Satan vi a və jèʼè lobtə̀ gàʼà la vəwenə diʼ vəjew lì, ə vəwenə vi ə̀ làŋtə à ghə̀ŋ a shɨ ə̀ yèn la mà kòŋə̀ ghə̀ŋ.