2 Kolìntyàns 6:4 - The New Testament in the Babanki language

⁴ Yès ə boŋsə diʼi to la yès diʼ viʼi shyèʼ ə Nyìngòŋ no a gho a yès ə nè. Yès ə wensə a tyi ngəʼ shisə a yès ə yenə, nə̀ a nyʉ̀ a və to, nə̀ a tənki tə nyʉ̀ a tovə ə tsenəvə və fʉ yès.

2 Kolìntyàns 6:4 ပူးပေါင်းရင်းမြစ်များ

Ŋwàʼlə̀ Luk 21:19

Mətɨmə ghə̀ŋ a nkàyn a ghə̀ŋ a byɨmə lu nè ghə̀ŋ bwoŋ.”

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Shwèʼ 2:22

Bità gàʼ a lì bè gàʼ la, “Ghə̀ŋ viʼi Islel, ghə̀ŋ tuʼù zhʉtə nyʉ̀ venə a mà kə ə gàʼ lə̀! Yesò ə wù Nazalèt ndìʼ wìʼ a Nyìngòŋ ndiʼì li à ghə̀ŋ a ndayn. Ghə̀ ndìʼì əchò fa nyʉ̀ kanəvə bènə̀ chwitə a ghə̀ nè əchò fà wen ə Yesò à ghə̀ŋ a ntìntìn. Nkàyntə̀ ghə̀ŋ ə kɨ nyʉ̀ avenə.

Shwèʼ 20:34

Nkàntə̀ ghə̀ŋ ə kɨ la no ghò yì a yo viʼi vwomə tə nkiʼ dìʼ mu à tə shwèʼ tò mò nə̀ avu à ghomə.

Shwèʼ 9:16

Nkàntə̀ mò a dìʼi nki ngəʼ à wen a ghə̀ diʼi yen ənè la viʼi kɨ mo.”

Lumans 14:18

Wìʼ yi a ghə̀ shyèʼ a Yesò, tsi a ji na ghèn nè la Nyìngòŋ ə saŋlə, viʼi be kòŋ wen.

Lumans 16:10

Ghə̀ŋ toŋtə Abelès. Ghə̀ diʼi li la ghə̀ ti to wen əbyɨmə a Yesò. Ghə̀ŋ toŋtə viʼi ngwaʼ ə ngə̀ŋ ə Alìstobulùs a mò.

Lumans 3:5

Viʼi vətsenvə zizi və gàʼ la ntsìnə̀sə ə byɨsə ə vəghəŋ ə boŋsə gyamtə ə ne la viʼi ə ntuʼ yenə jisə tɨməsə Nyìngòŋ. Kə sətsen ə ndiʼ ali, kə ne diʼi la Nyìngòŋ ə ko ne a akayn ando ghə̀ fwisə tin a vəghəŋ mu? Wùmə̀nsòŋ zizi ghə̀ nkwoʼtə dyʉ̀ to fa ji a ghèn.

Lumans 5:8

Alì Nyìngòŋ ə diʼi làynsə ə kòŋ ə wen a vəghəŋ a ji la a ndiʼ ando vəghəŋ bo diʼ to no viʼi ə nyʉ̀ byɨvə, Yesò ə vi ə pfʉ ə bwòŋsə vəghəŋ.

1 Kolìntyàns 3:5

Nò tèbe ali, Abolòs diʼ ndò, Bol diʼ ndò? A vəwenə ə diʼ to viʼi ə shyèʼ a Nyìngòŋ ə ku a ghə̀ŋ la vəwenə shə̀ʼtə̀ ntɨm ə jùŋ ghə̀ŋ zhʉ, ə byɨmə. Nò tèbe ndò ə ne to shwèʼ yì a Bobo ku la ghə̀ ə nè.

1 Kolìntyàns 4:1

Viʼi ə diʼ ə̀ nlyɨ̀ mo Bol wenə Abolòs to nə̀ viʼi ə shyèʼ ə Yesò vyi a və ku li nyʉ̀ ə lyomtəvə vyi a və kùmə̀ Nyìngòŋ a vəwenə kəvu.

1 Kolìntyàns 9:11

Yès sətsen ə̀ ndiʼ mù və wè li ntɨm ə jùŋ a ghə̀ tətyɨm, ko a ndiʼ kənyʉ̀ kə kəbyɨkə ghə̀ŋ nku əfo ə zhɨvə a yès.

2 Kolìntyàns 11:23

Vəwenə ngàʼa la vəwenə diʼ viʼi və shyèʼè ə Yesò. Ma bòŋə shyèʼè a Yesò, chò tèbè vəwenə. Mà sə gàʼà dyʉ̀ to sə ma bomə bomə. Ma shyèʼè li nchò vəwenə. Və shwinə̀ li mò a nfɨŋ to aghayn aghayn chò ando və shwinə̀ vəwenə. Və ghòmə li mò to aghayn a kədə̀ŋ ə be shwe ə zhwi mo to aghayn aghayn.

2 Kolìntyàns 11:27

Ma shyèʼè li nchwosə, à viʼi aghayn to kədə̀ŋ, ma tsì to a məkəʼ, ə vi zhʉ tseghə, ma tsì ko andiʼ la ma zhɨ̀ tebè kəfo ko ndiʼ la ma nyʉ̀ tèbè mu, ko ndiʼ la ma kiʼi no kəfo ə zhɨ̀, ko andiʼ la ma kiʼi ngə̀ŋ ə tsì tsu, ko ndiʼ la ma kiʼi no tèbe ndisə ə mòʼ.

2 Kolìntyàns 11:9

Ma ndiʼ vəghəŋ, əzhʉ̀ ə tseghə vi kwʉ̀ʼʉ̀, ko ma lù ki kəfo fa ghə̀ŋ no fa mphen ali ko ma ku ngəʼ a wìʼ. A boŋsə tɨmə to vəlemə və vəghəŋ fa Màsìdonìyà tɨmə əfo a mò. Ma ko mbèmə kəfo a ghə̀ŋ no kətsi kətsenkə, ko andiʼ la ma lu bèm.

2 Kolìntyàns 12:10

Ma nè ma sə saŋlə azhʉ̀ a ma bwaʼa, viʼi telə mò, nyʉ̀ ə to a mò, və ntsuʼ kəghʉ ə kòmkə, ngəʼ sə tsensə be vi a mò to byìʼì Yesò. Kə diʼ alə̀ byìʼì ando a vi azhʉ̀ a ma bwaʼa, ma sə boŋsə kiʼi kədyòʼ.

2 Kolìntyàns 12:12

Ma tə bwaʼmə ə lyɨ̀ əzhʉ̀ ə diʼ nchwisə nyʉ̀ a ghə̀ŋ nə̀ tənki tə nyʉ̀ ə kaynəvə tə tsentə, nə̀ təshyèʼ tə kaynə tə, tə diʼi la ma diʼ to no nkàyntə̀ wù ə ntɨm.

2 Kolìntyàns 2:17

Yès ko diʼ to nə̀ nghoʼo wìʼ a və lyɨ kənyʉ̀ kə Nyìngòŋ a fo wòŋ, baʼlə a əko. A tɨm Nyìngòŋ ntɨm yès la yès ə nè shwèʼ a ghenə, Yès sə shə̀ʼtə̀ to no nəmwèʼè a nə̀ viʼi shyèʼ ə Yesò, Nyìngòŋ ə lyè yès.

2 Kolìntyàns 3:6

A nè wen la yès kwʉ̀ʼʉ̀ ə nshə̀ʼtə̀ kənyʉ̀ kumə məkàyn mə mfimə̀ mì a ghə̀ zhɨ wenə viʼi. Məkàyn na mèyn ko diʼ a soʼ yì a və nyoʼo, à diʼ məkàyn mə Kəzhwì kɨ Ŋwoʼkə. Əsoʼ mughə yì a və nyoʼo ə nè viʼi pfʉ, kəzhwì kə Ŋwoʼkə nè la və ndiʼ.

2 Kolìntyàns 4:17

Ngəʼ shisə a yès ə yənə luwen diʼ to nfam, diʼ to fəshyinə fə zhʉ̀. Ngəʼ a sensə baʼtə̀ yès a jùŋ ə ghoʼo yi a ghə̀ vi, ko ndiʼ la ghə̀ lu mè, mu və zizi ko və lu ə shəʼmə ngəʼ a sensə nə̀ jùŋ ayi.

2 Kolìntyàns 4:2

Yès ə tensə li no nyʉ̀ ə kətʉ kədiʼkə nò tsèm vyi a və nyoʼtə nè. Yès ko lobtə wìʼ, ko yès kaʼsə kənyʉ̀ kə Nyìngòŋ. Yès ə boŋsə gaʼa to kənyʉ̀ kì a kə diʼ nəmwèʼè ashɨ Nyìngòŋ, ə diʼi nəmwèʼè a viʼi la yès diʼ tò nò viʼi və juŋəvə.

2 Kolìntyàns 4:8

Ngəʼ sə vi a yès to a jisə a jisə ali, ko sə zizi sə lu to chò yès, a vì zhʉ tsenə ghə yès sə fɨŋmə̀ no nànto ali ko yès zizi yès maʼa shwèʼè ə yèsə.

2 Kolìntyàns 7:11

Ghə̀ŋ yen li kənyʉ̀ ki a kə fʉ li a ghə̀ŋ a ntsìnə̀sə ando ghə̀ŋ tə nsù kətʉ mu a ne Nyìngòŋ a, ghə̀ŋ fwàynə̀ Nyìngòŋ! Ghə̀ŋ yen ando ghə̀ŋ lɨbtə ə taŋ əchʉ̀ ghəŋə a. Ghə̀ŋ yen li ando kənyʉ̀ na kì ə nzafə ghə̀ŋ a. Kənyʉ̀ a kì ə tə ə nè, ghə̀ŋ sə fwàynə̀ no nànto. Ghə̀ŋ tə nkòŋ ə yen mo no nànto. Ghə̀ŋ tə sə lɨ̀mtə̀ ə nè kənyʉ̀ kumə kənyʉ̀ na kì, be sə kòŋ ə ku ngəʼ a wìʼ yi a ghə̀ nè byɨbsə kənyʉ̀. Ghə̀ŋ diʼi li to ji sə tsèm la ghə̀ŋ ko tə əkɨ kənyʉ̀ na kènkə.

Kòlòsyàns 1:11

Yès ə jɨ̀mə̀ la Nyìngòŋ ə ku kədyòʼ kə kaynə kə wen a ghə̀ŋ no kə tsèm ndi ghə̀ŋ tuʼtə, kwiʼ ətyɨm akayn, be əwensə, be saŋlə,

Kòlòsyàns 1:24

Ma saŋlə luwen ando ma yenə ngəʼ byìʼì ghə̀ŋ. Ngəʼ na ghèn diʼ a mò wen alə byìʼì ando ma kəŋ ə myetə kənyʉ̀ ki a Klistò ə ndzɨŋ əyen a wenə wen a diʼi viʼi və byɨməvə.

1 Tèsàlonyà 3:7

Yes ə saŋlə to alə a ghə̀ŋ byìʼì ntɨm ə jùŋ na ghèn a vəlemə vyesə no tèbe ando yo wen ə yenə ngəʼ no ghə̀ byɨ. Ji yi a ghə̀ŋ choʼsə Yesò fa tsu ə nè yes saŋlə to alə.

1 Tèsàlonyà 5:14

Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

1 Timotì 2:15

Alì Nyìngòŋ lu bwòŋsə no te wùwì ko a ghə̀ bwi vunə, a zhʉ a ghə̀ nkwiʼ ətyɨm ə faŋ ə nto tò to a wen a byɨmə bè kòŋ viʼi vətsenvə bè tsi ntsìnə̀ yi a ghə̀ ko kiʼ məghàm. Ghə̀ diʼ ə ne ənyʉ̀ a venə nə̀ ətof.

1 Timotì 4:6

Wù sətsèn ə mbèsə̀ ənyʉ̀ a venə a mà gàʼa lə à viʼi və byɨməvə, wù ne ndiʼ tò no wù ə shwèʼ ə jùŋ à Yesò Klistò. Wù sətsen ghaʼ ə ndìʼsə̀ nəmwèʼè a ghèn, ghə̀ gyàmtə̀ wù ə ne la byɨmə ə wu ə to.

1 Timotì 6:11

Wù dìʼ wù ə Nyìngòŋ, nyɨŋsə ə wen ə wu fa nyʉ̀ venə. Ə bòŋsə mwòmsə ə ntsi ntsìnə̀ ə təmə. Shɨtə ghaʼa kənyʉ̀ kə Nyìngòŋ, kiʼi əbyɨmə à Klistò, kòŋ viʼi, mwòmsə̀ ə kwiʼ ətyɨm bè tsi nə̀ mbwaʼmə we viʼi.

2 Timotì 1:8

Kə lə diʼi la wù ko diʼ ə ndiʼsə kətʉ ə tɨmə ncho nsoʼ à Bobo vəghəŋ, kò be ndiʼsə kətʉ byìʼì mò ando ma diʼì a mfɨŋ byiʼ ando ma byɨmə à Klistò. Mà gàʼà la wù bòŋsə lyɨ̀ kədyòʼ ki a Nyìngòŋ ku à wù, ə vi boʼsə à mò atyi ngəʼ yi a ma diʼì tsu byìʼì ntɨm ə jùŋ.

2 Timotì 2:24

Wù kɨ la wù ə shyèʼ ə Nyìngòŋ ə ko diʼ ə ntaŋmə̀. Ghə̀ diʼ ə bwaʼmə wenə no ndo, bè shɨtə ziʼi viʼi tò no a nkàyn, be kiʼi əghaʼa ətyɨm a nə̀ ndìʼsə̀.

2 Timotì 4:5

Fà wù, wù dìʼ ə ghaʼa wenə wu, ə kwiʼi ətyɨm ə bwəʼ ngəʼ wù ə nshə̀ʼtə̀ dyʉ̀ nə̀ ntɨm ə jùŋ, bè nè ə shwèʼ ə wu no tsèm a nə̀ wù ə shyèʼ ə Nyìngòŋ.

Hibùlù 12:1

Ando vəghəŋ sə diʼ mù və yen li ənòyn ə nchwò nsòʼ kumə əbyɨmə mu və kaʼ li mbum vəghəŋ to kədə̀ŋ lə, vəghəŋ maʼa li no tèbe kəbyèʼè kə kò ki a kə taʼsə vəghəŋ be maʼa no mbyɨ ə kò yi a ghə̀ kwiʼi vəghəŋ ə wensə nyɨŋə kənyɨŋ ki a Nyìngòŋ ə ghʉ̀ la vəghəŋ nyɨŋə.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.

Kəmwetə 3:10

Mà ne bwòŋsə ghə̀ŋ fa zhʉ ə ngəʼ yì a ghə̀ vì à mbi ə̀ tsèm ə mwòmsə viʼi vyi a və tsi a kwi nse byìʼàndo ghə̀ŋ ə zhʉ li kənyʉ̀ kì a mà ə gàʼà la, ghə̀ŋ ə wensə.