2 Kolìntyàns 5:9 - The New Testament in the Babanki language

⁹ A le kənyʉ̀ ki a vəghəŋ ə mwomsə no nànto ə nè nyʉ̀ vyi a və bòŋ a Bobo, kò vəghəŋ diʼ a wèn ashə̀, kò vəghəŋ kə be kiʼ ə wèn a ghenə.

2 Kolìntyàns 5:9 ပူးပေါင်းရင်းမြစ်များ

Joyn 6:27

Kə ghə̀ŋ ne nyɨŋə fa abàm fozhɨvə, a və diʼ ə byɨf. Ghə̀ŋ ə boŋsə nyɨŋə fa abàm fozhɨvə vyi a və kù bwoŋ yi a ghə̀ ko lu mè, a diʼ Wàyn Wìʼ a ghə̀ zizi ghə̀ ku fozhɨvə a venə a ghə̀ŋ byìʼàndo Tìʼ ghom, Nyìngòŋ sə diʼ mù ghə̀ diʼi li a ndayn la ma kiʼi kədyòʼ a kènkə.”

Shwèʼ 10:35

mu wù yì fʉ̀ tè fa loʼ kò, ə̀ ngumlə̀ wen be nè nyʉ̀ vyi a ghə̀ kəŋə ghə̀ ne nkòŋə̀ wù.

Lumans 14:18

Wìʼ yi a ghə̀ shyèʼ a Yesò, tsi a ji na ghèn nè la Nyìngòŋ ə saŋlə, viʼi be kòŋ wen.

Lumans 14:8

Ko vəghəŋ ə tsi, və tsi to ə nkuʼsə Bobo, ə na pfʉ tèbe pfʉ, və pfʉ to ə ku kùʼsə a wen. Kə le diʼi la vəghəŋ ə diʼ to viʼi Bobo, kò vəghəŋ tsi, kò vəghəŋ pfʉ.

Lumans 15:20

Mà tuʼtə kòŋ to ə shə̀ʼtə̀ ntɨm ə jùŋ ashi a viʼi ko təmə ə zhʉ̀ kənyʉ̀ tsu kumə Yesò. Ma ko kòŋ ə bè ə shə̀ʼtə̀ a kəshi mu viʼi sə kɨ kənyʉ̀ tsu kumə Yesò, kə kə ne diʼi la ma shyèʼè a kəshi ə wù kədyàŋ.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

2 Kolìntyàns 5:6

A le kənyʉ̀ ki a vəghəŋ to tò to. Vəghəŋ kɨ la vəghəŋ sətsèn ə nkiʼ əwèn ghenə a nse a shèn, mu vəghəŋ ko tɨmə diʼ a ben ə Bobo.

2 Kolìntyàns 5:8

Nəmwèʼè, vəghəŋ to tò to a vəghəŋ a byɨmə, boŋsə kòŋ ə moʼtə əwen ghenə ə dyʉ̀ ə ntsi a ben ə Bobo.

Efisyàns 1:6

Kə lə diʼi la vəghəŋ diʼ ə nku kùʼsə a Nyìngòŋ byìʼì ətuʼmə ə kaynəghə yì a ghə̀ diʼi li a vəghəŋ chò fa a wàyn ə kòŋ ə wen. A kòŋ to wen ə nè alə.

Kòlòsyàns 1:10

Kenkə a ne ghə̀ŋ əntsi ntsìnə̀ yì a Bobo kəŋ, a diʼ yi a ghə̀ ne nsaŋlə to jisə tsèm, ntsìnə̀ na ghèn ne la ghə̀ŋ ne tənki tə shwèʼè tə jùŋ tə tò tətsèm be tuʼtə kɨ wen ə dyʉ̀ nə̀ mbì.

Kòlòsyàns 1:29

A diʼ byìʼì ənyʉ̀ a venə a ma taŋkə, shwèʼè nə̀ kədyoʼkə kì a ghə̀ kù a mo.

1 Tèsàlonyà 4:1

Vəlemə, à le faŋ nyʉ̀ venə ndi mà gàʼ mwetə a ghə̀ŋ. Yes əziʼi li ghə̀ŋ, ghə̀ŋ sə ə kɨ ji yì a ghə̀ŋ diʼ ə nə̀ tsi fa tsu ə nè Nyìngòŋ ə saŋlə, a diʼ nyʉ̀ mu ghə̀ŋ sə nè. Yes ə sensə ghə̀ŋ luwen no nànto, a kədyòʼ Bobo Yesò la ghə̀ŋ be nè chò no fa li.

1 Tèsàlonyà 4:11

Ghə̀ŋ mwomsə no nə̀ kədyòʼ kə ə wʉ̀ la wìʼ fa ghə̀ŋ ko lu se tebè a ntaŋ akəshi. Kə ghə̀ŋ ne nkwensə əchʉ a nyʉ̀ viʼi. Ghə̀ŋ shyèʼ nə̀ avu ghəŋə ə kiʼi fo vi a ghə̀ŋ kəŋ. Ghə̀ŋ nè to ando yes ə ngàʼa la ghə̀ŋ ə nè.

1 Timotì 4:10

Vəghəŋ ə soynə bè shwèʼè nə̀ kədyòʼ ə kiʼi ntsìnə̀ a ghenə byìʼì ando vəghəŋ ə ghʉ kwòʼtə à Nyìngòŋ yi a ghə̀ tsi. A dìʼ wen a ghə̀ mbwòŋsə̀ viʼi və tsèm, bè bwòŋsə viʼi vyi a və byɨmə a wen.

Hibùlù 12:28

Vəghəŋ nku li kəzòŋ a Nyìngòŋ ando ghə̀ kù li lòʼ a vəghəŋ a ghə̀ ko zizi lu nə̀ʼkə̀. Vəghəŋ ə̀ nkuʼsə Nyìngòŋ a ji yi a ghə̀ kəŋ fa tsù, gumlə Nyìngòŋ no nànto.

Hibùlù 4:11

Vəghəŋ mwomsə lì no nə̀ kədyòʼ kə ə kwen akəshi kəzhʉtəkə na ghèn. Vəghəŋ sə mwomsə, vəghəŋ ntuʼmə kə wìʼ na faŋ ke nzhʉ Nyìngòŋ ando vətiʼ və vəghəŋ ə ntyen la və ko zhʉtə faŋ kò və lə kwen.

2 Bità 3:14

Kə le diʼ a doŋ shom sə jùŋsə la, ando ghə̀ŋ kəʼtə kətsi na kì, ghə̀ŋ mwòmsə̀ no nə̀ kədyoʼkə ə ndiʼ nə̀ laynə, ko ghə̀ a nkiʼi ə mbyɨ ashɨ Nyìngòŋ, be tsi nə̀ mbwaʼmə.