2 Kolìntyàns 5:11 - The New Testament in the Babanki language

¹¹ Yès ə fwaynə Bobo byìʼì ando və kɨli la kə bòŋ la və nfwaynə wen. A le kənyʉ̀ ki a yès ə sensə viʼi la və vi a wen. Nyìngòŋ kɨ no tèbe ghò kumə yès, ma be kwoʼtə la ghə̀ŋ be shətə kɨ yès a ghə̀ŋ a tətyɨm.

2 Kolìntyàns 5:11 ပူးပေါင်းရင်းမြစ်များ

Matìyò 10:28

Kə ghə̀ŋ ə fàyn viʼi vyì a və zi ə və zhwì toʼ kətsoʼ kəwen ə wìʼ, alì mu və zi ko və zhwi kəzhwì kə wen. Ghə̀ŋ nə̀ bòŋsə fàyn tò Nyìngòŋ. Ghə̀ kiʼ kədyòʼ ə byɨsə kəzhwì kə wìʼ nə̀ kətsoʼ kə wen a zhìʼ.

Matìyò 25:46

Fòn ne gàʼ a lì mu tɨm vəwenə, vəwenə lu dyʉ̀ kwen a tì ngəʼ yì a ghə̀ ko lə mè, viʼi kənyʉ̀ kətɨməkə vi kiʼi bwòŋ yi a ghə̀ faŋə̀ tò ghayn mùʼ.

Ŋwàʼlə̀ Luk 12:5

Ma shə̀ʼtə̀ wìʼ à ghə̀ŋ a ghə̀ŋ diʼi fàyn. Ghə̀ŋ diʼi bòŋsə fàynə tò Nyìngòŋ a ghə̀ kiʼi kədyòʼ əzhwi ghə̀ŋ, bè kiʼ kədyòʼ wye ghə̀ŋ a kəshi kə zhìʼ. Ma gàʼà ghə̀ŋ no nəmwèʼè la ghə̀ŋ fàyn tò wen!

Ŋwàʼlə̀ Luk 16:31

Ablaham mù gàʼ à wen la, ‘Vəwenə sətsèn faŋ kè zhʉ̀tə kənyʉ̀ kyì a Mosìs wenə nshə̀ʼtə̀ sə ghoʼkə sə nlù nyòʼ, kò vəwenə à zhʉ̀tə tə kənyʉ̀, a zhʉ a wìʼ yì bwènə̀ dyʉ̀ à vəwenə mu ghə̀ lù fa pfʉ.’”

Shwèʼ 13:43

Viʼi nè gə̀sə̀ fà ngə̀ŋ ntsèntə̀ yì, viʼi Islel dzɨ̀mtə̀ dyʉ̀ nə̀ Bol wenə̀ Balnabas no vəghoʼo. Vəwenə ndìʼ wenə̀ viʼi tɨm vətsenvə a və kwitə li sə diʼ tò nə̀ viʼi Jus. Bol wenə̀ Balnabas sensə viʼi a vyi la vəwenə ghʉ tətyɨm tə vəwenə ntsi tò a ti boŋə tyɨm Nyìngòŋ.

Shwèʼ 18:13

ə̀ dyʉ̀ gàʼ à Galiyò la, “Wìʼ ghèn nè la viʼi ngumlə̀ Nyìngòŋ a ji tsen a soʼo ko byɨmə.”

Shwèʼ 18:4

Bol sə dyʉ̀ kwenə a ngə̀ŋ ntsèntə̀ Vəjew tò məntsi mə nzhʉtəmə no ntsèm, soʼtə̀ nyʉ̀ tsu wenə̀ Vəjew bènə̀ viʼi Glis, mwòmsə̀ ənè la vəwenə byɨmə kənyʉ̀ kì a ghə̀ ngàʼà.

Shwèʼ 19:26

Ghə̀ŋ zhʉ li be nyen kənyʉ̀ a Bol ghèn ə nè fà ghə̀ŋ a ngəŋsə. Ghə̀ ne li nghoʼo viʼi a Efesùs nə̀ a Asìyà no vətsèm mbyɨmə la vənyìngòŋ vi a və shɨ̀tə̀ lì ko diʼ nkàyntə̀ vənyìngòŋ.

Shwèʼ 26:26

Fòn Aglibà, mà zì mà gàʼ kè nə̀ fanə à wù byìʼàndo wù kɨ nyʉ̀ a venə no tsèm ko à ndiʼ la kətsenkə nchò li fa tsu ke wù kɨ byìʼàndo və nko ncho a kənlyòmtə.

Shwèʼ 28:23

Vəwenə mù ghʉ̀ kətsi be vi yen Bol. Kətsi akì kə kwʉ̀ʼ, vəwenə fʉ̀ ə̀ vì a kəshi yì a Bol ntsi tsu lì no vəghoʼo. Ghə̀ zìtə̀ fa boʼòngə̀ŋ sə gàʼà à vəwenə, ə̀ gàʼ ə zaʼa fa nəntʉʼʉ, shɨ̀tə̀ shə̀ʼtə̀ kənyʉ̀ kì a ghə̀ ndiʼi shə̀ʼtə̀ à vəwenə byìʼì kəshi kə fòn Nyìngòŋ. Ghə̀ tàŋkə̀ ənè vəwenə kɨ byìʼ Yesò, dzàŋə̀ fa ŋwàʼlə̀ Soʼ yì a Mosìs bènə̀ fa vəŋwàʼlə̀ və nshə̀ʼtə̀ səghoʼkəsə ədìʼ la kənyʉ̀ kì a yi gàʼà dìʼ nəmwèʼè.

2 Kolìntyàns 2:17

Yès ko diʼ to nə̀ nghoʼo wìʼ a və lyɨ kənyʉ̀ kə Nyìngòŋ a fo wòŋ, baʼlə a əko. A tɨm Nyìngòŋ ntɨm yès la yès ə nè shwèʼ a ghenə, Yès sə shə̀ʼtə̀ to no nəmwèʼè a nə̀ viʼi shyèʼ ə Yesò, Nyìngòŋ ə lyè yès.

2 Kolìntyàns 5:20

A lə ji yì, a yès lyɨ kəshi kə Yesò, Nyìngòŋ sə gàʼà chò fa yès. Yès sensə ghə̀ŋ a əzhiʼ ə Yesò la ghə̀ŋ baʼtə̀ ntsìnə̀ shəŋsə wyè və Nyìngòŋ.

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

Gàlesìyà 1:10

Kə le diʼi luwen la, ma ne kənyʉ̀ ki a viʼi nkòŋ mò mu ki a Nyìngòŋ a kòŋ lo? A le diʼ la ma ne la viʼi ə nsaŋlə̀ mu? Mà sətsen ə nkəŋ ə ne la viʼi ə nsaŋlə̀, ko ma be a ndiʼ wù ə shwèʼè ə Klistò.

Efisyàns 5:21

Ghə̀ŋ ne gumlə təwenə tyəŋtə byìʼì ando ghə̀ŋ kuʼsə Klistò.

Hibùlù 10:31

Kə fwàynsə no nànto a wìʼ azhʉ̀ a Nyìngòŋ yi a ghə̀ tsi diʼ əsoʼ ə byɨbsə wen.

Hibùlù 12:29

Kə diʼ to no nəmwèʼè la Nyìngòŋ ə vəghəŋ diʼ to nə̀ zhiʼ a ghə̀ nyʉ̀ʼ ə byɨbsə.

Ŋwàʼlə̀ Jud 1:23

Ghə̀ŋ ə nsòʼ viʼi vətsenvə, shisə vəwenə fa əzhiʼ ndi Nyìngòŋ bwoŋsə vəwenə. Viʼi vətsenvə diʼ a ghə̀ŋ a ntìntìn, ghə̀ŋ diʼ ə kusə shinsə a vəwenə. Alì ghə̀ŋ ə tùʼmə̀ nə̀ vi a venə kumə nyʉ̀ ə njòsə wen ə vəwenə a bwen ali, ghə̀ŋ a nè to nə̀ vəwenə.

Kəmwetə 20:15

Və ə maʼ li no ndo a zhiʼ wen nko diʼ a ti ŋwàʼlə̀ bwoŋ a nkwoŋ zhìʼ.