2 Kolìntyàns 5:1 - The New Testament in the Babanki language

¹ Vəghəŋ kɨ la və sətsen ə byɨbsə fəngə̀ŋ fə kətsoʼ kə wèn fenfə a kəzhwì kə vəghəŋ kə tsì tsu a nse ashə lə̀, Nyìngòŋ a ku ngə̀ŋ kəzhwì a vəghəŋ akàŋ ko ndiʼ la və bwom nə̀ avu, ghə̀ diʼ ə tsì ə faŋ.

2 Kolìntyàns 5:1 ပူးပေါင်းရင်းမြစ်များ

Ŋwàʼlə̀ Mak 14:58

“Yès tə nzhʉ ando ghə̀ gàʼà la, ‘Ma bə̀ytə̀ ngə̀ŋ Nyìngòŋ ghèn a və bwomə̀ nə̀ avu ə bwènsə̀ bwom ghə̀ kədyàŋ tò a mətsi ntaʼ kèn la à bè dìʼ nə̀ avu.’”

Shwèʼ 7:48

“Nyìngòŋ yì a ghə̀ ŋaŋtə li Nkwʉʼ, ko tsi a aloʼ mu à bwòm viʼi. Nshə̀ʼtə̀ ghoʼo nlù shə̀ʼtə̀ la Nyìngòŋ gàʼ la:

1 Kolìntyàns 3:9

Yès no və tsèm ə tsèntə shyèʼ to a Nyìngòŋ. Ghə̀ŋ diʼ əsɨm Nyìngòŋ be diʼ ngə̀ŋ wen.

2 Kolìntyàns 4:7

Alì yès vyi a və kiʼi əghoʼ kəzhwì a ghənə a yès a təwèn a tə diʼ to nə̀ vəntòyn və kətsoʼ a və zizi və pfʉkə, ə diʼ la kədyòʼ kə ghoʼokə kiʼi Nyìngòŋ, a ko kiʼi yès.

2 Kolìntyàns 5:4

Vəghəŋ tsi a wen ashə̀, dì to dì byìʼì ngəʼ yì a vəghəŋ yenə. A ko diʼ la vəghəŋ kəŋ la Nyìngòŋ ə lyisə əwèn ghenə a vəghəŋ tsì tsu, vəghəŋ boŋsə kòŋ to la ghə̀ ku əwèn ə fighə a vəghəŋ a ghə̀ zizi ko ghə̀ lu pfʉ, ndi ghə̀ lyɨ̀ kəshi kə wèn ghenə.

Kòlòsyàns 2:11

Və nshɨtə li ghə̀ŋ ando ghə̀ŋ nsə diʼ a kənyʉ̀ kə mùʼ vye vəwenə. Əshɨtə na ghenə ko diʼ yi a viʼi nə̀ shɨtə ne kəvu kə. A diʼ yi a Klistò ə shɨtə, ə shisə ətyɨm ə byɨghə fa ghə̀ŋ wen.

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

Hibùlù 11:10

Ablaham ə̀ nki dyʉ̀sə nə̀ ntə̀ʼ yi a Nyìngòŋ ə nlyɨ̀ əzhʉ̀ ə bwòm ə kuʼsə, ghə̀ diʼ mù ghə̀ zizi ko ghə̀ lu fəŋ.

Hibùlù 9:11

Alì Yesò sə diʼ mù ghə̀ vi li. Ghə̀ diʼi pfèm ngə̀ŋ Nyìngòŋ ə ŋaŋtə yì a ghə̀ vi nə̀ nyʉ̀ ə jùŋə və vyi a vəghəŋ ə kiʼi luwen. Ghə̀ shwèʼè akəshi kə kwʉ̀ʼ, kuʼmə chò fəngə̀ŋ fifə a pfèm ə ngə̀ŋ Nyìngòŋ ə shwèʼè tsu. Kəshi na kì kə ə diʼ ko andiʼ la à shɨtə wìʼ, a ko diʼ no tèbe kəfo kə nse ashə.

Hibùlù 9:24

Yesò nko ə kwen a kəshi kə ŋwoʼkə mu à bwòm viʼi. Ngə̀ŋ yì a bwomə viʼi ə ndiʼ to kədèmdèm kə ngə̀ŋ Nyìngòŋ a yì akàŋ. Yesò nkwen to no akàŋ a ben ə Nyìngòŋ, luwen sə diʼ ghə̀ sensə Nyìngòŋ a vəghəŋ akəshi.

1 Bità 1:4

ə be kiʼi əghoʼ a kàŋ to ando Nyìngòŋ ə nghʉ̀ li mu ghə̀ zizi ko ghə̀ lu fwè, ko byɨf, ko kwitə əkə̀ʼ. Ə ghoʼ na ghənə ə diʼ a ghə̀ŋ ə viʼi Nyìngòŋ.

2 Bità 3:11

Ando və diʼ lu nyʉʼ əfo a venə no ə tsèm a ji na ghèn lə̀, ghə̀ŋ lə diʼ ə ntsì ale? Ghə̀ŋ diʼ ku təwen təŋtə a Nyìngòŋ ə be ntsi ntsìnə̀ laynə.

1 Joyn 3:14

Vəghəŋ ə kɨ la vəghəŋ sə̀ diʼ mu vəghəŋ ə cho li fa pfʉ ə sə diʼ ə̀ to, byìʼàndo vəghəŋ ə kòŋə̀ vəlèmə̀ və vəghəŋ. Wìʼ a ghə̀ ko kòŋə̀ vəlèmə̀ və wen bò dìʼ tò a tyì pfʉ.

1 Joyn 3:19

A diʼ a ji ghèn a vəghəŋ a kɨ la vəghəŋ dìʼ viʼi nəmwèʼè. Kə be a nè la tətyɨm tə vəghəŋ tə nkiʼi nzhʉ̀tə a shɨ Nyìngòŋ,

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.