2 Kolìntyàns 4:5 - The New Testament in the Babanki language

⁵ Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

2 Kolìntyàns 4:5 ပူးပေါင်းရင်းမြစ်များ

Matìyò 23:8

Anə̀ ghə̀ŋ, ghə̀ŋ dìʼ tò vəlèmə̀ no vətsèm kiʼ tò ndìʼsə̀ muʼ. Kə ghə̀ŋ nè nkəŋə la və ndzàŋə̀ wìʼ fà ghə̀ŋ nə̀ ndìʼsə̀.

Matìyò 3:11

Mà ku mu à ghə̀ŋ tò nə̀ mu mə Amù ədiʼ la ghə̀ŋ kwitə li tətyɨm təŋtə fà ghə̀ŋ a mbyɨsə, alì wìʼ yì a ghə̀ vì fa mò a bàm, chò mò, a mà ko kwʉ̀ʼ no fa mpfen əshyèʼ a wen a nə̀ kəkòs kə byèʼè gwʉsə aghʉ wen. Ghə̀ ne ku mu à ghə̀ŋ nə̀ kəzhwì kə ŋwoʼkə be chòsə̀ viʼi vətsen və a zhìʼ.

Joyn 7:18

No ndò yi a ghə̀ kəŋ ə ziʼi əziʼi ngə̀ŋ ə wen, ghə̀ ə kəŋ ə kiʼi kuʼsə ngeŋ wen. Alì wìʼ yi a ghə̀ shwèʼè ə ghoʼsə wìʼ ə yi a ghə̀ tɨmə wen ə gaʼa to nəmwèʼè ko ghə̀ lu nzhò ndzɨŋ.

Shwèʼ 10:36

Ghə̀ŋ kɨ li kənyʉ̀ byìʼì ntɨm yi a Nyìngòŋ tɨmə̀ à viʼi Islel, adiʼ ntɨm jùŋ yì a ghə̀ vì nə̀ mbwaʼmə̀ əchò fà Yesò Klistò. Yesò aghèn dìʼ Bobo viʼi vətsèm.

Shwèʼ 2:36

“Viʼi Islel no vətsèm diʼi əkɨ nəmwèʼè la Nyìngòŋ ə ne li Yesò ghèn a ghə̀ŋ tə̀ bayntə a kəntò lə̀ sə diʼ Bobo bè diʼ Klistò.”

Shwèʼ 5:31

Nyìngòŋ ə kuʼsə li wen à wen a shyə kwoŋ toghə ə ne la ghə̀ ndiʼ kətʉ be diʼi mbwòŋsə̀ ndi ghə̀ ne la viʼi Islel kiʼi jì əkaʼsə tətyɨm tə vəwenə fà vəwenə a nyʉ̀ byɨvə ndi Nyìngòŋ lyesə mbyɨsə vəwenə.

1 Kolìntyàns 1:23

ali fa yès, yès boŋsə shə̀ʼtə̀ to kənyʉ̀ kumə Yesò a və mbayntə. Kənyʉ̀ na kènkə zàfə viʼi Jus, a diʼ kənyʉ̀ kə kəkoyn a viʼi ətɨm.

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

1 Kolìntyàns 12:3

A lə kənyʉ̀ kì a ghə̀ŋ ə kɨ la wìʼ zizi ko ghə̀ lu sə ngàʼ ə telə Yesò, a li kəzhwì kə Nyìngòŋ kə tisə wìʼ ayì. Wìʼ zizi ko ghə̀ lu sə ngàʼa ə gàʼa la, “Yesò diʼ Bobo,”a bwen la ghə̀ kiʼi kəzhwì kə Ŋwoʼkə.

1 Kolìntyàns 15:47

Wù mbì ndiʼ mu və shɨtə nə̀ kətsoʼ kə, wù bàm ə sə diʼ mu ghə̀ lu fa kaŋ.

1 Kolìntyàns 2:2

Ma ndiʼ mu ma nghʉ̀ li la mà ko ba ə kwoʼtə kənyʉ̀ kətsen kə ando ma diʼ a ghə̀ŋ a ntìntìn, a bwen to ə ngàʼà kumə Yesò Klistò, nə̀ əpfʉ̀ ə wenə a kəntò.

1 Kolìntyàns 4:15

Ghə̀ŋ nkiʼi tebe viʼi a və tuʼu, tyɨftə ghə̀ŋ kumə Yesò, və taŋtə lè ali ghə̀ŋ kiʼ to Tìʼ ə mùʼ. Mà sə diʼ mù ma vi li to nə̀ tìʼ a ghə̀ŋ a kənyʉ̀ ə Yesò Klistò chò fa ntɨm ə jùŋ ə wen yì a ma nziʼi ghə̀ŋ tsu.

1 Kolìntyàns 8:6

à diʼ a vəghəŋ, vəghəŋ kɨ la, Nyìngòŋ ə diʼ to əmùʼ, a diʼ Tìʼ. A shɨtə wen ə shɨtə no fo ə tsèm ə ne la vəghəŋ ə ntsi, gumlə wen. A be diʼ to Bobo ə mùʼ, a yi Yesò Klistò, mu və ə nshɨtə fo ə tsèm chò fa wen, vəghəŋ sə tsi to byìʼì wen.

2 Kolìntyàns 1:19

Ghə̀ŋ kɨli la Wàyn Nyìngòŋ, ə Yesò Klistò yi a yo və Timotì nə̀ Silàs tə nshə̀ʼtə̀ kənyʉ̀ kə wen a ghə̀ŋ ə ko nə̀ gaʼa təgàʼ tə bò. Ghə̀ ngaʼa to kənyʉ̀ ki a kə diʼi nəmwèʼè a nə̀ Wàyn Nyìngòŋ.

2 Kolìntyàns 1:24

Vəghəŋ ə kɨ to no nəmwèʼè la əbyɨmə ə ghəŋə to, ko yès ə lu kòŋ ə ntenlə wìʼ tenlə la ghə̀ ne kənyʉ̀ kumə əbyɨmə ə wen. Yès ə boŋsə kòŋ ə vi la vəghəŋ tsentə ə ne kənyʉ̀, kə vi to nə̀ saŋlə a ghə̀ŋ.

Gàlesìyà 5:13

Vəlemə vwomə a byɨmə, Nyìngòŋ ntsuʼtə li ghə̀ŋ la kə ghə̀ŋ be andiʼ əkòs a əsoʼ ali, kə ghə̀ŋ ghʉ la ando ghə̀ŋ sə diʼ fa ngə̀ŋ la ghə̀ŋ zizi ghə̀ŋ ə nkwetə tèbe ghò yi a ghə̀ fwomə a ghə̀ŋ njòsə wen, ghə̀ŋ sə ne to ne. Ghə̀ŋ ə boŋsə kòŋ təwenə təŋtə. Ə kòŋ a yi ne ghə̀ŋ shyèʼè a vəlemə vəŋə vətsenvə.

Filìbàyns 1:15

Viʼi vətsenvə əshəʼtə ntɨm ə jùŋ Yesò byìʼì kənghə̀ʼ ə be diʼ la vəwenə ə chò mo ando vəwenə yènə ando shyèʼ ə ghomə əshɨtə dyʉ̀, ali, vətsevə shə̀ʼtə̀ ntɨm a ghèn no nə̀ ətyɨm ə jùŋə̀ ghə̀.

Filìbàyns 2:11

No tè ndò be ə ngàʼà a ndayn la Yesò Klistò dìʼ Bobo gàʼà a lì, ghoʼsə̀ Nyìngòŋ a diʼì Nyìngòŋ ə̀ Tìʼ.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

Taytùs 1:11

Wù diʼi chiʼtə təchʉ̀ tə vəwenə byìʼàndo vəwenə kwenə à wìʼ a kəbəŋ vəwenə byɨ̀sə no nyʉ̀ ətsèm nə̀ ziʼi byɨghə aghenə. Vəwenə dìʼsə̀ viʼi nə̀ nyʉ̀ a vəwenə a və ko yi ndiʼ ndìʼsə̀ tò byìʼàndo vəwenə kəŋ kiʼi ko.

2 Bità 2:3

Ndìʼsə̀sə sə ndzɨŋ a sensə ə bàŋbàŋ a ko, diʼ ne ə mò mətitì mə zɨmə, lobtə to ghə̀ŋ, shi əfo ə vəŋə. Ali Nyìngòŋ ə nzìtə̀ li sə baʼtə̀ ə byɨbsə vəwenə no fa kəghaf kədyəkə. Nyìngòŋ ko bʉnə!