2 Kolìntyàns 4:14 - The New Testament in the Babanki language

¹⁴ Yès diʼ ə nshə̀ʼtə̀ alə byìʼì ando yès ə kɨ la, Nyìngòŋ yi a ghə̀ nlùsə Bobo Yesò fa pfʉ̀ ə be lu lùsə vəghəŋ vi a və diʼi viʼi Yesò ə lyɨ̀ tsèntə ghʉ vəghəŋ a wen ashɨ.

2 Kolìntyàns 4:14 ပူးပေါင်းရင်းမြစ်များ

Ŋwàʼlə̀ Luk 21:36

Ghə̀ŋ ŋwʉʼ no məzhʉ̀ tsèm bvʉ̀tə tò bvʉ̀tə be jɨ̀mə̀ la Nyìngòŋ ku kədyòʼ ghə̀ŋ cho fa tyì nyʉ̀ no tsèm a və lu nfʉ̀ tò nə̀ bwaʼmə ə tɨmə a kəshi kə nsoʼ ashɨ Wàyn Wìʼ.”

Shwèʼ 2:24

alì Nyìngòŋ nè ghə̀ lù fa pfʉ ə̀ bwòŋsə̀ wen fa kədyòʼ kə pfʉ byìʼàndo ji ko ndìʼ a pfʉ nzì ghə̀ lə̀ ghaʼa wen.

Shwèʼ 2:32

Nyìngòŋ nkye li la Yesò aghèn lu fa pfʉ. Vəghəŋ vətsèm dìʼ viʼi və yenəvə a kənyʉ̀ aghèn.

Lumans 8:11

Kəzhwì kə Nyìngòŋ a ghə̀ ə nlùsə Yesò Klistò fa pfʉ sətsen ə ntsi a ghə̀ŋ a ntìntìn, Nyìngòŋ a ku ntsìnə̀ a ghə̀ŋ a wen ashə a ghə̀ diʼ lu ə pfʉ lə, chò fa wen a kəzhwì yi a kə tsi a ghə̀ŋ a ntìntìn.

1 Kolìntyàns 6:14

Nyìngòŋ ə nlùsə li Bobo fa pfʉ̀, diʼ lù be lùsə nkàyntə̀ vəghəŋ chò fa wen a kədyòʼ.

2 Kolìntyàns 11:2

Ghə̀ŋ ə̀ kɨ la ma shɨmtə ghə̀ŋ no nànto ndə̀ŋndəŋ to ando Nyìngòŋ ə shɨmtə. Mà sə diʼ mù ma fas li ə ku ghə̀ŋ a lɨm, a diʼ Yesò, kəŋ la kə ghə̀ŋ ne nkiʼ əmbyɨ no fa mpfen azhʉ̀ a ma kù ghə̀ŋ a wen.

Efisyàns 5:27

Ghə̀ ə nè alə ndi ghə̀ sə lyɨ̀ ngə̀ŋ Nyìngòŋ a nə̀ wùwì əfi ə lam ə wen, ghə̀ ndiʼ ko və ghamə wen, laynə, ko ndiʼ la ghə̀ kiʼi kəməŋ, ko ndiʼ la ghə̀ kiʼi kəlas, ko ndiʼ la ghə̀ kiʼi əmbyɨ ə tsèn.

Kòlòsyàns 1:22

ali Nyìngòŋ ə sə diʼ luwen mu ghə̀ ne li ghə̀ŋ bwensə vi a wen, byìʼì əpfʉ̀ ə kətsoʼ kə wen yì a Wàyn wenə əpfʉ ndi ghə̀ŋ tɨmə ashɨ Nyìngòŋ laynə, ko ghə̀ŋ le kiʼ ə mbyɨ ə tsèn ko wu ki kənyʉ̀ a wìʼ zi ghə̀ gham wu tsu.

Kòlòsyàns 1:28

A le kənyʉ̀ ki a yes ə shə̀ʼtə̀ ntɨm kumə wen, ku kətyiftə be ziʼi viʼi və tsèm nə̀ ətof ə tsèm ə, ndiʼ yès ne vəwenə nə̀ diʼ wenə Klistò amuʼ ə vi ashɨ Nyìngòŋ to nə̀ viʼi a və ti a kayn.

1 Tèsàlonyà 4:14

Vəghəŋ ə byɨmə la Yesò ə mpfʉ ə bwensə lù fa pfʉ, be byɨmə la Nyìngòŋ ə lu nè Yesò lyɨ̀ viʼi vyi a və ə tə pfʉ byɨmə ə vəwenə bwenə kuʼ a akàŋ, wenə vəwenə tsèntə diʼ to muʼ.

Jems 5:15

Vəwenə sətsèn ə nè jɨ̀m aghenə byɨmə, Nyìngòŋ à chʉʼ wu kwaʼa ayì, Bobo be lùsə wen fa kwaʼa. A be ndiʼ la ghə̀ ne li mbyɨ, Bobo à lyèsə̀ mbyɨ wen ayì.

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.