2 Kolìntyàns 3:7 - The New Testament in the Babanki language

⁷ Ghə̀ŋ kɨli la Əsoʼ ə ndiʼ a mbì a ŋwàʼlə̀ mu və nyoʼ a ngùʼ ali, ghə̀ diʼi baynə Nyìngòŋ. Əsoʼ ə nè li la əkə̀ʼ ə Mosìs ə nbàynə̀ no nànto, viʼi Islel ə gho ə ki, no tèbe ando ghə̀ baynə ali, lɨmə dyʉ̀ dyʉ̀. Əsoʼ ə sətsen ndiʼ mu ghə̀ diʼi li nki bayn na ghèn ali, vi nə̀ əpfʉ̀,

2 Kolìntyàns 3:7 ပူးပေါင်းရင်းမြစ်များ

Shwèʼ 6:15

Viʼi no vətsèm a və ndìʼ a kəshi kə soʼo nsoʼ akì sə ki dyʉ̀sə̀ nə̀ Stifèn ə̀ yen kəʼə wen ghə̀ baynə to nə̀ kəʼə ntsɨ̀ŋ ngə̀ŋ Nyìngòŋ.

Lumans 10:4

Yesò sə diʼ mù ghə̀ vi li ə ne la kə Əsoʼ ə be ə kiʼi kədyòʼ. Ghə̀ nè alə̀ ndiʼ no ndo yi a ghə̀ byɨmə a wen ndiʼ ti a nkàyn ashɨ Nyìngòŋ.

Lumans 4:15

Kə diʼ alə̀ byìʼì ando Əsoʼ ə nè to la Nyìngòŋ ə fwisə tin a viʼi byìʼì ando vəwenə kwaʼa əsoʼ a yi, mu əsoʼ ə faŋ ke ndiʼ, ko wìʼ lu kwaʼa.

Lumans 5:20

Nyìngòŋ ə nku Əsoʼ ndi və yenə mwetə kədyòʼ kə mbyɨ, ali mbyɨ sə ghoʼ, ətyɨm ə jùŋə Nyìngòŋ ə be ghoʼ dyʉ̀ to ambì.

Lumans 7:10

Əsoʼ a ghèn ə̀ ndiʼ ə nè la mà ə tsi, ali ghə boŋsə nè la mà pfʉ pfʉ.

Lumans 7:22

A diʼ a mo a ti tyɨm ma kòŋ ə wʉ̀ əsoʼ ə Nyìngòŋ,

Lumans 7:5

A ə ndiʼ ando vəghəŋ bo tsi a ji yi a njòsə əwenə vəghəŋ sə ə kəŋ fa tsù, Əsoʼ ə tenə vəghəŋ la və nè mbyɨ, ghə̀ vi to nə̀ əpfʉ̀.

1 Kolìntyàns 13:10

Ənyʉ̀ ə tɨməvə lu vì, ə nyʉ̀ vyì a ko diʼ nyʉ̀ tɨməvə li mè.

2 Kolìntyàns 3:3

Ghə̀ŋ diʼ ŋwàʼlə̀ a Yesò nyoʼo to fa wen a ngəŋ, ghə̀ nchò fa yès a kəvu. Ghə̀ ko nyoʼ ŋwàʼlə̀ na ghèn nə̀ ntu ə ŋwàʼlə̀, ghə̀ boŋsə nyoʼ nə̀ Kəzhwì kə Nyìngòŋ yi a ghə̀ tsi. Ghə̀ ko nyoʼo a kwi ngùʼ, ghə̀ nyoʼo a tətyɨm ə viʼi.

2 Kolìntyàns 3:6

A nè wen la yès kwʉ̀ʼʉ̀ ə nshə̀ʼtə̀ kənyʉ̀ kumə məkàyn mə mfimə̀ mì a ghə̀ zhɨ wenə viʼi. Məkàyn na mèyn ko diʼ a soʼ yì a və nyoʼo, à diʼ məkàyn mə Kəzhwì kɨ Ŋwoʼkə. Əsoʼ mughə yì a və nyoʼo ə nè viʼi pfʉ, kəzhwì kə Ŋwoʼkə nè la və ndiʼ.

2 Kolìntyàns 3:8

ko kəzhwì kə Ŋwoʼkə a vi nə̀ baynə ghə̀ chò ghə̀ əsoʼ a?

Gàlesìyà 3:10

Viʼi vyi a və kəŋ ə ghʉ tə Əsoʼ ndi nti a nkayn wenə və Nyìngòŋ, ngəʼ Nyìngòŋ diʼ a vəwenə a kətʉ, byìʼì ando və nyoʼo li a Ŋwàʼlə̀ Nyìngòŋ la, “Nyìngòŋ ne nè ngəʼ ndiʼ a kətʉ no ndò yi a ghə̀ ko ghʉ təsoʼ no tətsèm a tə diʼi a ŋwàʼlə̀ Əsoʼ.”

Gàlesìyà 3:21

Kə le diʼi la Əsoʼ ə tensə kənyʉ̀ kə ghʉ kə kikə a Nyìngòŋ ə nghʉ li mu? Kə ko diʼ alì no fa mphen. Kə diʼ la Nyìngòŋ a sətsen ə ndiʼ mu ghə̀ nkuli əsoʼ mibu ghə̀ nè la viʼi ntsi, a na ndiʼ mù ghə̀ zizi nè la viʼi nti akayn ashɨ ə Nyìngòŋ.

Hibùlù 12:18

Ghə̀ŋ diʼ alə̀ ko andiʼ la ghə̀ŋ fʉ̀ tɨmə ashɨ Nyìngòŋ ando vunə Islel ə ntɨmə. Vəwenə ə̀ fʉ̀ li tɨmə ə sə ki dyʉ̀sə, yen phèn Sinày, ghə̀ diʼ mù və zizi və kum, zhiʼi ə bole kuʼu ayi kətʉ̀. Vəwenə nyen li shi, və fenə to la lèm, təfwof tə totə ə be chò,

Hibùlù 3:3

Yesò ə nkʉʼʉ li la və ngumlə̀ wen chò ando və ngumlə̀ Mosìs, ndə̀ŋndəŋ ando wìʼ a ghə̀ bwomə ngə̀ŋ diʼ və bwomsə wen əchò nkàyntə̀ ngə̀ŋ a yi.

Hibùlù 9:4

A ndiʼ ati lùm a ghèn, kəbaŋkə kəku kə tsenkə diʼ mù və shɨtə nə̀ gul ə sə nyʉ̀ʼ kələŋ ayi kətʉ. Əkumə ə məkàyn ə ndiʼ tsu mu və lem nə̀ gul. Fəntòyn fifə a və we manà tsu ndiʼ ati əkum a ghèn nə̀ mbàŋ Alòyn mu ghə̀ shisə li ntuʼsə. Ngùʼ shisə sə bò a Nyìngòŋ ə nyoʼtə təsoʼ tsu ə ku a Mosìs ndiʼ ati əkum a ghèn.