2 Kolìntyàns 3:18 - The New Testament in the Babanki language

¹⁸ Vəghəŋ vi a və byɨmə a Yesò və tsuʼ li kəbàs kə ndisə na ki ko kə mbe chiʼtə tebè əkə̀ʼ ə vəghəŋ, vəghəŋ sə diʼ nyenə əbaynə Bobo. Ali Bobo a diʼi kəzhwì nè la vəghəŋ ə kwʉ̀ʼʉ̀ ando Bobo kəŋ, ndiʼi kuʼsə dyʉ̀ to dyʉ̀ nə̀ əbaynə wen na yi. A lə shwèʼè ə Bobo yi a ghə̀ diʼi a kəzhwì.

2 Kolìntyàns 3:18 ပူးပေါင်းရင်းမြစ်များ

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 12:41

Isayà ngaʼa nyʉ̀ venə kumə Yesò byìʼàndo ghə̀ sə diʼ mù ghə̀ yenli kədyoʼkə wen.

Joyn 17:22

Ma ku li əbayn ə ghoʼoghə a vəwenə, a diʼ yi a wù tə kù a mò ndi vəwenə ə ndiʼ to a kənyʉ̀ kə mùʼ, to ndə̀ŋndəŋ ando yowù diʼ to a kənyʉ̀ kə mùʼ.

Joyn 17:24

“Ma kəŋ a Tìʼ ghom la yo viʼi a wù kù a mò lu ndiʼ to akəshi kə mùʼ ndi vəwenə yen əghoʼ ə ghomə, a diʼ yi a wù kòŋ mò ə ku a mò, mibu wù shɨtə mbyi.

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Lumans 13:14

Ghə̀ŋ boŋsə ghaʼ to ntsìnə̀ ə fi yì a Bobo Yesò Klistò ə ku li a ghə̀ŋ a fo ghòŋ. Kə vəghəŋ na kù ji la njòsə əwen ə vəghəŋ sə tisə vəghəŋ, kwetə tèbe ghò ando sə kòŋ, vəghəŋ ə ne to ne.

Lumans 8:29

Nyìngòŋ ə ghʉ la viʼi na vi a ghə̀ nsə diʼ mu ghə̀ tsuʼtə li və fəsə Wàyn wen. Ghə̀ ghʉ̀ alə ndiʼ Wàyn wen diʼ wàyn ə mbì a ntìntìn ə vəlemə a və diʼ no kədə̀ŋ.

Lumans 8:4

Nyìngòŋ ə ne alə ndiʼ vəghəŋ ə shɨtə tsi mwetə ntsìnə̀ ətɨmə yì a Əsoʼ ə kəŋ. Vəghəŋ diʼ viʼi vyi a və ko tsi ando əwen ə vəghəŋ ə kəŋ, ali boŋsə tsi to ando kəzhwì kə Ŋwoʼkə ə diʼi, a diʼ ntsìnə̀ ətɨmə yì a Əsoʼ ə kəŋ.

Lumans 8:7

Wìʼ ə ghʉ̀ kətʉ kə wen a nyʉ̀ ə njòsə wen, və a ne la ghə̀ ə bàynə̀ Nyìngòŋ, ko ghə̀ zhʉ tebè əsoʼ ə wen, mu ghə̀ zizi ko ghə̀ lu kɨ ə zhʉ.

1 Kolìntyàns 13:12

Vəghəŋ ə yenə nyʉ̀ luwen tosə vəghəŋ yenə a məlaməlamə, yenə sə vəghəŋ yenə a zhʉ a kənkàʼtə̀ ko kə tuʼtə baynə. Kətsi kə lu vì, ə vəghəŋ shɨtə yen mwetə. Luwen diʼ, ma kɨ nyʉ̀ to kəbyəʼ kəbyəʼ, kətsi kə diʼ lù vì, ə mà shɨtə kɨ mwetə nyʉ̀ no tsèm to ndə̀ŋndəŋ ando Nyìngòŋ ə kɨ mò.

1 Kolìntyàns 15:49

Vəghəŋ ə fɨsə wìʼ yi a və nshɨtə nə̀ kətsoʼ kə luwen, a diʼ to li a vəghəŋ be lù fɨsə wìʼ yi a ghə̀ nlu fa akàŋ.

2 Kolìntyàns 3:17

Kə diʼ alə̀ byìʼì ando Bobo wenə Kəzhwì kə Ŋwoʼkə diʼ to kənyʉ̀ kə mùʼ. No fe a kəzhwì kɨ Bobo kə diʼ, ko viʼi be diʼ əkòs.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

2 Kolìntyàns 5:17

Wìʼ sətsèn ndiʼ wenə Yesò a kənyʉ̀ kə muʼ, mu ghə̀ sə diʼ wu fi, mu ntsìnə̀ mu wen ə mè li, ghə̀ sə kiʼi ghə̀ fi.

Gàlesìyà 6:15

Ko və shətə li ndyə̀ vəghəŋ kò və ko shətə, na ki ə ko kiʼi kənyʉ̀ kə tsen ə nè. Kənyʉ̀ kə tokə ə diʼ to la, Nyìngòŋ ə nè li vəghəŋ bwensə sədiʼ viʼi və fi və.

Kòlòsyàns 3:10

ə boŋsə ghaʼa ntsìnə̀ ə fi. Ghə̀ŋ diʼ viʼi və fi və a Nyìngòŋ bwom ə sə ne la ghə̀ŋ fɨsə wen a nyʉ̀ yi a ghə̀ŋ ne ndi ghə̀ŋ tuʼ kɨ wen akayn.

1 Timotì 1:11

Ənyʉ̀ a venə ə diʼ a ntìntìn ntɨm ə jùŋ yi a Nyìngòŋ ku la mà shə̀ʼtə̀. A diʼ Nyìngòŋ kaynə yì a viʼi ə kuʼsə.

Taytùs 3:5

ghə̀ bwòŋsə̀ vəghəŋ. Ghə̀ ko ə̀ mbwòŋsə̀ vəghəŋ la vəghəŋ nè kənyʉ̀ kə jùŋə kə kətsenkə alì ghə̀ mbwòŋsə̀ vəghəŋ byìʼì kusə nshinsə wen əchò fà kəzhwì kə ŋwoʼkə. Kəzhwì kə ŋwoʼkə akènkə shʉ li vəghəŋ,vəghəŋ ə nlayn ə̀ mbe ku ntsìnə̀ fi à vəghəŋ.

Jems 1:23

Wìʼ a ghə̀ zhʉtə̀ kənyʉ̀ kə Nyìngòŋ tò zhʉtə̀ ke ə nè ando kə gàʼà dìʼ tò nə̀ wìʼ a ghə̀ ki wen ə wen a kənki kə ashɨ.

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.