2 Kolìntyàns 3:14 - The New Testament in the Babanki language

¹⁴ Nò fa mpfen, vəwenə nyenə ko andiʼ la və kɨ kənyʉ̀, à sə diʼ tèbe layn ghə̀ŋ bo diʼ to ali. Vəwenə ndzàŋə̀ ŋwàʼlə̀ məkàyn mə mumə̀, ko və lu zhʉ kɨ. Kə ndiʼ alə̀ byìʼì ando kəfo ki bo chiʼtə ə tof ə vəwenə to chiʼtə, a diʼ to Yesò a ghə̀ zizi ghə̀ lyisə kəfo na kì.

2 Kolìntyàns 3:14 ပူးပေါင်းရင်းမြစ်များ

Matìyò 13:11

Yesò bwènsə̀ gàʼ à vəwenə la, Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə vi a və diʼì byìʼì soʼo fòyn wen alì kò a ndiʼ la ghə̀ ku li à vəwenə.

Matìyò 16:17

Yesò mù gàʼ la, “Mbwaʼmə̀ dìʼ à wù a Simon wàyn Jonà, byìʼàndo a ko shə̀ʼtə̀ Wùmə̀nsòŋ nshyə̀ʼtə̀ kənyʉ̀ kènkə la wu gàʼ a lì, à dìʼ Tìʼ ghom ə Nyìngòŋ yì a ghə̀ diʼì a kàŋ.

Matìyò 6:23

Ali, mu ashɨ a wu sətsèn ə faŋ ke ndiʼ a nkàyn, wù a jèʼè tò a ntìntìn mfɨnə̀ nə̀ wenə wu no tsèm. Ke la diʼi la ashɨ ə wu sətsèn ə nə̀ faŋ ke ku bayn no fa mpfen, ə wù a ndiʼ no a ntìntìn mfɨnə̀ ə kaynə!

Joyn 12:40

“Nyìngòŋ ə nè li, vəwenə nfyɨf ə be ntosə tətyɨm tə vəwenə, ndiʼ vəwenə ki tèbe ki ko və lu yenə, kwòʼtə̀ tèbe kənyʉ̀, ko andiʼ la və kɨ; byìʼàndo vəwenə sətsen ə yenə be kɨ nyʉ̀ a və bwensə ə vi a Nyìngòŋ ghə̀ chʉʼ vəwenə.”

Joyn 12:46

Mà vi a mbyi to nə̀ əbayn ndiʼ wìʼ faŋ kò ghə̀ lə be ndiʼ a kəbəŋ kə fenəkə, mu ghə̀ byɨmə li a mò.

Joyn 8:12

Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.

Shwèʼ 13:15

Və dzàŋ nyʉ̀ fa ŋwàʼlə̀ soʼ Mosìs bènə̀ fa vəŋwàʼlə̀ və nshə̀ʼtə̀ sə ghoʼkəsə, viʼi vyi a və ntisə nyʉ̀ a ngə̀ŋ ntsèntə̀ tɨm wìʼ la ghə̀ gàʼ à vəwenə la, “Vəlèmə̀ vyesə, a zhʉ a ghə̀ŋ kiʼi kənyʉ̀ əgàʼ a kə a gyàmtə̀ ətosə byɨmə viʼi venə, ghə̀ŋ ə gàʼa.”

Shwèʼ 15:21

A dìʼi nyʉ̀ vyi a Mosìs nziʼì, və sə tsi dzàŋə̀ a aloʼ ntsèntə̀sə tò a ntə̀ʼsə sətsèm a mətsi məzhʉ̀təmə no fà kəghaf.”

Shwèʼ 16:14

Andìʼ a tì ki avenə a və mvì zhùŋtə̀ və sə zhʉtə̀ ando Bol gàʼà lì, wùwì tsen diʼ tsu, a zhiʼ wen ndìʼ Lydiyà mu ghə̀ lù fa ntə̀ʼ Tatiliyà. Ghə̀ nè mbaʼlə̀ nə̀ ndisə a ko yi nto no nànto, a be diʼ wùwì a ghə̀ ngumlə̀ Nyìngòŋ. Bobo bòʼtə̀ kwòʼtə̀ wen la ghə̀ ntùʼù zhʉtə̀ nyʉ̀ vyi a Bol ngàʼà lì ə̀ byɨmə nyʉ̀ a vyi.

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

2 Kolìntyàns 3:15

Kə diʼ to no nəmwèʼè la à diʼ tèbè ə zàʼa fa layn, a zhʉ a vəwenə dzàŋə ŋwàʼlə̀ Əsoʼ ə Mosìs, ko və lu zhʉ kɨ tebè kɨ byìʼì ando kəfo kə bo chiʼtə ətof ə vəwenə to chiʼtə.

2 Kolìntyàns 3:6

A nè wen la yès kwʉ̀ʼʉ̀ ə nshə̀ʼtə̀ kənyʉ̀ kumə məkàyn mə mfimə̀ mì a ghə̀ zhɨ wenə viʼi. Məkàyn na mèyn ko diʼ a soʼ yì a və nyoʼo, à diʼ məkàyn mə Kəzhwì kɨ Ŋwoʼkə. Əsoʼ mughə yì a və nyoʼo ə nè viʼi pfʉ, kəzhwì kə Ŋwoʼkə nè la və ndiʼ.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Efisyàns 4:18

Vəwenə zhʉ ko andiʼ la və kɨ kənyʉ̀, ko və kɨ kənyʉ̀ kumə ntsìnə̀ Nyìngòŋ byìʼì kəkoyn kə vəwenə mu à vi nə̀ kətʉ̀kə ə tokə kì a vəwenə ə kiʼi.