2 Kolìntyàns 3:12 - The New Testament in the Babanki language

¹² Ando yès ə kɨ nəmwèʼè la kənyʉ̀ kə məkàyn mə mfimə̀ ə chò kə ə məkàyn mə mumə̀. A le kənyʉ̀ ki a yès ə shə̀ʼtə̀ ntɨm a ghèn, ko yèsə fwàynə̀.

2 Kolìntyàns 3:12 ပူးပေါင်းရင်းမြစ်များ

Joyn 10:24

viʼi Jus vətsenvə vì zhùŋtə̀ a wen a ben ə bèm a wen la, “wù na ghʉ yès ə yès kəʼtə ə zaʼa fa ze? Shə̀ʼtə̀ a yès əbòʼ a ndayn a zhʉ a wù diʼ Wìʼ yi a və tsuʼ li ə ghʉ.”

Joyn 16:25

“Mà temlə nyʉ̀ to tèmlə a ghə̀ŋ ali əzhʉ̀ diʼ ə vì a mà ko be a ngàʼà a ghə̀ŋ a ji ghèn. Ma na shə̀ʼtə̀ mwetə nyʉ̀ kumə Tìʼ a ghə̀ŋ.

Joyn 16:29

Yesò ə gàʼa ali, ndzɨ̀mtə̀sə bàm ə wensə gàʼ la, “Wù sə gàʼà to no a ndayn luwen, ko wu be tèmlə nyʉ̀ tèmlə.

Shwèʼ 14:3

Byìʼì alə̀, Bol wenə̀ Balnabas tsi tsu no alə̀, gàʼà nyʉ̀ byìʼì Bobo kè nə̀ faynə. Bobo dìʼ la ntɨm yì a vəwenə nziʼi byìʼì boŋə tyɨm Nyìngòŋ ndìʼ nəmwèʼè, ə̀ kù kədyòʼ la vəwenə ndìʼì chwitə be nè nyʉ̀ kanəvə.

Shwèʼ 4:13

Bità gàʼ a lì, viʼi a vyi yen nki tətyɨm tətotə tì a wenə̀ Joyn nkìʼ be kɨ la vəwenə diʼ to mbʉ viʼi byìʼàndo vəwenə nko kɨ ŋwàʼlə̀. A ndìʼ a zhʉ ayì a vəwenə mù be kɨ̀ la Bità wenə̀ Joyn ndìʼ viʼi jèʼè Yesò.

Shwèʼ 9:27

Balnabas mù vì gyàmtə̀ wen ə̀ lyɨ̀ wen ə̀ dyʉ̀ nə̀ wen à viʼi ntɨm Yesò ə̀ shə̀ʼtə̀ laynsə à vəwenə ando Saul tə yen Bobo a jì ando ghə̀ tə ndyʉ̀ a Damaskus, ghə̀ gàʼ à wen. Balnabas bè gàʼ ando Saul shə̀ʼtə̀ li ntɨm jùŋ a Damaskus byìʼì Yesò nə̀ tyɨmə toghə.

Shwèʼ 9:29

Ghə̀ ngàʼà be soʼtə̀ nyʉ̀ wenə̀ Vəjew vi a və ngàʼà gaʼa Glis. Vəwenə mù zìtə̀ sə baʼtə̀ əzhwi wen.

1 Kolìntyàns 14:19

Alì mu mà yi ngàʼà a ngə̀ŋ ə Nyìngòŋ, mà ne kòŋ ə gàʼ to nyʉ̀ à tayn la viʼi zhʉ kɨ ə ziʼi kənyʉ̀ fa kənyʉ̀ a ma gàʼà chò ando mà yi gàʼà nyʉ̀ nkamsə əwùm a təgaʼ tə kədyàŋ, ko viʼi lu ə nzhʉ.

2 Kolìntyàns 10:1

A sensə to no mò Bol sensə ghə̀ŋ luwen a zhiʼ Yesò Klistò a ghə̀ tuʼmə be bwaʼmə. Ma kɨli la viʼi vətsenvə nə̀ gàʼa la ma zhʉ sə ə nyòʼ kənyʉ̀ nyoʼo, a ghə̀ŋ ma sə gaʼa to no nə̀ ətyɨm ə to ghə̀, ali na vì zaʼa a ghə̀ŋ ntìntìn, ma sə gaʼa to kəbwaʼ kəbwaʼ.

2 Kolìntyàns 3:11

Əsoʼ ə ndiʼi əbayn ghə̀ lɨmə̀ dyʉ̀ dyʉ̀. Kə diʼi la əbayn kəzhwì kə Ŋwoʼkə ə chò ghə əsoʼ byìʼì ando kəzhwì kə Ŋwoʼkə ko lu mè.

2 Kolìntyàns 4:13

Və nyòʼò li a Ŋwàʼlə̀ Nyìngòŋ la, “Ando mà byɨmə, ma diʼ ə shə̀ʼtə.” Yès be byɨmə a Nyìngòŋ ə be sə shə̀ʼtə̀ kənyʉ̀ kə wen.

2 Kolìntyàns 7:4

Ma shɨtə kɨ ghə̀ŋ, ma ko momə̀ ghə̀ŋ momə̀. Ma saŋlə no nànto kumə ghə̀ŋ, tyɨm ə ghomə zhʉ̀tə̀ no nànto byìʼì ghə̀ŋ, be boŋsə saŋlə to saŋlə a ntìntìn ngəʼ shisə a yès nyenə.

Filìbàyns 1:14

Ngə̀ŋ nfɨŋ ghèn a ma diʼi tsu nè li viʼi və byɨməvə be tuʼ ku tətyɨm tə vəwenə a Bobo. Vəwenə sə shə̀ʼtə̀ ntɨmə Nyìngòŋ luwen nə̀ ətyɨm ə toghə, ko və fwàynə̀ tebè wìʼ.

Filìbàyns 1:20

Nò kənyʉ̀ kə ghoʼokə ki a kə diʼ a mo kwòʼtə nə̀ kikə a ma kəʼtə diʼ la kə mà lù ne kənyʉ̀ kə diʼsə kətʉ. No mənzhʉ̀ ntsèm ə zìtə̀ fa luwen ma kəŋ ə nè shyèʼ ə Yesò nə̀ ətyɨm ə toghə to ando mà tə ne, kòŋ la ntsìnə̀ ghom ə nvi to nə̀ əkuʼsə a wen, kò ma pfʉ pfʉ, kò ma faŋ ə ntsi.

Kòlòsyàns 4:4

Ghə̀ŋ ne njɨ̀mə̀ la mà shə̀ʼtə̀ làynsə ntɨm na ghèn a ji yi a ma diʼ ə shə̀ʼtə̀ fa tsù.

1 Tèsàlonyà 2:2

Ghə̀ŋ kɨ li la a ndiʼ mibu yès vi a Tèsàlonikà mu yès ə yen li ngəʼ no nànto, və be telə yès no nànto a ntə̀ʼ Filìbay. Nyìngòŋ ə vəghəŋ nè la yès shə̀ʼtə̀ ntɨm ə jùŋ a ghə̀ŋ mu ghə̀ lù fa Nyìngòŋ no nə̀ ətyɨm ə to ghə̀, no tèbe ando viʼi ə ko ə kòŋ ə zhʉtə.

1 Timotì 3:13

Viʼi vi a və nè shwèʼ ə vəwenə a nkàyn ə kiʼ zhiʼ ə jùŋ ghə̀, bè kiʼ tətyɨm təto tə ə gàʼà ənyʉ̀ byìʼì əbyɨmə yi a vəwenə ə kiʼi à Yesò Klistò.

Filimùyn 1:8

Ando wù nè nyʉ̀ venə lə, ma yi zi ma ku a nə̀ soʼ a zhiʼ Klistò la wù ne kənyʉ̀ a wù ndiʼ ə nè