2 Kolìntyàns 2:14 - The New Testament in the Babanki language

¹⁴ Alì, ma ku kəzòŋ kə Nyìngòŋ. Ghə̀ tisə yès to məzhʉ̀ ə tsèm, yès ə ndzɨ̀mtə̀ fa bàm ə Yesò zhɨ no gho na yì a yes ə nè. Ghə̀ ne yès ə gətə ntɨm ə Yesò, viʼi kɨ wen, ntɨm ayi saykə dyʉ̀ to shì ə tsèm to nə̀ kəlemtəkə kələŋkə.

2 Kolìntyàns 2:14 ပူးပေါင်းရင်းမြစ်များ

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Lumans 1:8

Ma cho mbi, əku kəzòŋ a Nyìngòŋ yi a ma kùʼsə̀ be shyèʼ a wen əchò fa a Yesò Klistò ando ghə̀ ne viʼi sə gaʼa kumə əbyɨmə ə ghəŋə to mbyi ə tsèm.

Lumans 15:19

Ghə̀ nè li, ma sə nè nyʉ̀ ə kaynəvə to a tənkì a tənkì cho fa kədyòʼ kə kəzhwì kə Ŋwoʼkə. Ma shə̀ʼtə̀ li ntɨm ə jùŋ kumə Yesò to shì ə tsèm, ə zìtə̀ fa Jelusalèm ə dyʉ̀ ə zàʼa a Ililikùm.

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

Lumans 8:37

Kəfo kə zizi ko kə lu be ghəsə vəghəŋ fa kòŋ ə Yesò byìʼì ando vəghəŋ ə temə zhɨ̀ to ji sə tsèm nə̀ kədyòʼ kə wen kə, a diʼ byìʼì ando ghə̀ kòŋ vəghəŋ.

1 Kolìntyàns 12:8

Kəzhwì na kènkə kə mùʼ nə̀ dyʉ̀ a wu ə tsen, kə ne la ghə̀ ngàʼà nə̀ ətofə, kə dyʉ̀ a wutsen kə ne la ghə̀ nkɨ ə shə̀ʼtə̀ nyʉ̀ vyi a kə diʼi a wen.

1 Kolìntyàns 15:37

Ngwaʼ yì a wù wè ko diʼ əwen kəfo yi a ghə̀ ne ghə̀ kwi kuʼu. Zhʉ tsenghə a sədiʼ to əshɨ kəfo to nə̀ ashɨ ə ngwaʼ kò ashɨ ə ngwaʼ ə tsen.

1 Kolìntyàns 15:57

Alì kəzòŋ kə dyʉ̀ a Nyìngòŋ yi a ghə̀ ne la vəghəŋ tem ə zhɨ̀ pfʉ chò fa a Bobo vəghəŋ Yesò Klistò.

2 Kolìntyàns 1:11

Ghə̀ ne bwòŋsə yès byìʼì ando ghə̀ŋ ne ngyàmtə̀ əjɨ̀m a yès. Byìʼì na kenkə nghoʼo viʼi ne nku kəzòŋ byìʼì ando ghə̀ zhʉ li ə jɨ̀mə̀ viʼi no kədə̀ŋ la yès ə ndiʼi a nkàyn.

2 Kolìntyàns 8:16

Ma ku Kəzòŋ kə Nyìngòŋ ando ghə̀ ne Taytùs sə kiʼi əkòŋ a ghə̀ŋ ando ma kiʼi.

2 Kolìntyàns 9:15

Kəzòŋ kə Nyìngòŋ byìʼì Wàyn wen yì a ghə̀ nku a vəghəŋ. A diʼ kəku kə kaynə kə.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Efisyàns 5:20

Ghə̀ŋ ə̀ ku kəzòŋ a Nyìngòŋ ə Tìʼ no mənzhʉ̀ ntsèm kùmə̀ no tèbe ghò a ghə̀ fʉ̀. Ghə̀ŋ nku kəzòŋ a wen a zhiʼ Bobo vəghəŋ ə Yesò Klistò.

Filìbàyns 4:18

Mà gàʼà à ghə̀ŋ la mà kiʼi li əfo a ghə̀ŋ tɨmə a mo no tsèm ə mbe nkiʼi ə ncho. Èbàfàlòditùs tə vì ə̀ kù no ə̀fo tsèm a ghə̀ŋ tə̀ tɨm la ghə̀ vi ə̀ kù à mò, mà ko bè gho kəfo. Ə̀fo avenə lèmtə̀ fwomə no nkàyn, à diʼ nə̀ kəku à Nyìngòŋ shi li ə sə saŋlə̀ no nkàyn.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Kòlòsyàns 1:6

Ntɨm ə jùŋ ghèn ə dyʉ̀ no shì ə tsèm a mbi, ghə̀ be vi nə̀ kwitə a viʼi a ntsìnə̀sə. Ntɨm ayi nvi li nə̀ kwitə a ghə̀ŋ ə zìtə̀ fa achʉʼ yi a ghə̀ŋ ə nzhʉ əkɨ nəmwèʼè kumə ətyɨm ə jùŋə Nyìngòŋ.

Kòlòsyàns 2:15

A ndiʼ ando Klistò mpfʉ a kəntò, Nyìngòŋ ə nè əzhwi vyi a və soʼo nə̀ vyi a və tisə la kə və be kiʼ kədyòʼ, ə diʼsə kə tʉ kə zhwi na vyi ashɨ ə mbi ə tsèm. A le ji yì a ghə̀ ə̀ nzhɨ̀ əzhwi a venə fa tsù.

1 Tèsàlonyà 1:8

Ghə̀ŋ nè li viʼi shɨtə zhʉ̀ ntɨmə Bobo a Màsìdonìyà nə̀ Akayà be zhʉ̀ to shì ə tsèm la ghə̀ŋ byɨmə li a Nyìngòŋ, kò yes ə be a kiʼi kənyʉ̀ ə be ə gàʼ a wìʼ.

1 Tèsàlonyà 3:9

Yo wen ə ku kəzòŋ a Nyìngòŋ ə vəghəŋ byìʼì ghə̀ŋ, be ku byìʼì saŋlə yì a ghə̀ nè la yes kɨ byìʼì ghə̀ŋ.

1 Timotì 2:8

Mà kəŋ la lyʉmə a vəwenə ku li təwen tə vəwenə a Nyìngòŋ no te fe ə jɨ̀m, nə̀ tətyɨm tə laynə tə, kə vəwenə a nkiʼ tin əfwi ko kəngùmə̀ wenə viʼi.

2 Timotì 2:2

Wù tə ə zhʉ nyʉ̀ vyi a ma tə nziʼi ashɨ nə̀ viʼi. Wù diʼ ə lyɨ̀ əziʼi ghenə luwen ə ziʼi viʼi və jùŋvə vyi a zì vəwenə be ə ziʼi viʼi vətsenvə.

Kəmwetə 7:12

gàʼà la, “Kə diʼ to a lì, mbwaʼmə̀, nə̀ əbayn, nə̀ ətof, nə̀ əku kəzòŋ, nə̀ ə gumlə, nə̀ àdyoʼ diʼ ghə̀ wenə no məzhʉ̀ ntsèm! kə ndiʼ to a lì.”