2 Kolìntyàns 2:12 - The New Testament in the Babanki language

¹² Andiʼ ando mà nvi zaʼa a Tɨ̀luwàs sə shə̀ʼtə̀ ntɨm ə jùŋ byìʼì Yesò, ma yen la Nyìngòŋ ə sə diʼ mù ghə̀ boʼtə li ji la mà shə̀ʼtə̀,

2 Kolìntyàns 2:12 ပူးပေါင်းရင်းမြစ်များ

Shwèʼ 14:27

Vəwenə nè vì zaʼa a Antìyòk, ə̀ tsèntə̀ nòyn viʼi vəbyɨməvə no tsèm ə̀ shə̀ʼtə̀ nyʉ̀ vyi a Nyìngòŋ ə̀ gyàmtə̀, vəwenə ə̀ nè no tsèm, bè shə̀ʼtə̀ tò ando ghə̀ ku ji la viʼi tɨm byɨmə à Yesò.

Shwèʼ 16:11

Yès lù fa Tuwas ə̀ kwèn a nkànuʼ ə nàyn tò fəchìʼ a fəloʼtə̀ fə tsenfə a fə ndìʼ a ntìntìn àmù mə ghoʼomə̀ a və ndzàŋə̀ nə̀ Samothlàs. Tʉʼ layn, yès dyʉ̀ a ntə̀ʼ Niyàbolìs,

Shwèʼ 16:8

Vəwenə mù shìʼi dyʉ̀ chò jì fa Misìyà ə̀ dyʉ̀ zaʼa a ntə̀ʼ Tuwas.

Shwèʼ 20:8

Andìʼ a tì ngə̀ŋ kàŋ yì a yès ntsèntə̀ tsu, nkɨsə ndìʼ tsu no səghoʼo.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

1 Kolìntyàns 16:9

byìʼì ando ji kəʼli a mò la mà shɨtə ne shyèʼ ashen, no tèbe ando viʼi ə soynə mò, to kədə̀ŋ.

1 Kolìntyàns 9:12

Viʼi vətsenvə sətsen ə̀ kiʼ kədyòʼ ə nkiʼi əfo ə zhɨvə fa ghə̀ŋ, a ko yès andiʼ nkiʼ chò tèbè fa lì. Alì yès sə diʼ ko andiʼ la yès ne kənyʉ̀ byìʼì kədyòʼ a kènkə a yès kiʼi ndiʼ nshi fo fa ghə̀ŋ. Yès ə boŋsə wensə to wensə byìʼì ando yès ə ko kòŋ ə ne kənyʉ̀ kə taʼsə ntɨm ə jùŋ ə Yesò la kə ghə̀ kwi.

1 Kolìntyàns 9:14

Kə lə diʼ to ndə̀ŋndəŋ ando Bobo ə̀ kù li a soʼ la, viʼi vyi a və shə̀ʼtə̀ ntɨm ə jùŋ diʼ nzhɨ̀ byìʼì wen.

1 Kolìntyàns 9:16

Ma ko diʼ ə nghaŋsə əwen kumə ando ma shə̀ʼtə̀ ntɨm ə jùŋ. A sə diʼ shwèʼ mu və ghʉ̀ li la mà nè, mu mà faŋ ke nè, a ngəʼ ə byɨ ne ndiʼ a mo kətʉ!

2 Kolìntyàns 10:14

Yès ko kumə kədyʉ̀ʼ a kənyʉ̀ a yès ə ko tə ne to ando kə yi ndiʼ ndiʼ a zhʉ a yès ə ko tə vì zaʼa a ghə̀ŋ a ntìntìn. Yès ə ndiʼ mbìsə viʼi ə vi nə̀ ntɨm ə jùŋ byìʼì Yesò Klistò a ghə̀ŋ.

2 Kolìntyàns 11:4

Ma fwàynə̀ alə̀ byìʼì ando mà yèn li la ndìʼsə̀ sə dzɨŋ sə sə̀ ziʼi ghə̀ŋ nə̀ nyʉ̀ kədyàŋ kumə Yesò ko andiʼ nyʉ̀ a yès tə ziʼi ghə̀ŋ kumə wen tsu, ghə̀ŋ moʼtə to moʼtə. Wìʼ ə vì, a ghə̀ŋ nə̀ kəzhwì kə, a ko diʼ kəzhwì kə Ŋwoʼkə kì a yès nku a ghə̀ŋ, ghə̀ŋ shi to shi, ə mbe byɨmə ntɨm yì to byɨmə a ghə̀ shə̀ʼtə̀, a ko diʼ ntɨm ə jùŋ yì a yès ə nshə̀ʼtə̀ a ghə̀ŋ.

2 Kolìntyàns 11:7

Kə le diʼ la mà tə shiʼsə wen ghomə ne ghə̀ŋ, ghə̀ŋ sə kuʼmə ə nshə̀ʼtə̀ ntɨm ə jùŋ ə Nyìngòŋ a ghə̀ŋ, ko ma bèmə̀ tebè kəfo, a diʼ mbyɨ mu?

2 Kolìntyàns 4:3

Kə le yi ndiʼ tèbe la kəfo kə sətsèn be chiʼtə no tèbe ətof wìʼ la kə ghə̀ zhʉ̀ kɨ ntɨm ə jùŋ yì a yès ə shə̀ʼtə̀, à ne diʼ tò wìʼ a ghə̀ le le.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

2 Kolìntyàns 8:18

Yès ə be tɨmə lèmə̀ yès ə tsen wenə wen, a diʼ wìʼ viʼi kòŋ wen a ntsèntə̀ sə viʼi Nyìngòŋ ashə̀ no akayn byìʼì ando ghə̀ kɨli ə shə̀ʼtə̀ ntɨm ə jùŋ.

2 Kolìntyàns 9:13

Əshyèʼè a ghenə a ghə̀ŋ ne lə̀ ə diʼi ətyɨm ə jùŋə ghə̀ yì a ghə̀ŋ kiʼi a viʼi, ə be diʼi mwetə la ghə̀ŋ zhʉ ntɨm ə jùŋ ə Yesò yì a ghə̀ŋ jèʼè shə̀ʼtə̀. Kənyʉ̀ na kì ə na ne, viʼi nkuʼsə Nyìngòŋ, to kədə̀ŋ.

Kòlòsyàns 4:3

Ghə̀ŋ be njɨ̀mə̀ a yes la, Nyìngòŋ ə nè yes kɨ jisə ə shə̀ʼtə̀ ntɨm ə jùŋ kumə ənyʉ̀ ə tò və vi a Nyìngòŋ ə diʼi làynsə a yes kumə Yesò. Ma diʼ a ngə̀ŋ nfɨŋ byìʼì ntɨm ə jùŋ na ghèn a ma shə̀ʼtə̀ lə.

1 Tèsàlonyà 3:2

ə tɨm lèmə̀ yes Timotì yi a ghə̀ shwèʼè a Nyìngòŋ yo wen, shə̀ʼtə̀ ntɨm ə jùŋ kumə Yesò. Yes ə tɨm Timotì la ghə̀ vi ə nè ghə̀ŋ kiʼ ətɨm ə to ghə̀, tuʼ choʼsə Yesò,