2 Kolìntyàns 13:11 - The New Testament in the Babanki language

¹¹ Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.

2 Kolìntyàns 13:11 ပူးပေါင်းရင်းမြစ်များ

Matìyò 1:23

“Zhʉtə a! wùwì a ghə̀ ko təmə̀ kɨ wulɨm lu gùf ə bwi wàyn wulɨm a və lu chʉ zhiʼ wen nə̀ Emanuwèl a ghə̀ dìʼì la ‘Nyìngòŋ dìʼ wenə vəghəŋ’”.

Matìyò 5:48

Ntsìnə̀ shəŋsə diʼ ŋwòʼə̀ ando ntsìnə̀ Tiʼi ghə̀ŋ a kàŋ ŋwòʼə̀.”

Ŋwàʼlə̀ Mak 10:49

Yesò tɨmə mù gàʼ la, “Ghə̀ŋ dzàŋ wen ghə̀ vi à mò.” Vəwenə dzàŋ wù kənshɨ̀f ayì ə̀ gàʼ à wen a zhʉ ayì la, “Kə a fàyn, lù vì, ghə̀ ye ghə̀ dzàŋə̀ wù.”

Ŋwàʼlə̀ Mak 9:50

Fəmbvaŋ fə bòŋə̀ alì mu fə sətsèn dìʼ ke be nlyɨ̀mə̀ wù à ne ghò nə̀ fəwenfə la fə be nlyɨ̀mə̀ a? “Ghə̀ŋ ndiʼ tò nə̀ fəmbvaŋ à ghə̀ŋ ntsìnə̀sə, no tè ndò be ntsi tò ntsìnə̀ bwaʼmə wenə̀ lèmə̀ wen.”

Ŋwàʼlə̀ Luk 9:61

Wùtsen bè gàʼ la, “Ma dzɨ̀mtə̀ wù a Bobo, alì ghʉsə mà dyʉ̀ ə toŋtə viʼi vwomə mi.”

Joyn 17:23

Ma jɨ̀mə̀ ə ndiʼ to kənyʉ̀ kə mùʼ yo vəwenə, yowù diʼ to a kənyʉ̀ kə mùʼ ndiʼ vəwenə kaʼkə ndiʼ to a kənyʉ̀ kə mùʼ no fa vəwenə ngeŋsə, ndi nè la mbyi kɨ la wù tə ə tɨm mo, ə kòŋ vəwenə to ndə̀ŋndəŋ ndo wù kòŋ mò.

Shwèʼ 15:29

Kə ghə̀ŋ à zhɨ̀ fozhɨvə a və moʼò li a nə̀ kəku à vənyìngòŋ; kə ghə̀ŋ a nyʉ mənlyuŋ kò pfiʼ nyàm a və sɨŋsə̀ sɨŋsə; kə ghə̀ŋ a tsi nə̀ ki ko nə̀ lʉmə, a ko kiʼ ghə̀ŋ. Ghə̀ŋ a ndiʼ tò a nkàyn a zhʉ a ghə̀ŋ sətsèn ghʉ̀ nyʉ̀ venə a yès ə gàʼà lə̀. Ghə̀ŋ faŋ lì.

Shwèʼ 18:21

Andìʼ ando ghə̀ nlù, ghə̀ gàʼ à vəwenə la, “Mà lu be bwènə̀ vì, a zhʉ a Nyìngòŋ sətsèn kòŋ.” Ghə̀ gàʼ a lì mù lù ə̀ mòʼtə̀ Blisilyà wenə̀ Akwilà a Efesùs.

Shwèʼ 23:30

Və nè shə̀ʼtə̀ à mò la və bò baʼtə̀ tò bàʼtə əzhwi wen, mà nyen la kə bòŋ la mà tɨm wen à wù tò luwèn. Ma be gàʼ à viʼi a vyi a və ghàmə̀ wen lì la vəwenə dzɨ̀mtə̀ əvì shə̀ʼtə̀ ngəʼ vəwenə à wù.”

Lumans 12:16

Ghə̀ŋ ə ntsi to a kənyʉ̀ kə mùʼ. Kə ghə̀ŋ a ghaŋsə əwen. Ghə̀ŋ boŋsə tsèntə vye və viʼi a və bwaʼa. Kə ghə̀ŋ a wʉ̀ la ghə̀ŋ kɨli nyʉ̀ ə tsèm.

Lumans 12:18

Ghə̀ŋ mwomsə no nə̀ kədyòʼ kə ə tsì nə̀ mbwaʼmə vye viʼi vətsèm.

Lumans 14:19

Vəghəŋ mwomsə ə nè to nyʉ̀ vyi a və vì nə̀ mbwaʼmə, nè la viʼi ə kwi a vəwenə byɨmə.

Lumans 15:13

Nyìngòŋ ghə̀ŋ a ghə̀ nè viʼi tsi, kɨ nəmwèʼè la və lu kiʼi kəfo kì a və nki dyʉ̀sə nə̀ kəwenkə kə nè ghə̀ŋ ə saŋlə no nànto ə be ku mbwaʼmə a ghə̀ŋ byìʼì ando ghə̀ŋ byɨmə a Nyìngòŋ. Ghə̀ nè alə̀ ndi ghə̀ŋ ə̀ kɨ nəmwèʼè, ko ghə̀ŋ lu kwoʼtə kənyʉ̀ kwoʼtə a ghə̀ŋ əbyɨmə a Nyìngòŋ chò fa kədyòʼ yi a kəzhwì kə Ŋwoʼkə ə ku a ghə̀ŋ.

Lumans 15:33

Ma jɨ̀mə̀ la Nyìngòŋ ə Tìʼ mbwaʼmə ə diʼ vye vəwenə. Amèyn.

Lumans 16:20

Ghə̀ŋ nè alə ndi Nyìngòŋ ghə̀ŋ a ghə̀ kù mbwaʼmə na ku kədyòʼ a ghə̀ŋ, ghə̀ŋ tsəʼsə Satan nə̀ aghʉ. Bobo vəghəŋ Yesò Klistò ə diʼi ətyɨm ə jùŋ ghə̀ ə wen a ghə̀ŋ.

1 Kolìntyàns 1:10

Ma sensə ghə̀ŋ a vəlemə vwomə a zhiʼ Bobo vəghəŋ Yesò Klistò la ghə̀ŋ nti to əchʉ̀ ə mùʼ a nyʉ̀ vyi a ghə̀ŋ gàʼà ndi kə kəgəsə kə na diʼ a ghə̀ŋ a ntìntìn. Ghə̀ŋ diʼ ə mboŋsə diʼ to a kənyʉ̀ kə mùʼ, kiʼ to əkwoʼtə ə mùʼ, be ki nyʉ̀ to fa ji ə mùʼ.

2 Kolìntyàns 1:4

Ghə̀ wye tətyɨm tə vəghəŋ a zhʉ a vəghəŋ diʼi no ngəʼ ko a yi, ndi vəghəŋ ə be wye tətyɨm tə viʼi vətsevə a zhʉ̀ a vəwenə ə yenə ngəʼ, ndə̀ŋndəŋ ando Nyìngòŋ wye tətyɨm tə vəghəŋ.

2 Kolìntyàns 13:14

Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.

2 Kolìntyàns 13:9

Yès ə saŋlə no zhʉ̀ ko a ghə̀ŋ ə to a kənyʉ̀ kə Nyìngòŋ no tebe ando və ko yenə adyòʼ yi a yès kiʼi. Yès jɨ̀mə̀ to la ghə̀ŋ nkwi a kənyʉ̀ kə Nyìngòŋ.

Efisyàns 4:12

Ghə̀ ə ne alə ə baʼtə̀ viʼi və byɨməvə la vəwenə kɨ ə ne shwèʼ ə Nyìngòŋ ndi ngə̀ŋ Nyìngòŋ ə nkwi, a diʼ əwènə Klistò.

Efisyàns 4:3

Ghə̀ŋ mwomsə no nə̀ kədyoʼkə ə faŋ to a kənyʉ̀ kə mùʼ kì a kəzhwì kə Ŋwoʼkə ku a ghə̀ŋ ə cho fa mbwaʼmə yi a ghə̀ tsèntə ghə̀ŋ.

Efisyàns 6:23

Nyìngòŋ ə, Tìʼ wenə Bobo Yesò Klistò ə ku mbwaʼmə a ghə̀ŋ ə ne la ghə̀ŋ əkòŋmə̀ təwen ə tyəŋtə be mbyɨmə to Klistò.

Filìbàyns 1:27

Ko a fʉ no te ghò, ghə̀ŋ tsi ando ntɨm ə jùŋ ə Klistò ə kəŋ ndi mà sətsen vi tèbe vi ə yen ghə̀ŋ, kò zhʉ byìʼì ghə̀ŋ a zhʉ a ma ko diʼ, mà ə kɨ la ghə̀ŋ ə ko kwitə fa kiʼi kwoʼtə ə mùʼ, tsi to a kənyʉ̀ kə mùʼ, shyèʼ no nə̀ kədyoʼkə be soynə ə ghaʼa əbyɨmə yì a ntɨm ə jùŋ ə ziʼi.

Filìbàyns 3:16

No tè be ali, vəghəŋ diʼ ə nè tò a ənyʉ̀ vyi a Nyìngòŋ ə ndiʼì li à vəghəŋ, vəghəŋ sə̀ nè fa ambì.

Filìbàyns 4:2

Ma sensə la Euodiyà wenə̀ Syntychè ə ndiʼ a kənyʉ̀ kə mùʼ byìʼàndo ghə̀ŋ dìʼ vəlèmə̀ a byɨmə.

Filìbàyns 4:4

Ghə̀ŋ ə saŋlə̀ a Bobo no mənzhʉ̀ tsèm. Mà gàʼà be kùmtə̀ la ghə̀ŋ ə nsaŋlə̀.

Filìbàyns 4:9

Ghə̀ŋ ə nè ənyʉ̀ vyi a ghə̀ŋ ziʼì fà mò, vyi a ghə̀ŋ shi fà mò, vi a ghə̀ŋ zhʉ ando mà gàʼà bènə̀ vi a ghə̀ŋ yenə ando mà nè. Sətsen ghə̀ŋ ə nè alə Nyìngòŋ a ku mbwaʼmə̀ a ghə̀ŋ mbe ndi və̀ vəwenə.

1 Tèsàlonyà 3:10

Yes ə loynə fa Nyìngòŋ no məzhʉ̀ ə tsèm nə̀ ətyɨm ə yes ə tsèm la ghə̀ nè yo wen yen ghə̀ŋ ə ku kənyʉ̀ ki a ghə̀ŋ ko ə kiʼi a ghə̀ŋ əbyɨmə a Yesò.

1 Tèsàlonyà 4:1

Vəlemə, à le faŋ nyʉ̀ venə ndi mà gàʼ mwetə a ghə̀ŋ. Yes əziʼi li ghə̀ŋ, ghə̀ŋ sə ə kɨ ji yì a ghə̀ŋ diʼ ə nə̀ tsi fa tsu ə nè Nyìngòŋ ə saŋlə, a diʼ nyʉ̀ mu ghə̀ŋ sə nè. Yes ə sensə ghə̀ŋ luwen no nànto, a kədyòʼ Bobo Yesò la ghə̀ŋ be nè chò no fa li.

1 Tèsàlonyà 4:18

Ghə̀ŋ shə̀ʼtə̀ nyʉ̀ na venə a yès ə nyoʼo lə ə nè la tətyɨm tə vəlemə vəŋə ə saŋlə.

1 Tèsàlonyà 5:13

Ghə̀ŋ kòŋ vəwenə be gumlə vəwenə no akayn byìʼì nyʉ̀ ə tsèm vi a vəwenə nè a ghə̀ŋ. Ghə̀ŋ ə nyʉ̀ʼmə nə̀ mbwaʼmə to məzhʉ̀ ə tsèm.

1 Tèsàlonyà 5:16

Ghə̀ŋ mwomsə ə nə̀ saŋlə to məzhʉ̀ ə tsèm,

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

2 Tèsàlonyà 2:16

Bobo vəghəŋ Yesò Klistò no fa wen a ngeŋ wenə Tiʼi vəghəŋ ə Nyìngòŋ yi a ghə̀ kòŋ vəghəŋ ə nè li la vəghəŋ ə̀ kiʼ ətyɨm ə zhʉ̀təghə to məzhʉ̀ ə tsèm be kɨ nəmwèʼè la və lu kiʼi əfo vyi a ghə̀ ghʉ̀ byìʼì ətyɨm ə jùŋ ghə̀ ə wen.

2 Tèsàlonyà 3:1

Ə mwetə a vəlemə vyesə, yès ə gàʼa la ghə̀ŋ ə njɨ̀mə̀ a yès ndi yès nè la ntɨm ə jùŋ ə Bobo kwi dyʉ̀ to shì ə tsèm ndi viʼi byɨmə ə nku əkuʼsə a Nyìngòŋ ndə̀ŋndəŋ ando ghə̀ŋ tə byɨmə ə sə ku.

2 Tèsàlonyà 3:16

Ma jɨ̀mə̀ luwen la Nyìngòŋ yi a ghə̀ kù mbwaʼmə nè ghə̀ŋ ə kiʼi mbwaʼmə to məzhʉ̀ ə tsèm, kò à fʉ no tèbe ghò. Bobo faŋ to a ghə̀ŋ vətsèm.

2 Timotì 2:22

Nyɨŋ bwènə̀ fa əbàm ə təmwòmsə̀ yi a tə ku ngəʼ à mbvòʼò wìʼ li ə mwòmsə̀ ə ne nyʉ̀ tɨməvə, ə byɨmə à Klistò ə kòŋ viʼi bè tsi nə̀ mbwaʼmə. Wù ne nyʉ̀ a venə no ə tsèm we viʼi vyi a və jɨ̀mə̀ à Bobo nə̀ tətyɨm tə laynə tə.

Hibùlù 12:14

Ghə̀ŋ mwomsə no nə̀ kədyòʼ kə ə ntsi nə̀ mbwaʼmə to vye viʼi vətsèm be mwomsə no nə̀ kədyòʼ kə ntsi ntsìnə̀ əlaynə a shɨ Nyìngòŋ byìʼì ando wìʼ sətsen ə faŋ ke nlaynə a wen a ntsìnə̀, ko ghə̀ lu ə yen Nyìngòŋ.

Hibùlù 13:20

Ma jɨ̀mə̀ la Nyìngòŋ ghə̀ŋ a ghə̀ kù mbwaʼmə a viʼi, ku no tèbè gho ə jùŋ a ghə̀ŋ ndiʼ ghə̀ŋ kɨ ə nè no tèbe ghò na yi a ghə̀ kəŋ. A diʼi wen a ghə̀ ə̀ nlùsə Bobo vəghəŋ Yesò fa pfʉ, Yesò ghèn diʼ ntsɨŋ byisə ə ghoʼo luwen byìʼì məkàyn mì a mə fàŋ li to ghaynə əmùʼ. Ghə̀ nchiʼ məkàyn na mèyn nə̀ mənlyuŋ mə wen. Ma jɨ̀mə̀ la Nyìngòŋ ə nè kənyʉ̀ ki a kə kwʉ̀ʼ a wen a ghə̀ŋ wèn chò fa a Yesò Klistò. Əkuʼsə ndyʉ̀ a wen to məzhʉ̀ ntsèm. Amèyn.

Jems 1:4

Ghə̀ŋ tuʼmə la əghaʼa tyɨm ghə̀ŋ aghenə shyèʼ əshyèʼ wen ə zaʼa fa kəmwètə̀ ndi ghə̀ŋ ə nlansə̀ diʼ viʼi və juŋəvə a nyʉ̀ tsèm kò a ndiʼ la ghə̀ŋ ə̀ gho kəfo.

1 Bità 3:11

Wìʼ na ghèn ə diʼ ə maʼa ə ntsìnə̀ ə byɨ ə ntsi ntsìnə̀ ə jùŋ. Ghə̀ diʼ ə kəŋ ji ə tsi to nə̀ mbwaʼmə,

1 Bità 3:8

Ə mwètə̀, ghə̀ŋ ə tsèntə kiʼi to əkwoʼtə ə mùʼ, kusə shinsə, kòŋə təwen ə təŋtə to nə̀ vəlemə, tuʼmə be bwaʼmə.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

Kəmwetə 22:21

Bobo Yesò ndiʼi ətɨm ə jùŋə ghə̀ nə̀ wen a viʼi Nyìngòŋ və tsèm. Amèyn.