2 Kolìntyàns 12:7 - The New Testament in the Babanki language

⁷ Nyìngòŋ ə ko tə kòŋ la mà nsaŋlə̀ chòsə̀ kumə nyʉ̀ ə kaynə və vyi a ghə̀ diʼi a mò, və diʼ to kədə̀ŋ. A lə kənyʉ̀ ki a ghə̀ moʼtə əkwaʼa ghə̀ kwen a mo wèn ə sə ku ngəʼ a mò no nànto. Əkwaʼa na yi ə nvi to nə̀ wù ntɨm a Satan tɨmə la ghə̀ vi nku ngəʼ a mò, la kə mà nghaŋsə əwèn.

2 Kolìntyàns 12:7 ပူးပေါင်းရင်းမြစ်များ

Matìyò 26:67

Ando vəwenə ngàʼà a lì, vəwenə mù sə chʉlə̀ mənte à wen a kə̀ʼ be ghòmə̀ wen vətsenvə pfènlə̀ wen,

Matìyò 4:10

Yesò gàʼ à wen la,“Bwènə̀ fa mò a bàm a Satan! Və nyòʼ li a ŋwàʼlə̀ Nyìngòŋ la,‘Wù diʼi ə gumlə tò Bobo Nyìngòŋ wù bè shyèʼ tò a wen.’”

Ŋwàʼlə̀ Luk 13:16

Ghə̀ŋ yen wùwì ghèn a ghə̀ lù fa ngwaʼa ngə̀ŋ Ablaham mu Satan kwìʼli ghaŋtə̀ wen ke zaytə wen a kətsi kəzhʉ̀tə kə a?”

1 Kolìntyàns 4:11

Ə zàʼa fa luwen, jɨŋ nə̀ zàfə ə yès, ətoŋ mu be zɨmtə yès. Yès ə mòʼo to məsòʼsòʼ mə ndisə, və ghòmə yès, yès ə dzɨŋə, ko yes kiʼi kəshi ə tsi.

1 Kolìntyàns 5:5

ghə̀ŋ diʼ ku wìʼ na ghèn a Satan, ghə̀ byɨbsə kətsoʼ kə əwèn ə wen, ndiʼ və lù bwoŋsə kəzhwì kə wen a kətsi yi a Bobo Yesò lu bwenə vì.

2 Kolìntyàns 10:10

Byìʼì viʼi vətsenvə gàʼa la ma zhʉsə nyoʼo ŋwàʼlə̀, gaʼa yì ə sə to kiʼi kədyòʼ ali ma ne sə boŋsə vi a ghə̀ŋ ashɨ ma sə bwaʼsə gaʼa diʼ sə ma ko ki ə gàʼ a ntìntìn ə viʼi.

2 Kolìntyàns 10:5

Yès ə byɨbsə kəngùmə̀ kì a vi kuʼsə wen nè la kə viʼi kɨ Nyìngòŋ. Yès ə tisə təkwòʼtə̀ tə viʼi, ne la vəwenə kwoʼtə nyʉ̀ a ji yi a Yesò ə kəŋ la və nkwoʼtə fa tsu.

2 Kolìntyàns 11:20

Ghə̀ŋ moʼtə li viʼi, və sə lyɨ ghə̀ŋ a əkòs, nyàblə̀ nə̀ ghə̀ŋ. Ghə̀ŋ moʼtə li vəwenə sə lobtə ghə̀ŋ, zəʼtə ghə̀ŋ be telə ghə̀ŋ.

2 Kolìntyàns 12:1

Mà ne nsaŋlə to saŋlə no tèbe ando se ko diʼ ə tsu. Ma shə̀ʼtə̀ nyʉ̀ a ghə̀ŋ luwen a Bobo ə ne, və vi a mò to sə a tsi jòmsə, nə̀ kì kə a ghə̀ diʼi li nlaynsə a mò a mo kwòʼtə.

Gàlesìyà 4:13

Ghə̀ŋ kɨli la ma ə nvi ə shə̀ʼtə̀ ntɨm ə jùŋ a ghə̀ŋ fa ambì zhʉ mu à nè kwaʼa a ma tə kwaʼa.

1 Timotì 3:6

A diʼ ə ndi wìʼ a ghə̀ ko byɨmə to fəkʉ̀ʼ, a bwen a lì ghə̀ ə ghaŋsə əwen, ə Nyìngòŋ ku ngəʼ à wen to ando ghə̀ nku à Deblə̀.