2 Kolìntyàns 12:6 - The New Testament in the Babanki language

⁶ Ma tə saŋlə kumə tèbe wenə ghomə, ko ma lu a saŋlə a nə̀ kəkoyn kə byìʼì ando mà gàʼa to kənyʉ̀ kì a kə diʼi nəmwèʼè. Nò tèbè ali, mà ko saŋlə, ndi kə wìʼ a nkwoʼtə mò a bwen to nyʉ̀ vyi a ma nè nə̀ vyi a ma gàʼà.

2 Kolìntyàns 12:6 ပူးပေါင်းရင်းမြစ်များ

Lumans 9:1

Ma kəŋ ə gàʼ kənyʉ̀ luwen kə diʼ to no nəmwèʼè, fʉ̀ to no fa mo tyɨm, à diʼi Kəzhwì kə Ŋwoʼkə. Ma gàʼa to nəmwèʼè byìʼì ando ma diʼi to kənyʉ̀ kə mùʼ yo Yesò.

1 Kolìntyàns 3:5

Nò tèbe ali, Abolòs diʼ ndò, Bol diʼ ndò? A vəwenə ə diʼ to viʼi ə shyèʼ a Nyìngòŋ ə ku a ghə̀ŋ la vəwenə shə̀ʼtə̀ ntɨm ə jùŋ ghə̀ŋ zhʉ, ə byɨmə. Nò tèbe ndò ə ne to shwèʼ yì a Bobo ku la ghə̀ ə nè.

2 Kolìntyàns 1:18

Nyìngòŋ ə gaʼa to nəmwèʼè. Ma gàʼa to ndə̀ŋndəŋ a ghə̀ŋ la, ma ko tə ngaʼa təchʉ̀ tə bò a ghə̀ŋ.

2 Kolìntyàns 11:16

Mà bo kùmtə̀ to kùmtə̀ la kə ghə̀ŋ a kwoʼtə la ma diʼ kəkoyn, ali ghə̀ŋ ndiʼ ə lyɨ̀ mo a nə̀ kəkoyn kə, ghə̀ŋ moʼtə ma boŋ gàʼ to kəkoyn a fəshinə fə əzhʉ̀ alə ndiʼ nkàyntə̀ mò nsaŋlə̀.

2 Kolìntyàns 11:31

Tìʼ Bobo Yesò, ə Nyìngòŋ yi a və diʼ nkuʼsə wen to məzhʉ̀ ə tsèm ə kɨ la ma ko zhò ndzɨŋ.

2 Kolìntyàns 12:11

Ma yi gàʼa to nə̀ kəkoynkə mu a ndiʼ mu à ten ghə̀ŋ la mà ngàʼà alì. Ma bwomsə li wenə ghomə, mu a yi ndiʼ kəshi ə kəŋkə̀ ghə̀ŋ bwomsə mò, ghə̀ŋ faŋ kò ghə̀ lə bwomsə. Ma ko kwʉ̀ʼ ə tèbe a kənyʉ̀ ali viʼi ntɨm venə a və lyɨ la və kuʼmə no nànto ə ko chò tebè mò no fa mpfen.

2 Kolìntyàns 12:7

Nyìngòŋ ə ko tə kòŋ la mà nsaŋlə̀ chòsə̀ kumə nyʉ̀ ə kaynə və vyi a ghə̀ diʼi a mò, və diʼ to kədə̀ŋ. A lə kənyʉ̀ ki a ghə̀ moʼtə əkwaʼa ghə̀ kwen a mo wèn ə sə ku ngəʼ a mò no nànto. Əkwaʼa na yi ə nvi to nə̀ wù ntɨm a Satan tɨmə la ghə̀ vi nku ngəʼ a mò, la kə mà nghaŋsə əwèn.

2 Kolìntyàns 5:13

Ətof ə yèsə nlè tebe lè to ando viʼi vətsenvə ə gàʼa, ko ghə̀ nti to nkàyn a ndiʼ fambwo yèsə kù li təwen ə tyestə a Nyìngòŋ ə mwetə to mwetə. Alì yès diʼ to no a yès a ətof, yès diʼ alə a ghə̀ŋ a jùŋ.

2 Kolìntyàns 7:14

Ma tə kùm kədyʉ̀ʼ a wen byìʼì ghə̀ŋ ali ghə̀ŋ kò tə diʼsə kətʉ komkə. Yès tə gaʼa to nəmwèʼè a ghə̀ŋ. Nò tèbe ghò yi a yès tə gàʼ a Taytùs kumə ghə̀ŋ, kə tə be fʉ to nəmwèʼè.