2 Kolìntyàns 12:15 - The New Testament in the Babanki language

¹⁵ Ma saŋlə ə byɨbsə no tèbe ghò ə be ə ku wen ghomə ə gyamtə ghə̀ŋ. Byìʼì ghò a ma kòŋ ghə̀ŋ no nànto alə, ghə̀ŋ kòŋ mò to ntèʼ a?

2 Kolìntyàns 12:15 ပူးပေါင်းရင်းမြစ်များ

Lumans 9:3

Ma zizi mà ə kòŋ la Nyìngòŋ ə telə mo, ko mà be ə kiʼi kənyʉ̀ kətsen kə ə ne yo Yesò byìʼì vəlemə vwomə. Ma gaʼa vəlemə vwomə, viʼi lòʼ ə yès. Ma zi mà ə kòŋ ə lè azhʉ̀ a kə zi kə a gyamtə la vəwenə bwòŋ.

2 Kolìntyàns 1:6

Yès sə yenə ngəʼ no zhʉ̀ko, ndi kə gyàmtə̀ wye tyɨmə ghə̀ŋ, ə be ə gyàmtə̀ ghə̀ŋ la ghə̀ŋ bwòŋ. Byìʼì ando sətsen Nyìngòŋ wye tyɨm ə yèsə, yès be a wye ghəŋə. Kə be a ne la ghə̀ŋ to kuʼ ə ghaʼa tyɨm, wensə a ndə̀ŋndəŋ ngəʼ a yès yenə.

2 Kolìntyàns 11:11

Ghə̀ŋ kwòʼtə la ma gàʼa alə̀ byìʼì ando mà ko kòŋ ghə̀ŋ mu? Nyìngòŋ ə kɨ la mà kòŋ ghə̀ŋ.

2 Kolìntyàns 12:14

Ghə̀ŋ kɨ la ma vi ə ghayntə ghə̀ŋ luwen andiʼ aghayn a tàʼ, diʼ vì ko andiʼ la ma bèm kəfo a ghə̀ŋ byìʼì ando ma kəŋ to ghə̀ŋ, a ko diʼ fo vəŋə. No fa mpfen a nə̀ boŋsə tuʼmə nə̀ vətìʼ və vunə nə̀ vəpfi tùʼmə̀ nə̀ vunə, a ko diʼ vunə ə ntùʼmə̀ nə̀ vəwenə.

2 Kolìntyàns 12:9

sensə no zhʉ̀ko, ghə̀ gàʼ to la, “mətuʼmə yi a ma tùʼmə̀ nə̀ wù li kwʉ̀ʼʉ̀, byìʼì ando wìʼ sətsen mbwaʼa, ghə̀ mu yen to ando kədyòʼ ə kòmkə ə shə̀tə̀ shyèʼè a wenə a wèn.” Kə lə diʼi la mà na saŋlə no nànto byìʼì nyʉ̀ vyi a ma bwaʼa tsu ndi kədyòʼ kə ə Yesò nshwèʼè a mò.

2 Kolìntyàns 2:3

A lə kənyʉ̀ ki a mà tə boŋsə nyòʼ ŋwàʼlə̀. Ndi kə ma ne sə vi, ghə̀ŋ a ghə̀ŋ yi ndiʼ boŋsə ne la ma nsaŋlə̀ boŋsə ne ma nkwoʼ mbyi. Ma kɨli nəmwèʼè la saŋlə ghə̀ŋ nè ma saŋlə.

2 Kolìntyàns 4:12

A lə ando yès diʼ no zhʉ̀ko, nyʉ̀ʼ to chʉ̀ əpfʉ̀ ndi ghə̀ŋ nkiʼi ntsìnə̀ Yesò.

2 Kolìntyàns 7:2

Ghə̀ŋ diʼ əkòŋ a yès. Yès ko nè shwe kənyʉ̀ a wìʼ, yès ko nè wìʼ ə le ji, yès ko lobtə wìʼ.

2 Kolìntyàns 7:3

Ma ko gàʼà nyʉ̀ a venə alə ə gàʼ la ghə̀ŋ ne li byɨbsə kənyʉ̀. Mà sə diʼ mù ma gàʼà li la yès ə kòŋ ghə̀ŋ no nànto, diʼ faŋ nkòŋ ghə̀ŋ to kòŋ, kò à vì tèbe əpfʉ̀.

Gàlesìyà 4:10

Ghə̀ŋ ghʉ li la mətsi mə tsèn, nə̀ və sàŋ və tsenəvə, nə̀ ngàm sə tsensə, nə̀ ngʉ̀ʼ sə tsensə sə diʼ boŋ nəkwoŋ.

Filìbàyns 2:17

Mà ne saŋlə̀ be nàynə̀ vəghəŋ a muʼu. Və sətsèn ə̀ zhwì tè mò luwèn mənlyuŋ ə̀ mwomə̀ à dyʉ̀ kwʉ̀ʼsə̀ kəku kì a ghə̀ŋ ə ku à Nyìngòŋ byìʼì əbyɨmə ghəŋə.

Kòlòsyàns 1:24

Ma saŋlə luwen ando ma yenə ngəʼ byìʼì ghə̀ŋ. Ngəʼ na ghèn diʼ a mò wen alə byìʼì ando ma kəŋ ə myetə kənyʉ̀ ki a Klistò ə ndzɨŋ əyen a wenə wen a diʼi viʼi və byɨməvə.

1 Tèsàlonyà 2:8

Yes ə shə̀ʼtə̀ ntɨm ə jùŋ a ghə̀ŋ mu à ku Nyìngòŋ, be ku təwen ə tyetə a ghə̀ŋ, byìʼì ando yes ə kòŋ ghə̀ŋ no nànto.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

Hibùlù 13:17

Ghə̀ŋ nzhʉ to fa viʼi vyi a və tisə ghə̀ŋ, kə ghə̀ŋ nə̀ to kətʉ a vəwenə. Vəwenə tuʼmə nə̀ ghə̀ŋ, diʼ lù taŋ əchʉ̀ vəwenə a Nyìngòŋ kumə shwèʼè a ghenə. Ghə̀ŋ sətsen ə̀ nzhʉ to fa vəwenə, kə a gyàmtə̀ vəwenə nè shwèʼè nə̀ saŋlə, kə be a boŋ ə gyàmtə̀ ghə̀ŋ.