2 Kolìntyàns 12:14 - The New Testament in the Babanki language

¹⁴ Ghə̀ŋ kɨ la ma vi ə ghayntə ghə̀ŋ luwen andiʼ aghayn a tàʼ, diʼ vì ko andiʼ la ma bèm kəfo a ghə̀ŋ byìʼì ando ma kəŋ to ghə̀ŋ, a ko diʼ fo vəŋə. No fa mpfen a nə̀ boŋsə tuʼmə nə̀ vətìʼ və vunə nə̀ vəpfi tùʼmə̀ nə̀ vunə, a ko diʼ vunə ə ntùʼmə̀ nə̀ vəwenə.

2 Kolìntyàns 12:14 ပူးပေါင်းရင်းမြစ်များ

Shwèʼ 20:33

Mà nko tɨmə̀ shɨ̀m ko wìʼ kò ndisə wen.

1 Kolìntyàns 10:24

Kə wìʼ fa ghə̀ŋ a nshwèʼè ə gyàmtə̀ to wenə wen, ghə̀ŋ nshwèʼè ə gyàmtə̀ viʼi vətsenvə.

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

1 Kolìntyàns 11:34

Wìʼ sətsen ə ndiʼ, jɨŋ ə zafə wen, ghə̀ zhɨ̀ mibu vì, bwen alì və vi tsentə̀, ghə̀ a ne Nyìngòŋ soʼ byɨbsə wen. Ma lu tisə nyʉ̀ ə tsenəvə vyi a ghə̀ŋ tə nyòʼ li azhʉ̀ a mà vi ə yen ghə̀ŋ.

1 Kolìntyàns 16:5

Mà lu chò ji fa Màsìdonìyà mibu vi ə ghàyntə ghə̀ŋ.

1 Kolìntyàns 4:19

Alì mu Bobo sətsen ə tomsə kəvu, ma laʼtə to alə ə vì yèn ghə̀ŋ. Ma ko vi zhʉ to kənyʉ̀ kì a vəwenə ghaŋsə əwen gàʼà, ali be yen to no kədyòʼ kì a vəwenə ə gàʼa la vəwenə kiʼ.

1 Kolìntyàns 9:12

Viʼi vətsenvə sətsen ə̀ kiʼ kədyòʼ ə nkiʼi əfo ə zhɨvə fa ghə̀ŋ, a ko yès andiʼ nkiʼ chò tèbè fa lì. Alì yès sə diʼ ko andiʼ la yès ne kənyʉ̀ byìʼì kədyòʼ a kènkə a yès kiʼi ndiʼ nshi fo fa ghə̀ŋ. Yès ə boŋsə wensə to wensə byìʼì ando yès ə ko kòŋ ə ne kənyʉ̀ kə taʼsə ntɨm ə jùŋ ə Yesò la kə ghə̀ kwi.

1 Kolìntyàns 9:18

Əmoʼtə ə ghomə lə diʼ no ghò? Əmoʼtə ə ghomə diʼ to la mà nshə̀ʼtə̀ ntɨm ə jùŋ, ko ma bèmə tebè kəfo, ko ma tuʼu ne tebè nə̀ adyòʼ yi a ma kiʼi to nə̀ wìʼ a ghə̀ shə̀ʼtə̀ ntɨm ə jùŋ.

1 Kolìntyàns 9:19

Ma diʼ alə̀ ko ma lu ndiʼ kəkòs a wìʼ, alì ma ghʉ wenə ghomə a nə̀ kə kəkos kə a viʼi və tsèm ndiʼ mà nè, la viʼi və ghoʼo və be byɨmə.

2 Kolìntyàns 1:15

To ando mà tə nkɨ la ghə̀ŋ kɨli mò a ji na ghèn. A le kənyʉ̀ ki a mà tə ghʉ̀ la ma ghayntə ghə̀ŋ a ambì mibu dyʉ̀ a Màsìdonìyà ndi mà lù sə bwensə sə nvì ə be yèn ghə̀ŋ, ghə̀ŋ tuʼtə sàŋlə. Mà tə ghʉ̀ alə̀ ndi mà lù sə bwenə vì vəghəŋ be yemə, ghə̀ŋ gyamtə mò, mà dyʉ̀ a Jùdiyà.

2 Kolìntyàns 11:9

Ma ndiʼ vəghəŋ, əzhʉ̀ ə tseghə vi kwʉ̀ʼʉ̀, ko ma lù ki kəfo fa ghə̀ŋ no fa mphen ali ko ma ku ngəʼ a wìʼ. A boŋsə tɨmə to vəlemə və vəghəŋ fa Màsìdonìyà tɨmə əfo a mò. Ma ko mbèmə kəfo a ghə̀ŋ no kətsi kətsenkə, ko andiʼ la ma lu bèm.

2 Kolìntyàns 12:13

A diʼ gho ə jùŋ a mà tə ne a ənòyn ə viʼi və byɨməvə vətsenvə ə fàŋ ke nè a ghə̀ŋ a? Kənyʉ̀ kì a mà tə faŋ ke nè a ghə̀ŋ tə ndiʼ to la ma ko tə ku ngəʼ a ghə̀ŋ. A sə diʼ kənyʉ̀ kə kəbyɨkə a mà tə ne, ghə̀ŋ lyèsə li ku a mò!

Gàlesìyà 4:19

Vunə vwomə və juŋəvə, ma zhʉ̀ lɨ̀m kumə ghə̀ŋ to no ando luwàyn nə̀ azhʉ̀ lɨm ə wàyn. Ma ne nzhʉ lɨ̀m to alə ə zaʼa ando ghə̀ŋ ne ntsi ntsìnə̀ to nə̀ Klistò.

Filìbàyns 4:1

Vəlèmə vwomə mà gàʼà à ghə̀ŋ a la, mà kòŋə̀ ghə̀ŋ no nkàyn be kòŋə̀ əyen ghə̀ŋ. Ghə̀ŋ ə nè mà saŋlə̀ no nkàyn. Ghə̀ŋ dìʼ əmoʼtə shyèʼ ə̀ mò. Mà kuʼsə̀ əwen ə ghomə byìʼì ghə̀ŋ. Vəlèmə vwomə ma kòŋ Luwen ghə̀ŋ diʼi tɨmə tò a ghə̀ŋ əbyɨmə a Bobo.

Filìbàyns 4:17

Mà ko gàʼà a lə̀ la mà be kəŋə la ghə̀ŋ ku kəfo à mò, mà bòŋsə̀ kəŋə la Nyìngòŋ kwʉʼsə̀ mòʼtə̀ ə ghəŋə.

1 Tèsàlonyà 2:11

Yes tə ə ghaʼa ghə̀ŋ to ando tiʼi wàyn nə̀ gaʼa a vunə wen,

1 Tèsàlonyà 2:8

Yes ə shə̀ʼtə̀ ntɨm ə jùŋ a ghə̀ŋ mu à ku Nyìngòŋ, be ku təwen ə tyetə a ghə̀ŋ, byìʼì ando yes ə kòŋ ghə̀ŋ no nànto.