2 Kolìntyàns 11:7 - The New Testament in the Babanki language

⁷ Kə le diʼ la mà tə shiʼsə wen ghomə ne ghə̀ŋ, ghə̀ŋ sə kuʼmə ə nshə̀ʼtə̀ ntɨm ə jùŋ ə Nyìngòŋ a ghə̀ŋ, ko ma bèmə̀ tebè kəfo, a diʼ mbyɨ mu?

2 Kolìntyàns 11:7 ပူးပေါင်းရင်းမြစ်များ

Shwèʼ 20:33

Mà nko tɨmə̀ shɨ̀m ko wìʼ kò ndisə wen.

Shwèʼ 20:34

Nkàntə̀ ghə̀ŋ ə kɨ la no ghò yì a yo viʼi vwomə tə nkiʼ dìʼ mu à tə shwèʼ tò mò nə̀ avu à ghomə.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

1 Kolìntyàns 9:12

Viʼi vətsenvə sətsen ə̀ kiʼ kədyòʼ ə nkiʼi əfo ə zhɨvə fa ghə̀ŋ, a ko yès andiʼ nkiʼ chò tèbè fa lì. Alì yès sə diʼ ko andiʼ la yès ne kənyʉ̀ byìʼì kədyòʼ a kènkə a yès kiʼi ndiʼ nshi fo fa ghə̀ŋ. Yès ə boŋsə wensə to wensə byìʼì ando yès ə ko kòŋ ə ne kənyʉ̀ kə taʼsə ntɨm ə jùŋ ə Yesò la kə ghə̀ kwi.

1 Kolìntyàns 9:6

Mu à diʼ to yo Bànabàs a yes diʼ ə nshyèʼ to shyèʼ mibu ə nzhɨ̀ lo?

2 Kolìntyàns 10:1

A sensə to no mò Bol sensə ghə̀ŋ luwen a zhiʼ Yesò Klistò a ghə̀ tuʼmə be bwaʼmə. Ma kɨli la viʼi vətsenvə nə̀ gàʼa la ma zhʉ sə ə nyòʼ kənyʉ̀ nyoʼo, a ghə̀ŋ ma sə gaʼa to no nə̀ ətyɨm ə to ghə̀, ali na vì zaʼa a ghə̀ŋ ntìntìn, ma sə gaʼa to kəbwaʼ kəbwaʼ.

2 Kolìntyàns 10:16

Ghə̀ŋ sətsen ə ne alə̀, yès be shə̀ʼtə̀ dyʉ̀ nə̀ ntɨm ə jùŋ a təloʼ tə tsentə, a wìʼ ko tɨmə shə̀ʼtə̀ tsu ndiʼ kə yes lu kùm kədyʉ̀ʼ a kəshi viʼi kədyàŋ.

2 Kolìntyàns 12:13

A diʼ gho ə jùŋ a mà tə ne a ənòyn ə viʼi və byɨməvə vətsenvə ə fàŋ ke nè a ghə̀ŋ a? Kənyʉ̀ kì a mà tə faŋ ke nè a ghə̀ŋ tə ndiʼ to la ma ko tə ku ngəʼ a ghə̀ŋ. A sə diʼ kənyʉ̀ kə kəbyɨkə a mà tə ne, ghə̀ŋ lyèsə li ku a mò!

2 Kolìntyàns 2:12

Andiʼ ando mà nvi zaʼa a Tɨ̀luwàs sə shə̀ʼtə̀ ntɨm ə jùŋ byìʼì Yesò, ma yen la Nyìngòŋ ə sə diʼ mù ghə̀ boʼtə li ji la mà shə̀ʼtə̀,

1 Tèsàlonyà 2:9

Vəlemə, ghə̀ŋ kɨli ando yes ə nshyèʼ no nə̀ kədyoʼkə. Yes ə nshyèʼ nə̀nchwì shyèʼ nətʉʼ ndi kə ghə̀ŋ faŋ nlè kəfo a yes a kətʉ ando yes ə shə̀ʼtə̀ ntɨm ə jùŋ na ghèn a ghə̀ŋ a Nyìngòŋ ə ku la yes ə shə̀ʼtə̀.

2 Tèsàlonyà 3:8

Yès ə ko ə zhɨ̀ kəfo kə wìʼ faŋ kye lòʼ. Yès ə shyèʼè no nə̀ kədyoʼkə. Yès ə nshyèʼè nə̀nchwì shyèʼè nətʉʼ byìʼì ando yès ə ko ə kòŋ ə ku ngəʼ a ghə̀ŋ.