2 Kolìntyàns 11:28 - The New Testament in the Babanki language

²⁸ Jisə diʼ to kədə̀ŋ a mà yenə ngəʼ fa tsù ali diʼ tò kənyʉ̀ kə mùʼ a ma kwoʼ to məzhʉ̀ ə tsèm, a diʼ ji a viʼi vəbyɨməvə diʼ fa tsu to vətsèm.

2 Kolìntyàns 11:28 ပူးပေါင်းရင်းမြစ်များ

Shwèʼ 15:36

Mətsi mə tsènə̀ chò, Bol gàʼ à Balnabas la, “Yowù bwènsə̀ jèʼ ə̀ ghayntə vəlèmə̀ və yowù a ntə̀ʼsə shì a yowù dìʼ mu yowù shə̀ʼtə̀ li ntɨm jùŋ tsu byìʼì Bobo ə yen la byɨmə vəwenə bo to dyʉ̀ tò nə̀ mbì lo.”

Shwèʼ 18:23

ə̀ tsìtə tsu no alə̀. Ghə̀ nè lù fa tsu ə̀ jèʼè chò fa shì tsèm a Galesìyà bènə̀ Fligiya, gyàmtə̀ dyʉ̀ nə̀ ndzɨ̀mtə̀sə bàm Yesò ndi vəwenə nkiʼ tyɨmə toghə a shi aghèn.

Shwèʼ 20:2

Ghə̀ jèʼ chò fa shyə ayì ziʼì dyʉ̀ nə̀ viʼi no vəghoʼo nè la byɨmə vəwenə nto mù chò dyʉ̀ zaʼa a Glis,

Shwèʼ 9:31

No viʼi vəbyɨməvə vətsèm a Judiyà nə̀ Galìlì bènə̀ a Samalìyà nko be fàynə. Nòyn viʼi vəbyɨməvə mù sə ghoʼo vì tò vì, byɨmə vəwenə be to kuʼu tò kuʼu, Kəzhwì kə ŋwòʼəkə gyàmtə̀ vəwenə, vəwenə ntsi ando Bobo nkəŋə.

Lumans 1:14

Ma diʼ wù ə shwèʼè Nyìngòŋ, ko andiʼ la ma kiʼ kənyʉ̀ kə ngeŋ ə mò. Ma diʼ ə nshə̀ʼtə̀ ntɨm ə jùŋ a viʼi vyi a və tsì a kayn nə̀ viʼi a və kumə tsi to tsi. Ma shyèʼ a viʼi vyi a və nyenə la à diʼ viʼi və tofəvə, shyèʼ a viʼi a və yenə la adiʼ nkoyn.

Lumans 11:13

Mà sə gaʼa a ghə̀ŋ viʼi ətɨm luwen. Ghə̀ŋ kɨli la ma diʼ wù ə ntɨm a Nyìngòŋ ə tsuʼ la mà ə̀ shə̀ʼtə̀ kənyʉ̀ kə wen a ghə̀ŋ, ma diʼ nə̀ saŋlə kumə ə shwèʼè na ghenə.

Lumans 15:16

Ghə̀ nè la mà ə̀ diʼ wù ə shwèʼè ə Yesò Klistò, shyèʼ a viʼi ətɨm. Ma shyèʼ to nə̀ pfem ə ngə̀ŋ Nyìngòŋ, shə̀ʼtə̀ ntɨm ə jùŋ Nyìngòŋ a viʼi ətɨm kə diʼ alə̀ to nə̀ kəku a Nyìngòŋ, kəzhwì kə Ŋwoʼkə shʉ̀ laynsə vəwenə, nè la Nyìngòŋ be shi kəku a kì nə̀ saŋlə ghə̀.

Lumans 16:4

Vəwenə shisə li mò fa chʉ̀ ə pfʉ̀ ə sə boʼsə ə pfʉkə no fa vəwenə ngeŋsə. A ko ku to mo ku kəzòŋ a vəwenə, ntsèntə̀sə viʼi ətɨm viʼi və byɨməvə be ku.

1 Kolìntyàns 7:17

Kə lə diʼ la no ndò ə̀ diʼ ə ə̀ tsi to a ji yi a Bobo ghʉ̀ la ghə̀ ə ntsi, be tsi to ando ghə̀ ntsì a tʉʼ a Nyìngòŋ ə dzàŋ wen. A lə kənyʉ̀ ki a ma ziʼi a loʼ Nyìngòŋ no a tsèm.

Kòlòsyàns 2:1

Ma kəŋ la ghə̀ŋ kɨ ando ma ntaŋkə li ne shwèʼè no nə̀ kədyoʼkə a ghə̀ŋ viʼi və byɨməvə və, ə be ə shwèʼè a viʼi vyi a və tsi a loʼ Làdisìyà no vətsèm nə̀ vi a nkàyntə̀ vəwenə ko tɨmə yen mò.