2 Kolìntyàns 11:26 - The New Testament in the Babanki language

²⁶ Mənkuŋ mə nghoʼkəmə shwe li ə lyɨ̀ mo no aghayn a ghoʼo ando ma dyʉ̀ ajèʼ, ma be shwetə əpfʉ avù və tsoŋə. Ma shwetə li əpfʉ avù ə viʼi ə lòʼ yès, nə̀ a avu ə tɨmə. Ma shwetə li əpfʉ a ntə̀ʼ sə ghoʼsə, ə shwetə ashə ə viʼi ko diʼ tsu. Ma shwetə li əpfʉ̀ a mù mə ghoʼkə mə, shwetə əpfʉ avù ə̀ viʼi a və lobtə diʼi la və byɨmə li.

2 Kolìntyàns 11:26 ပူးပေါင်းရင်းမြစ်များ

Shwèʼ 13:45

Viʼi Jus vətsevə nè yèn ando nòyn viʼi nghoʼo, sə kiʼ kənghə̀ʼ mù zìtə̀ sə gàʼà nyʉ̀ byɨvə byìʼì nyʉ̀ a Bol ngàʼà, be telə wen.

Shwèʼ 13:50

Viʼi Jus venə sə bosə nghoʼo viʼi a ntə̀ʼ ayì nə̀ kì və ghoʼkəvə a və ngumlə̀ Nyìngòŋ la vəwenə nku ngəʼ à Bol wenə̀ Balnabas. Viʼi avenə mù dzɨ̀m ə̀ shìsə̀ vəwenə fà ntə̀ʼ ayì.

Shwèʼ 14:19

Vəjew vətsenvə lù vì fa ntə̀ʼ Antìyòk a Bisidiyà nə̀ fa Ikonùm ə bòsə nòyn yi ghə̀ zhʉ tò kənyʉ̀ a vəwenə ngàʼà, mù tèmlə Bol ə̀ gùf fʉ̀ nə̀ wen fà ntə̀ʼ ayì, kwòʼtə̀ la ghə̀ pfʉ li.

Shwèʼ 14:5

Viʼi tɨm bènə̀ viʼi Islel vətsenvə, boʼsə nə̀ tʉtʉ vəwenə ghʉ la vəwenə a nyàblə̀ nə̀ viʼi ntɨm vi be temlə vəwenə nə̀ ngùʼsə ə zhwilə.

Shwèʼ 15:40

Bol mù tsuʼ Silàs, viʼi vəbyɨməvə jɨ̀m la Nyìngòŋ ntùʼmə̀ à vəwenə, vəwenə mù lù.

Shwèʼ 17:13

Andìʼ ando Vəjew a və ndìʼ a Tèsàlonikà nzhʉ la Bol be shə̀ʼtə̀ ntɨm jùŋ à viʼi Belì, vəwenə vì tsu sə bosə̀ la vəwenə zìtə̀ soyn.

Shwèʼ 17:5

Vəjew vətsenvə sə kiʼ kənghə̀ʼ byìʼàndo viʼi ntsèntə̀ nòyn Bol wenə̀ Silàs ə̀ mù sə jèʼè pfʉtə voyndyə vəbyɨvə, və sə jèʼè zhòfə̀ chò fa ntə̀ʼ ə̀ dyʉ̀ kwàʼtə̀ təchʉ̀ tə ngə̀ŋ Jasòn, kəŋə Bol wenə̀ Silàs əghaʼ ə vì nə̀ vəwenə a shɨ viʼi.

Shwèʼ 18:12

Andìʼ ando və ghʉ̀ Galiyò la ghə̀ nsoʼo shə loʼ ayi a və ndzàŋə̀ nə̀ Akayà, Vəjew vətsenvə tsèntə̀ ghàʼ Bol ə̀ dyʉ̀ nə̀ wen a kəshi kə nsoʼ

Shwèʼ 19:1

Andìʼ ando Abolòs ndìʼ a ntə̀ʼ Kolìn a shyə Akayà, Bol chò fa tì loʼ ayì ə̀ dyʉ̀ zaʼa a Efesùs ə̀ yèn viʼi vəbyɨməvə vətsenvə tsu,

Shwèʼ 19:23

Ngəʼ ghoʼo tsen zìtə̀ a Efesùs a mətsi ayì byìʼì Jì yì a Bobo nkəŋə la viʼi ntsi fa tsu.

Shwèʼ 20:19

No tè ando Vəjew vətsenvə mbaʼtə̀ nyʉ̀ byɨvə byìʼì mò, be ku ngəʼ à mò nè la mà ndì. Mà tə nè shwèʼ ə ghomə to nə̀ wù shwèʼ Bobo be gumlə̀ viʼi tò məzhʉ̀ ntsèm.

Shwèʼ 20:3

ə tsi tsu vəsàŋ vətaʼ. A sə ndiʼ ando ghə̀ mbaʼtə̀ ədyʉ̀ a Sylia, ghə̀ zhʉ la Vəjew mbaʼtə əzhwi wen, ghə̀ mù ghʉ̀ la ghə̀ a bwènə̀ dyʉ̀ chò ji fa Macedonia.

Shwèʼ 23:10

Kətʉ kə vəsugyèʼ kə ghoʼo kə kì yen la ntaŋ sə to dyʉ̀ tò nə̀ mbì ghə̀ sə̀ fànə̀ la viʼi a vyi a sàtə Bol tò a kiʼ a kiʼ, ghə̀ gàʼ à vəsugyèʼ vəwen la və shiʼi ə̀ dyʉ̀ lyɨ̀ Bol fʉ̀ nə̀ wen fa tì nòyn ayì ə̀ kwèn nə̀ wen a tì kəbə̀ŋ kə vəsugyèʼ.

Shwèʼ 25:3

la ghə̀ ne və lyɨ Bol ə̀ vì nə̀ wen a Jelusalèm, gàʼà a lì byìʼàndo vəwenə mbaʼtə li əzhwi wen a ji.

Shwèʼ 27:42

Vəsugyèʼ vi yen a lì mù sə̀ baʼtə̀ əzhwilə viʼi mfɨŋ vi no vətsèm ndi la kə vəwenə à sàm ə̀ fʉ̀ nyɨŋkə,

Lumans 15:19

Ghə̀ nè li, ma sə nè nyʉ̀ ə kaynəvə to a tənkì a tənkì cho fa kədyòʼ kə kəzhwì kə Ŋwoʼkə. Ma shə̀ʼtə̀ li ntɨm ə jùŋ kumə Yesò to shì ə tsèm, ə zìtə̀ fa Jelusalèm ə dyʉ̀ ə zàʼa a Ililikùm.

Lumans 8:35

A zizi a ghəsə no ghò ə gə̀sə̀ vəghəŋ fa kòŋ ə Yesò a? A zizi a gə̀sə̀ ngəʼsə a ghə̀ byɨfə mu, nyʉ̀ ando və to mu, kəghʉ̀ kə vəghəŋ a və tsuʼ mu, jɨŋ a ghə̀ ku vəghəŋ mu, kəfem mu, pfʉ a ghə̀ shwetə vəghəŋ mu, no əpfʉ̀ yì a ghə̀ diʼ lù vi a vəghəŋ mu?

1 Kolìntyàns 15:30

Kə sətsen ndiʼ la və ko lu lusə viʼi fa pfʉ nəmwèʼè, a ne no ghò la yès ku təwen ə tyestə to mənzhʉ̀ ntsèm ko yès ə be fwaynə pfʉ a?

1 Kolìntyàns 15:32

Əse ghomə le ndiʼ no ghò? Ando mà tə nsoynə yo və viʼi a Efesùs a və ndiʼi to nə̀ nyamsə ətòʼ, azhʉ̀ a ghə̀ŋ sətsen nghʉ no nəmwèʼè la viʼi ko lu lù fa pfʉ a? Kə sətsen ə ndiʼ alə, a kə a ndiʼi la viʼi vətsevə ngàʼa to no nəmwèʼè la, “vəghəŋ nzhɨ̀ to zhɨ̀ be nyʉ byìʼì ando à lu ndiʼ a boʼòngə̀ŋ ə vəghəŋ phɨkə ə lè.”

2 Kolìntyàns 11:32

A ndiʼ to ando ma ndiʼ a ntə̀ʼ Dàmasɨkùs, wìʼ yi a fòyn Aletàs ə ghʉ la ghə̀ nsoʼo ntə̀ʼ a yì ə gàʼ viʼi tɨmə kaʼ shì ə sə bvʉ̀ mò ə ghaʼ,

Gàlesìyà 2:4

Kənyʉ̀ a kèn la və shətə ndyə̀ Taytùs ə fʉ mu à lùsə viʼi və byɨməvə kənlobtə vətsenvə tsu, a və vi nyoʼtə kwen a yès a ntìntìn ə sə mwòmsə ə yen la yes ə tsi ntsìnə̀ yi a yes ə tsi fa yes a ngəŋsə yo və Yesò Klistò a kənyʉ̀ kəmùʼ ale lo. Vəwenə ə kəŋ to ji ə bwensə nè yès ndiʼ əkòs a əsoʼ ə viʼi Jus.