2 Kolìntyàns 11:12 - The New Testament in the Babanki language

¹² Mà faŋ ə nè tò kənyʉ̀ ki a ma nè, ndiʼi chiʼtə əchʉ ə viʼi vyi a və gàʼa la vəwenə diʼ viʼi ntɨm ə Yesò li, kə vəwenə nkumə kədyʉ̀ʼ gàʼà la yo vəwenə shyèʼ to ji mùʼ.

2 Kolìntyàns 11:12 ပူးပေါင်းရင်းမြစ်များ

Matìyò 26:16

Judàs mù zìtə̀ tò a zhʉ ayì sə kəŋə jisə əbaʼlə Yesò.

1 Kolìntyàns 5:6

Əghaŋsə əwen ghə̀ŋ ə ko bòŋ. A ghə̀ŋ kɨli la fɨ̀shɨ̀ŋfə ə nə̀ tyɨftə tèbè a le, fə nè kəbayn kə məka kə kuʼ.

1 Kolìntyàns 9:12

Viʼi vətsenvə sətsen ə̀ kiʼ kədyòʼ ə nkiʼi əfo ə zhɨvə fa ghə̀ŋ, a ko yès andiʼ nkiʼ chò tèbè fa lì. Alì yès sə diʼ ko andiʼ la yès ne kənyʉ̀ byìʼì kədyòʼ a kènkə a yès kiʼi ndiʼ nshi fo fa ghə̀ŋ. Yès ə boŋsə wensə to wensə byìʼì ando yès ə ko kòŋ ə ne kənyʉ̀ kə taʼsə ntɨm ə jùŋ ə Yesò la kə ghə̀ kwi.

2 Kolìntyàns 1:17

Kə lə diʼ la mà tə sə ghʉ la ma vì ghàyntə ghə̀ŋ, ko ma kwoʼtə li mu? A lə diʼ la ma baʼtə̀ nyʉ̀ to nə̀ viʼi mbyi mu? A Vəwenə ə byɨmə kənyʉ̀, və sə zhʉtə vəwenə be tensə.

2 Kolìntyàns 10:17

Və nyòʼò li a Ŋwàʼlə̀ Nyìngòŋ la, “no ndò a ghə̀ kə nkumə kədyʉ̀ʼ, ghə̀ nkumə byìʼì to kənyʉ̀ kì a Bobo ne li.”

2 Kolìntyàns 11:18

Ando nghoʼo viʼi ghaŋsə wen byìʼì fo mbyi, nkàyntə̀ mò ə be a nghaŋsə wen.

2 Kolìntyàns 11:9

Ma ndiʼ vəghəŋ, əzhʉ̀ ə tseghə vi kwʉ̀ʼʉ̀, ko ma lù ki kəfo fa ghə̀ŋ no fa mphen ali ko ma ku ngəʼ a wìʼ. A boŋsə tɨmə to vəlemə və vəghəŋ fa Màsìdonìyà tɨmə əfo a mò. Ma ko mbèmə kəfo a ghə̀ŋ no kətsi kətsenkə, ko andiʼ la ma lu bèm.

2 Kolìntyàns 5:12

Kə ghə̀ŋ a nkwoʼtə la yès be kəŋ ə diʼi a mfi la yès ə kwʉ̀ʼʉ̀ li ə ndiʼ viʼi ntɨm. Yès ə kòŋ la ghə̀ŋ nkɨ kənyʉ̀ ki a ghə̀ŋ diʼi ə nsaŋlə̀ kumə yès byìʼì kəwenkə ndiʼ ghə̀ŋ kɨ ji ə bwensə viʼi vyi a və kumə kədyʉ̀ʼ to byìʼì ji yì a və yenə wìʼ fa tsù, ko və kɨ ətyɨm ə wen.

Gàlesìyà 1:7

Ma ko gàʼà tebè la ntɨm ə jùŋə tsen be diʼ. Ma gàʼà la viʼi vətsenvə sə boŋsə sàsə̀ ətof ə ghəŋə, mwomsə ə nkwitə ntɨm ə jùŋ byìʼì ə Yesò.

1 Timotì 5:14

Mà lə kəŋ la ki mphʉ vi a və ko dwìn bwènsə̀ lam ə mbwi vunə tùʼmə̀ nə̀ ngwaʼ ngə̀ŋ vəwenə ndi kə viʼi kəbàyn vəghəŋ a kiʼi jì ə ngàʼà ənyʉ̀ ə byɨvə byìʼì vəghəŋ.