2 Kolìntyàns 11:11 - The New Testament in the Babanki language

¹¹ Ghə̀ŋ kwòʼtə la ma gàʼa alə̀ byìʼì ando mà ko kòŋ ghə̀ŋ mu? Nyìngòŋ ə kɨ la mà kòŋ ghə̀ŋ.

2 Kolìntyàns 11:11 ပူးပေါင်းရင်းမြစ်များ

Joyn 21:17

Yesò ə be toŋtə wen, à aghayn a tàʼ, ə gàʼ la, “Saymun, Wàyn Joyn, wù kòŋ mò?” Kənyʉ̀ a kì kə sə ku ngəʼ a Bità ando Yesò be kùmtə bèm li, à sə diʼ aghayn a tàʼ la, “Wù kòŋ mò?” Ghə̀ mu gàʼ a Yesò la, “Wù kɨli no tèbe ghò a Bobo. Wù kɨli la ma kòŋ wù.” Yesò ə gàʼ a wen la, “Wù a zhisə byisə vənjɨ̀ shomsə.

Shwèʼ 15:8

Nyìngòŋ a ghə̀ kɨ nyʉ̀ tsèm a və diʼì a tyɨm ə̀ no ndò diʼì li a ndayn la viʼi tɨm zì və byɨmə a Bobo a ji la, ghə̀ ne li Kəzhwì kə ŋwòʼəkə mvi à vəwenə ndə̀ŋndəŋ ando kə mvi à vəghəŋ.

Lumans 1:9

Ma jɨ̀mə̀ a ghə̀ŋ to məzhʉ̀ ə ntsèm. Nyìngòŋ ghèn a ma shyèʼ a wen nə̀ ətyɨm ə ghomə no tsèm, shə̀ʼtə̀ ntɨm ə jùŋ kumə Wàyn, ghə kɨ kənyʉ̀ kenkə a ma gàʼ lə̀.

2 Kolìntyàns 11:10

Ma saŋlə la ma ko shì tebè kəfo kətsenkə fa ghə̀ŋ, ko kəfo kə zizi kə tàm mò la kə mà be nsaŋlə̀ to alə̀ ashə lòʼ ə Akayà. Yesò kɨ la mà gàʼà to nəmwèʼè,

2 Kolìntyàns 11:31

Tìʼ Bobo Yesò, ə Nyìngòŋ yi a və diʼ nkuʼsə wen to məzhʉ̀ ə tsèm ə kɨ la ma ko zhò ndzɨŋ.

2 Kolìntyàns 12:15

Ma saŋlə ə byɨbsə no tèbe ghò ə be ə ku wen ghomə ə gyamtə ghə̀ŋ. Byìʼì ghò a ma kòŋ ghə̀ŋ no nànto alə, ghə̀ŋ kòŋ mò to ntèʼ a?

2 Kolìntyàns 2:17

Yès ko diʼ to nə̀ nghoʼo wìʼ a və lyɨ kənyʉ̀ kə Nyìngòŋ a fo wòŋ, baʼlə a əko. A tɨm Nyìngòŋ ntɨm yès la yès ə nè shwèʼ a ghenə, Yès sə shə̀ʼtə̀ to no nəmwèʼè a nə̀ viʼi shyèʼ ə Yesò, Nyìngòŋ ə lyè yès.

2 Kolìntyàns 7:3

Ma ko gàʼà nyʉ̀ a venə alə ə gàʼ la ghə̀ŋ ne li byɨbsə kənyʉ̀. Mà sə diʼ mù ma gàʼà li la yès ə kòŋ ghə̀ŋ no nànto, diʼ faŋ nkòŋ ghə̀ŋ to kòŋ, kò à vì tèbe əpfʉ̀.

Hibùlù 4:13

Nò tèbe ghò a Nyìngòŋ ə nshɨtə ə diʼ to a ndayn a wen. Kəfo kə tsenkə ko diʼ a kə ə lyomtə fa wen, vəghəŋ diʼ lù tɨmə a wen ashɨ ə taŋ əchʉ̀ ə vəghəŋ kumə no tèbe ghò a vəghəŋ tə ne.

Kəmwetə 2:23

Mà ne zhwilə viʼi vì a və dzɨ̀mtə̀ ntsìnə̀ wen ə ntsèntə̀sə viʼi və byɨməvə no sətsèm ə kɨ la mà dìʼ wìʼ yì a ghə̀ kɨ təkwòʼtə̀ tə viʼi bènə̀ ənyʉ̀ a vəwenə kòŋə̀ ənè. Mà ne lòʼ no ndò fà ghə̀ŋ ə ntìntìn to a jì a ghə̀ tə nshyèʼè fa tʉ.