2 Kolìntyàns 10:7 - The New Testament in the Babanki language

⁷ Ghə̀ŋ yen ənyʉ̀ to fa ji a və kə fa tsu a ghə̀ŋ ashɨ. Wìʼ ə mu sətsèn ə ngàʼa la ghə̀ diʼ wù ə Yesò, ghə̀ tuʼtə ə kwòʼtə ə kɨ la yès be boŋ diʼ to viʼi Yesò to nə̀ wen.

2 Kolìntyàns 10:7 ပူးပေါင်းရင်းမြစ်များ

Matìyò 23:5

Vəwenə nè no mə ghò tò la və yen vəwenə. Vəwenə nè məmbòtə mə jɨm mə vəwenə a vəwenə kwiʼi à vəwenə à tʉ bènə̀ à vəwenə a kwoŋ nànkwè mə ghoʼkə̀. Vəwenə be nè mbwin vi a vəwenə chətə̀ à vəwenə a təsoŋ tə ndisə və dyə̀fkə̀ no nànto.

Ŋwàʼlə̀ Luk 16:15

Yesò mù gàʼ à vəwenə la, “A diʼ ghə̀ŋ vyi a ghə̀ŋ jèʼè diʼì a viʼi la ghə̀ŋ diʼ viʼi və jùŋ və, ali Nyìngòŋ kɨ tətyɨm təŋtə. No ghò a viʼi kwòʼtə̀ lyɨ̀ la à diʼ no kəfo diʼ tò kəfo kə tsoʼməkə à Nyìngòŋ.

Joyn 7:24

Kə ghə̀ŋ ə̀ nsoʼo viʼi to byìʼì nyʉ̀ vyi a ghə̀ŋ ə ki dyʉ̀ sə li. Ghə̀ŋ ə nsoʼo to no nəmwèʼè.”

1 Kolìntyàns 1:12

Kənyʉ̀ kì a ma gàʼà diʼ la no ndò fa ghə̀ŋ a ntìntìn sə gàʼà to nə̀ nəkwoŋ. Viʼi vətsenvə ə gàʼa la, vəwenə dzɨ̀mtə̀ ziʼi Bol vətsevə gàʼà la, vəwenə dzɨ̀mtə̀ ziʼi Abolòs; vətsevə gàʼà la, vəwenə dzɨ̀mtə̀ ghə̀ Sefàs; vətsevə gàʼà la, vəwenə diʼ a ghə̀ Yesò.

1 Kolìntyàns 14:37

Wìʼ sətsen ə kwoʼtə la ghə̀ diʼ nshə̀ʼtə̀ kò ghə̀ kiʼi Kəzhwì kə Ŋwoʼkə, ghə̀ kɨ la kənyʉ̀ ki a ma gàʼà a ghə̀ŋ diʼ mu à gàʼ Bobo.

1 Kolìntyàns 15:23

Nò ndò lu lù fa pfʉ to a wen azhʉ. Yesò ə ndiʼ mbì ə lù, diʼ lu be vì ə lùsə viʼi vyi à diʼ viʼi wen.

1 Kolìntyàns 3:23

Kə diʼ alə̀ a kiʼi Yesò kiʼ ghə̀ŋ, a kiʼ Nyìngòŋ kiʼ Yesò.

1 Kolìntyàns 9:1

Ma diʼ no wù ə ntɨm, diʼ fa mo a ngəŋ. Kə lə diʼ la ma nkò ə yen Yesò ə Bobo vəghəŋ mu? Ghə̀ŋ bwin kəvu kəshyèʼ mò ashɨ Bobo?

2 Kolìntyàns 10:1

A sensə to no mò Bol sensə ghə̀ŋ luwen a zhiʼ Yesò Klistò a ghə̀ tuʼmə be bwaʼmə. Ma kɨli la viʼi vətsenvə nə̀ gàʼa la ma zhʉ sə ə nyòʼ kənyʉ̀ nyoʼo, a ghə̀ŋ ma sə gaʼa to no nə̀ ətyɨm ə to ghə̀, ali na vì zaʼa a ghə̀ŋ ntìntìn, ma sə gaʼa to kəbwaʼ kəbwaʼ.

2 Kolìntyàns 11:18

Ando nghoʼo viʼi ghaŋsə wen byìʼì fo mbyi, nkàyntə̀ mò ə be a nghaŋsə wen.

2 Kolìntyàns 11:23

Vəwenə ngàʼa la vəwenə diʼ viʼi və shyèʼè ə Yesò. Ma bòŋə shyèʼè a Yesò, chò tèbè vəwenə. Mà sə gàʼà dyʉ̀ to sə ma bomə bomə. Ma shyèʼè li nchò vəwenə. Və shwinə̀ li mò a nfɨŋ to aghayn aghayn chò ando və shwinə̀ vəwenə. Və ghòmə li mò to aghayn a kədə̀ŋ ə be shwe ə zhwi mo to aghayn aghayn.

2 Kolìntyàns 11:4

Ma fwàynə̀ alə̀ byìʼì ando mà yèn li la ndìʼsə̀ sə dzɨŋ sə sə̀ ziʼi ghə̀ŋ nə̀ nyʉ̀ kədyàŋ kumə Yesò ko andiʼ nyʉ̀ a yès tə ziʼi ghə̀ŋ kumə wen tsu, ghə̀ŋ moʼtə to moʼtə. Wìʼ ə vì, a ghə̀ŋ nə̀ kəzhwì kə, a ko diʼ kəzhwì kə Ŋwoʼkə kì a yès nku a ghə̀ŋ, ghə̀ŋ shi to shi, ə mbe byɨmə ntɨm yì to byɨmə a ghə̀ shə̀ʼtə̀, a ko diʼ ntɨm ə jùŋ yì a yès ə nshə̀ʼtə̀ a ghə̀ŋ.

2 Kolìntyàns 12:11

Ma yi gàʼa to nə̀ kəkoynkə mu a ndiʼ mu à ten ghə̀ŋ la mà ngàʼà alì. Ma bwomsə li wenə ghomə, mu a yi ndiʼ kəshi ə kəŋkə̀ ghə̀ŋ bwomsə mò, ghə̀ŋ faŋ kò ghə̀ lə bwomsə. Ma ko kwʉ̀ʼ ə tèbe a kənyʉ̀ ali viʼi ntɨm venə a və lyɨ la və kuʼmə no nànto ə ko chò tebè mò no fa mpfen.

2 Kolìntyàns 13:3

Ma a vì ə diʼ a ghə̀ŋ la ma gàʼà no tèbe la ghò, mu à gàʼ Yesò byìʼì ando à diʼ kənyʉ̀ kì a ghə̀ŋ kəŋ ə zhʉ. Ma diʼ a ghə̀ŋ la Yesò ko bwaʼa, la ghə̀ boŋsə diʼi tò nò kədyòʼ kə wen a ghə̀ŋ a ntìntìn.

2 Kolìntyàns 5:12

Kə ghə̀ŋ a nkwoʼtə la yès be kəŋ ə diʼi a mfi la yès ə kwʉ̀ʼʉ̀ li ə ndiʼ viʼi ntɨm. Yès ə kòŋ la ghə̀ŋ nkɨ kənyʉ̀ ki a ghə̀ŋ diʼi ə nsaŋlə̀ kumə yès byìʼì kəwenkə ndiʼ ghə̀ŋ kɨ ji ə bwensə viʼi vyi a və kumə kədyʉ̀ʼ to byìʼì ji yì a və yenə wìʼ fa tsù, ko və kɨ ətyɨm ə wen.

Gàlesìyà 3:29

Ghə̀ŋ sətsen ndiʼ viʼi Yesò alə̀, a ghə̀ŋ ne diʼ vunə a Ablaham, diʼi la ghə̀ŋ be lu kiʼi əfo vì a Nyìngòŋ ə ghʉ a wen.

1 Joyn 4:6

Vəghəŋ dìʼ viʼi Nyìngòŋ, no ndò a ghə̀ kɨ Nyìngòŋ ə zhʉtə̀ fà vəghəŋ. Wìʼ a ghə̀ ko diʼ wù Nyìngòŋ ə ko zhʉtə̀ fà Nyìngòŋ. A dìʼ a ji a ghèn a və kɨ kəzhwì kə nəmwèʼè nə̀ kì a diʼì kə ndzɨ̀ŋ kə.