2 Kolìntyàns 10:4 - The New Testament in the Babanki language

⁴ Əfo ghòŋ ə yès ko diʼ ə əfo a shɨtə wìʼ nə̀ kəvu kə, à kù Nyìngòŋ a yès la yès ə nsoynə zhɨ kədyòʼ kəbəŋ kəfenəkə tsu.

2 Kolìntyàns 10:4 ပူးပေါင်းရင်းမြစ်များ

Shwèʼ 7:22

Ghə̀ ziʼi Mosìs, ghə̀ sə kiʼ tof viʼi Ijìb no tsèm, Mosìs kwi sə diʼ no wu ghoʼo a nyʉ̀ a ghə̀ ngàʼà be nè.

Lumans 13:12

Ə tʉʼ ə layn li, kəbəŋ kə sə laynə mwetə vì. Vəghəŋ maʼa li nyʉ̀ kəbəŋ kə fenəkə ə boŋsə lyɨ̀ fo ghòŋ vi a və soynə tsu nə̀nchwì.

Lumans 6:13

Kə ghə̀ŋ ne moʼtə kəshi kə wen ə ghə̀ŋ no to kə muʼ la ghə̀ ne mbyɨ. Kə ghə̀ŋ moʼtə kəshi kə wen kətsen ə ndiʼ kəfo kəshyèʼ a nyʉ̀ ə byɨvə. Ghə̀ŋ boŋsə ku mwetə təwen ə tyəŋtə a Nyìngòŋ to nə̀ viʼi vyi a və lùsə li vəwenə fa pfʉ, və sə tsi. Ghə̀ŋ ku mwetə təwen ə təŋtə a Nyìngòŋ ə ndiʼ əfo əshyèʼ ə nyʉ̀ tɨməvə.

1 Kolìntyàns 2:5

Ma gàʼa alə̀ ə nè la kə ghə̀ŋ ne ghʉ byɨmə ghəŋə a ətof ə viʼi, la ghə̀ŋ ghʉ to kədyòʼ Nyìngòŋ.

1 Kolìntyàns 9:7

A diʼ sugyèʼ ə kò a ghə̀ shyèʼ be bwènsə̀ loʼ wen ə wen a? A zizi a nshyèʼ ndò shyèʼ əsɨm, ko diʼ ə lo ashɨ fo vyi a və fʉ̀ fa sɨm na ghèn a? A diʼi ntsɨ̀ŋ nyamsə ə kò a ghə̀ ko kamə ə zhwin ə nyàm ə nyʉ a?

2 Kolìntyàns 10:8

Bobo ku li kədyòʼ a mò a ghə̀ŋ a kətʉ̀, mu mà sətsèn ə nkumə tebe kədyʉ̀ʼ kumə kədyòʼ na kì, ko ma diʼsə kətʉ byìʼì ando ghə̀ ku la mà kwisə ghə̀ŋ a ghə̀ŋ a byɨmə nə̀ kəwenkə, ghə̀ ko ku la ma mbyɨsə ghə̀ŋ byɨsə nə̀ kəwenkə

2 Kolìntyàns 13:10

Ma nyoʼo ŋwàʼlə̀ ghèn la ghə̀ vi a ghə̀ŋ a ambì mibu mà sə vi, ndi mà sə vi mu ghə̀ŋ kwitə li, ko ma be a diʼ kədyòʼ kòmkə a ghə̀ŋ. Ghə̀ŋ kɨli la kədyòʼ kì a Nyìngòŋ ə kù a mò diʼ la mà nkwisə ghə̀ŋ kwisə nə̀ kəwenkə, ghə̀ ko ku la mà byɨbsə ghə̀ŋ byɨbsə nə̀ kəwenkə.

2 Kolìntyàns 3:5

Yès ə ko gàʼà la Yès ə kwʉ̀ʼʉ̀ li fa yès a ngeŋsə. A nè Nyìngòŋ la yès nkwʉ̀ʼ.

2 Kolìntyàns 4:7

Alì yès vyi a və kiʼi əghoʼ kəzhwì a ghənə a yès a təwèn a tə diʼ to nə̀ vəntòyn və kətsoʼ a və zizi və pfʉkə, ə diʼ la kədyòʼ kə ghoʼokə kiʼi Nyìngòŋ, a ko kiʼi yès.

2 Kolìntyàns 6:7

Nyìngòŋ ə ku li kədyòʼ a yès, yès sə shə̀ʼtə̀ to kənyʉ̀ ki a kə diʼi nəmwèʼè a viʼi. Əfo ghòŋ vi a yès ə soynə nə̀ wenəvə be kɨŋtə təwen ə tyestə tsu diʼ ando yès ə tsi a jisə tɨməsə.

1 Tèsàlonyà 5:8

Vəghəŋ ə boŋsə nè nyʉ̀, chwìchwì ə baynə. Kə le diʼi la vəghəŋ diʼ ə nə̀ ghaʼa təwen tə vəghəŋ. Vəghəŋ diʼ ə nə̀ choʼsə Nyìngòŋ, kòŋ Nyìngòŋ be kòŋ viʼi ndiʼ kə ne diʼi la vəghəŋ mòʼo li kòŋ nə̀ byɨmə ghenə to nə̀ kəfòkə ə sə kɨŋtə əwen ə vəghəŋ tsu, la kwoʼtə yì a vəghəŋ kiʼ la Nyìngòŋ ə lu bwòŋsə vəghəŋ diʼ to nə̀ kəfòkə a vəghəŋ chiʼi ə kɨŋtə kətʉ kə vəghəŋ nə̀ kəwenkə.

1 Timotì 1:18

Wàyn ghom Timotì, ma gàʼà à wù la wù diʼ ə kwoʼtə ə nyʉ̀ vyi a nshə̀ʼtə̀sə ghoʼkəsə ə ngàʼ li byìʼì wù. Lyɨ̀ ənyʉ̀ a venə a nə̀ əfo əghòŋ ə̀ wù ə shɨtə soynə nshə̀ʼtə̀sə ndzɨŋsə tsu.

2 Timotì 2:3

Wù diʼ ə yen ngəʼ to nə̀ sugyèʼ ə jùŋ yi a ghə̀ zhʉmə fà Yesò Klistò.

Hibùlù 11:30

A nè əbyɨmə la viʼi Islel jèʼè aghayn sòmbo ə kaʼ ə bùm mbàyn yì a və ə̀ kwiʼ ə bùmə̀ ntə̀ʼ Jèlikò tsu no zhʉ̀ko, mbàyn a yi fəŋ.