2 Kolìntyàns 10:12 - The New Testament in the Babanki language

¹² Yès ə ko ghʉ wenə yèsə ko shəʼmə yo və viʼi vyi a və gàʼ diʼ təwen tə vəwenə. A diʼ a zhʉ a vəwenə shəʼmə be shəmə təwen tə vəwenə, vəwenə ne kənyʉ̀ kì a kə ko kiʼi ətof.

2 Kolìntyàns 10:12 ပူးပေါင်းရင်းမြစ်များ

Ŋwàʼlə̀ Luk 18:11

Wù Falàsi yì mù dyʉ̀ tɨmə wen nyɨŋ ə mù sə jɨ̀mə, gàʼà la, ‘Mà ku kəzòŋ kə̀ a Nyìngòŋ byiʼ ando ma ko diʼ a nə̀ viʼi vətsen vyi a və zàŋsə shi fo viʼi tò kədyàŋ, kò diʼ a nə̀ viʼi vyi a və kwàʼtə̀ təsoʼ, ko dzɨ̀mtə̀ kyi viʼi. Ma ko diʼ a nə̀ wù tinə̀ kənsè ghèn.

Lumans 15:18

Mà zizi ko ma lu mwomsə ə gàʼ kənyʉ̀ a bwen to kikə a Yesò ə nè chò fa a mo. Ghə̀ nè li ma lyɨ ə dyʉ̀ nə̀ viʼi ətɨm ashɨ Nyìngòŋ, vəwenə sə zhʉ to fa wen, a diʼ byìʼì ə nyʉ̀ vyi a mà gàʼa nə̀ vi a mà nè.

2 Kolìntyàns 10:11

Ma kòŋ la nki ə viʼi a venə kɨ la kənyʉ̀ ki a yès nyʉ̀ʼmə nyoʼ ə tɨmə tɨmə diʼ to nə̀ kikə a yès ə vi tèbe vi a ghə̀ŋ a ntìntìn, yès be a gaʼa to kəwenkə.

2 Kolìntyàns 10:18

Kə diʼ alə̀ byìʼì ando wìʼ yi a ghə̀ diʼi la ghə̀ kwʉʼʉ li ko kwʉʼ no tebe a kəfo kətsen. A kwʉʼ to wìʼ yi a gàʼà Nyìngòŋ la ghə̀ kwʉʼʉ li.

2 Kolìntyàns 3:1

Ghə̀ŋ kwòʼtə̀ la yès be kaʼkə sə gaʼa bwomsə təwen ə tyestə ando viʼi vətsenvə nə̀ nè mu? Yès ko diʼ shi ŋwàʼlə̀ fa viʼi vətsenvə ə a ghə diʼi la yès diʼ viʼi ntɨm, ko yès nkəŋ tebè la ghə̀ŋ nyòʼ və ŋwàʼlə̀ a yès, yès njèʼè nə̀ vəwenə a və diʼi la yès diʼi viʼi ntɨm.

2 Kolìntyàns 5:12

Kə ghə̀ŋ a nkwoʼtə la yès be kəŋ ə diʼi a mfi la yès ə kwʉ̀ʼʉ̀ li ə ndiʼ viʼi ntɨm. Yès ə kòŋ la ghə̀ŋ nkɨ kənyʉ̀ ki a ghə̀ŋ diʼi ə nsaŋlə̀ kumə yès byìʼì kəwenkə ndiʼ ghə̀ŋ kɨ ji ə bwensə viʼi vyi a və kumə kədyʉ̀ʼ to byìʼì ji yì a və yenə wìʼ fa tsù, ko və kɨ ətyɨm ə wen.