2 Kolìntyàns 10:1 - The New Testament in the Babanki language

¹ A sensə to no mò Bol sensə ghə̀ŋ luwen a zhiʼ Yesò Klistò a ghə̀ tuʼmə be bwaʼmə. Ma kɨli la viʼi vətsenvə nə̀ gàʼa la ma zhʉ sə ə nyòʼ kənyʉ̀ nyoʼo, a ghə̀ŋ ma sə gaʼa to no nə̀ ətyɨm ə to ghə̀, ali na vì zaʼa a ghə̀ŋ ntìntìn, ma sə gaʼa to kəbwaʼ kəbwaʼ.

2 Kolìntyàns 10:1 ပူးပေါင်းရင်းမြစ်များ

Matìyò 11:29

Ghə̀ŋ lyɨ jì shomsə, bè ziʼi ntsìnə̀ ghom byìʼàndo mà bwaʼmə be kiʼi shiʼsə wèn. Ghə̀ŋ sətsèn nè a lì, ghə̀ŋ a kiʼi nzhʉ̀tə à ghə̀ŋ a tətyɨm.

Matìyò 21:5

“Gaʼa viʼi ntə̀ʼ Zayòn la, ghə̀ŋ yen a, fòyn ghə̀ŋ vì à ghə̀ŋ, ghə̀ bwaʼmə, vì a kwi wàyn fəmbyèʼè fo.”

Shwèʼ 8:32

Kəshi kə ŋwàʼlə̀ kì a ghə̀ ndzò ndìʼ kènkə la; “Ghə̀ nko kiʼ no tò kənyʉ̀ kə tyetəkə əgàʼ. Ghə̀ ndìʼ to nə̀ byi njɨ̀, a və gùftə̀ ədyʉ̀ shyə, ko to nə̀ we byi njɨ̀ a zhʉ a və komə nyɨŋsə fà wen a wèn.

Lumans 10:20

Azayà ə gaʼa to no a ndayn ko ghə̀ lù fàyn kənyʉ̀ la, Nyìngòŋ ə gàʼ la: “Viʼi yen li mò, ko ndiʼ la və tə ə kəŋ mò. Ma diʼi li wenə ghomə a viʼi, ko ndiʼ la və tə ə bèmə mò.”

Lumans 12:1

Vəlemə vwomə, ma sensə ghə̀ŋ, byìʼì kusə nshinsə yì a Nyìngòŋ ə diʼi li a ghə̀ŋ la ghə̀ŋ ku təwen ə tyəŋtə a Nyìngòŋ a ndiʼ nə̀ kəku kə, ghə̀ŋ tsi, laynə, nè la ghə̀ ə nsaŋlə. A lə nkàyntə̀ kuʼsə yì a ghə̀ŋ diʼ ə kuʼsə Nyìngòŋ.

Lumans 15:15

Ma nyòʼò li nyʉ̀ ə tsenəvə a ghə̀ŋ a ŋwàʼlə̀ ashə to no a kədyòʼ ə zɨ̀ŋtə nyʉ̀ a vyi a ghə̀ŋ. Mà nyoʼ alə̀ byìʼì kədyòʼ kì a Nyìngòŋ ə ku a mò la mà ə̀ nè shwèʼè a ghèn nə̀.

1 Kolìntyàns 2:3

Ma ndiʼ a ghə̀ŋ a ntìntìn, əwen ghomə bwaʼa, ma tsɨŋtə̀ fwàynə̀ no nànto.

1 Kolìntyàns 4:10

Yès ə diʼ nkoyn a viʼi byìʼì Yesò, ghə̀ŋ diʼ viʼi və tofəvə a nyʉ̀ ə Yesò. Yès ə̀ bwaʼa ali ghə̀ŋ to. Viʼi ə kuʼsə ghə̀ŋ ali ko və lə lyɨ tebè yes a kənyʉ̀.

1 Kolìntyàns 4:21

Ghə̀ŋ kòŋ la mà sə vi a ghə̀ŋ, vi nə̀ ghò? Ghə̀ŋ kòŋ la mà vi nə̀ ngwàyn mu, mà vi nə̀ ə kòŋə bè nə̀ mbwaʼmə lo?

2 Kolìntyàns 10:10

Byìʼì viʼi vətsenvə gàʼa la ma zhʉsə nyoʼo ŋwàʼlə̀, gaʼa yì ə sə to kiʼi kədyòʼ ali ma ne sə boŋsə vi a ghə̀ŋ ashɨ ma sə bwaʼsə gaʼa diʼ sə ma ko ki ə gàʼ a ntìntìn ə viʼi.

2 Kolìntyàns 10:2

Ma sensə ghə̀ŋ la kə ghə̀ŋ a nè, mà na vi ə fwàynsə fwàynsə a ghə̀ŋ. Ma kɨli la ma ne vi fwàynsə a viʼi vyi a və gaʼa la yès ə tsi to nə̀ viʼi mbyi.

2 Kolìntyàns 10:7

Ghə̀ŋ yen ənyʉ̀ to fa ji a və kə fa tsu a ghə̀ŋ ashɨ. Wìʼ ə mu sətsèn ə ngàʼa la ghə̀ diʼ wù ə Yesò, ghə̀ tuʼtə ə kwòʼtə ə kɨ la yès be boŋ diʼ to viʼi Yesò to nə̀ wen.

2 Kolìntyàns 11:21

Ma diʼsə kətʉ ə gàʼ la ando yès ə ko tə nè nyʉ̀ a venə a ghə̀ŋ, və ghʉ la ma tə mbwaʼa bwaʼa! Mà sə gàʼà luwen to a nə̀ kəkoynkə, ali mu viʼi vətsenvə mu ə ghaŋsə əwèn kumə tèbe ghò, nkàyntə̀ mo be a ne to ali.

2 Kolìntyàns 11:30

Mà sətsen ndiʼ ə nghaŋsə tèbe əwen, a mà ne ghaŋsə kumə nyʉ̀ vyi a və diʼi la ma bwaʼa.

2 Kolìntyàns 12:5

Mà tə saŋlə kumə wìʼ na ghèn, ko diʼ la ma saŋlə kumə əwenə ghomə. Kənyʉ̀ ki a mà zizi mà naynə kumə wenə ghomə byìʼì kəwenkə a diʼ tò a kənyʉ̀ a ma bwaʼa tsu.

2 Kolìntyàns 3:12

Ando yès ə kɨ nəmwèʼè la kənyʉ̀ kə məkàyn mə mfimə̀ ə chò kə ə məkàyn mə mumə̀. A le kənyʉ̀ ki a yès ə shə̀ʼtə̀ ntɨm a ghèn, ko yèsə fwàynə̀.

2 Kolìntyàns 5:20

A lə ji yì, a yès lyɨ kəshi kə Yesò, Nyìngòŋ sə gàʼà chò fa yès. Yès sensə ghə̀ŋ a əzhiʼ ə Yesò la ghə̀ŋ baʼtə̀ ntsìnə̀ shəŋsə wyè və Nyìngòŋ.

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

2 Kolìntyàns 7:4

Ma shɨtə kɨ ghə̀ŋ, ma ko momə̀ ghə̀ŋ momə̀. Ma saŋlə no nànto kumə ghə̀ŋ, tyɨm ə ghomə zhʉ̀tə̀ no nànto byìʼì ghə̀ŋ, be boŋsə saŋlə to saŋlə a ntìntìn ngəʼ shisə a yès nyenə.

Gàlesìyà 4:13

Ghə̀ŋ kɨli la ma ə nvi ə shə̀ʼtə̀ ntɨm ə jùŋ a ghə̀ŋ fa ambì zhʉ mu à nè kwaʼa a ma tə kwaʼa.

Gàlesìyà 5:2

Ghə̀ŋ zhʉtə! a gàʼa mò Bol a ghə̀ŋ la, ghə̀ŋ sətsen moʼtə la və shətə ndyə̀ ghə̀ŋ, a kə a ndiʼi la kənyʉ̀ ki a Klistò nè a ghə̀ŋ le li to kədyàŋ.

Efisyàns 3:1

A diʼ to byìʼì ntsèntə̀ ə vəghəŋ a ghèn a ma jɨ̀mə̀ a Nyìngòŋ ə kùmə̀ ghə̀ŋ. Ma diʼ wù ə nfɨŋ byìʼì shwèʼ yì a Yesò Klistò kù a mò la mà ə shə̀ʼtə̀ ntɨm ə jùŋ a ghə̀ŋ viʼi ətɨm.

Efisyàns 4:1

Ma sensə ghə̀ŋ byìʼì shwèʼ a ghenə a Bobo ne li a vəghəŋ la, ghə̀ŋ ntsi ntsìnə̀sə, a ji yi a Nyìngòŋ ə kəŋ ando ghə̀ dzàŋ shisə ghə̀ŋ fa mbyi. Ghə̀ŋ kɨli la ma diʼ alə̀, diʼ wù ə nfɨŋ byìʼì shwèʼ yì a ma ne a Bobo.

Filìbàyns 4:5

Ghə̀ŋ ə ntsi ntsìnə̀ bwaʼmə à viʼi vətsèm. Əzhʉ boʼsə ə Bobo bwenə vì.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

2 Tèsàlonyà 3:17

A nyòʼò to mò Bol nyoʼtə ətoŋtə akəshi ghèn luwen a ghə̀ŋ nə̀ kəvu ə komkə. A le nchwi yì a ma nyoʼo əzhiʼ ə ghomə no tebe a ŋwàʼlə̀ ə kò, ma ghʉ̀.

Filimùyn 1:19

A nyòʼo to no mò nə̀ kəvu ə komkə a wù la, “Mò Bol na lòʼ no tèbe ghò a wù a Onesimùs ə lòʼ a wù.” Wu kɨ la no nkayn wù diʼ sə wù kiʼ kənyʉ̀ ə nè a mò ando mà tə ne wù sə diʼ wù ə byɨmə.

Filimùyn 1:9

Ali ma boŋsə sensə wù sensə byìʼì ə koŋə yi a ma kiʼi a wù. Mò Bol, a diʼ nə̀ wù to be diʼ a ngə̀ŋ nfɨŋ byìʼì ando ma shwèʼè a Yesò Klistò.

1 Bità 2:11

Viʼi ndoŋsə ə mò, ghə̀ŋ diʼ viʼi ghayn chò a diʼ jì, ghə̀ŋ ko diʼ viʼi mbyi ashen. A le kənyʉ̀ ki a ma sensə ghə̀ŋ la, kə ghə̀ŋ a nè nyʉ̀ vyi a njòsə əwen ə ghə̀ŋ sə ə kəŋ byìʼì ando nyʉ̀ a venə ə soynə kəzhwì ə kəŋkə̀.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.