2 Joyn 1:1 - The New Testament in the Babanki language

¹ A nyòʼò mò ə chəʼ ngə̀ŋ ə̀ Nyìngòŋ nyòʼò ŋwàʼlə̀ ghèn à wùwì yì a Nyìngòŋ ə ntsuʼ li wenə vunə wen a mà kòŋə̀ no nəmwèʼè. A ko kòŋə̀ tò mò, viʼi vətsèm a və kɨ nəmwèʼè ə bè kòŋə̀ vəwenə,

2 Joyn 1:1 ပူးပေါင်းရင်းမြစ်များ

Ŋwàʼlə̀ Luk 1:3

Mà nyen la kə bòŋ a Bobo la no kàyntə̀ mò boŋ nyòʼ ə shə̀ʼtə nyʉ̀ venə tò mbaʼa-mbaʼa à wù byìʼì ando mà kyitə li kuʼ nə̀ wen və no kàyn ando və zìtə̀ sə̀ chì.

Joyn 8:32

Ghə̀ŋ na kɨ kənyʉ̀ ki a kə diʼ nəmwèʼè, nəmwèʼè a yi ne ghə̀ŋ la kə ghə̀ŋ be diʼ əkòs.”

Shwèʼ 11:30

Vəwenə tsèntə̀ fo a vyi ə̀ tɨ̀m Balnabas wenə̀ Saul la vəwenə lyɨ̀ ə̀ dyʉ̀ nə̀ wenəvə à vəchəʼ və ngə̀ŋ Nyìngòŋ.

Lumans 16:13

Ghə̀ŋ toŋtə Lufùs. Ghə̀ diʼi li a mò la ghə̀ diʼ to no wù ə shwèʼè Nyìngòŋ. Ghə̀ŋ be toŋtə lì wen. Ghə̀ ə lyɨ li mò a wen a wàyn.

Gàlesìyà 2:14

A sə diʼ ando mà yen la vəwenə ne nyʉ̀, ko diʼ nyʉ̀ ə tɨməvə to ando ntɨm ə jùŋ yì a ghə̀ diʼi nəmwèʼè ə nziʼi, ma gàʼ a Bità to ashɨ ə viʼi və tsèm ə bèm la, “Wù jeʼ ale ə ndiʼ wù ə Jus, tsi to nə̀ wù kətɨm, boŋsə kaynə la viʼi kətɨm ə ntsi to nə̀ viʼi Jus a?

Gàlesìyà 2:5

Yès ə nko ə byɨmə kənyʉ̀ na ki no tebe a fəshinə fəzhʉ no fa mpfen, byìʼì ando yès ə kəŋə la ntɨm ə jùŋ ə ghèn a diʼ nəmwèʼè lə faŋ to ghayn ə mùʼ a ghə̀ŋ.

Gàlesìyà 3:1

Ghə̀ŋ nkoyn ə viʼi Gàlesìyà venə! Və lùʼ ghə̀ŋ lùʼu mu? A və tə diʼ mwetə to no ando və ə bayntə Yesò Klistò a kəntò a ghə̀ŋ!

Gàlesìyà 5:7

Ghə̀ŋ tə nè akayn. Ma ko kɨ la à tə be tàʼsə ghò tàʼsə ghə̀ŋ la kə ghə̀ŋ ghaʼ kənyʉ̀ kì a kə diʼ nəmwèʼè lo?

Kòlòsyàns 1:5

Ghə̀ŋ ne alə̀ byìʼì ando ghə̀ŋ kəʼtə kɨ əfo vi a Nyìngòŋ ə ghʉ̀ a ghə̀ŋ akàŋ. A ndiʼ ando viʼi nshə̀ʼtə̀ ntɨm ə jùŋ nəmwèʼè a ghə̀ŋ a ambì, ghə̀ŋ zhʉ kənyʉ̀ kumə fo a vyi a ghə̀ŋ kəʼtə lə.

1 Timotì 2:4

Nyìngòŋ ə kəŋ la viʼi və tsèm bwoŋ, bè kəŋ la viʼi və tsèm kɨ kənyʉ̀ ki a kə diʼ nəmwèʼè.

Hibùlù 10:26

Vəghəŋ sətsen ə kɨ kənyʉ̀ ki a kə diʼi nəmwèʼè ali be faŋ ə ne to mbyɨ, kɨ to no la à diʼi mbyɨ, mu kəku kə tsen kə be andiʼ a kə zi kə shʉ̀ mbyɨsə vəghəŋ.

1 Bità 1:2

Nyìngòŋ, ə Tìʼ sə diʼ mù ghə̀ ghʉ̀ li ə tsuʼtə ghə̀ŋ a viʼi və laynə və wen chò fa əshyèʼ kəzhwì kə Ŋwoʼkə. Ghə̀ nè ali ndiʼ ghə̀ŋ ə zhʉ to fa Yesò Klistò, mənlyuŋ mə wen ə shʉ̀ laynsə ghə̀ŋ. Nyìngòŋ ə diʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ.

1 Bità 5:1

Ma sensə vəchəʼ və ngə̀ŋ Nyìngòŋ vyi a və diʼi a ghə̀ŋ a ntìntìn la və ə shɨtə tùʼmə̀ nə̀ viʼi vyi a Nyìngòŋ ə kuli a vəwenə to nə̀ byisə. Ghə̀ŋ kɨli la nkàyntə̀ mo diʼ to no chəʼ mu ma ə yen li to ando Klistò yènə ngəʼ. Ma diʼ to a ntìntìn əbayn yi a Nyìngòŋ ə lu diʼ a tʉʼ a Yesò lu bwenə vi. Ghə̀ŋ sə tuʼmə nə̀ vəwenə, ghə̀ŋ ə diʼi la ghə̀ŋ kòŋ kənyʉ̀ kì a ghə̀ŋ nè. Kə ghə̀ŋ a nè sə və ghaʼ ghə̀ŋ ghaʼ, byìʼì ando Nyìngòŋ ə kòŋ la ghə̀ŋ ə nè a ji na ghèn. Ghə̀ŋ ə ghablə, nè shwèʼ. Kə ashɨ a ghəŋə baŋə a ko.

1 Bità 5:13

Lèmə̀ ghə̀ŋ yi a ghə̀ diʼi a Babilòyn, a yi nòynə ə viʼi və byɨməvə vi a Nyìngòŋ ə tsuʼ li, ə tɨmə ətoŋtə a ghə̀ŋ. Mak, ə wàyn ghom a əbyɨmə ə be tɨmə ətoŋtə a ghə̀ŋ.

1 Joyn 2:21

Mà ko nyòʼò nyʉ̀ venə à ghə̀ŋ byìʼàndo ghə̀ŋ ə ko kɨ̀ kənyʉ̀ kə nəmwèʼè, alì mà nyòʼò byìʼàndo ghə̀ŋ ə kɨ li ə be nkɨ la ndzɨ̀ŋ ə ko diʼ a tyì nəmwèʼè.

1 Joyn 3:18

Kə vəghəŋ a ndìʼì əkòŋ tò fa nyʉ̀ a vəghəŋ ə gàʼà a vunə vwomə, alì vəghəŋ diʼ ə ndìʼì əkòŋ a nyʉ̀ a vəghəŋ ə nè bènə̀ a nəmwèʼè.

2 Joyn 1:13

Vunə lèmə̀ ghə̀ŋ ə wùwì yì a Nyìngòŋ ə ntsuʼ li ə tɨmə toŋtə à ghə̀ŋ.

2 Joyn 1:5

Mà mu sə sensə wù luwèn a wùwì la mà ko nyòʼò əsoʼ fighə à wù alì mà ku tò yi a vəghəŋ ə nzhʉ li fa kənzìtə: la vəghəŋ ə nkòŋmə̀ təwen tə vəghəŋ.

3 Joyn 1:1

A nyòʼò mò ə chəʼ ə̀ ngə̀ŋ Nyìngòŋ nyòʼò ŋwàʼlə̀ ghèn à wù ə Gayòs ə̀ wù ndoŋ ə̀ mò a mà kòŋə̀ no nəmwèʼè.