2 Bità 3:9 - The New Testament in the Babanki language

⁹ Bobo ə ko ghaʼasə ə nè kənyʉ̀ ki a ghə̀ nghʉ̀ li ando viʼi vətsenvə ə kwoʼtə. Ghə̀ boŋsə ku to zhʉ̀ a ghə̀ŋ byìʼì ando ghə̀ kəŋə la no viʼi və tsèm kwitə tətyɨm tə vəwenə fa mbyɨsə, ko ghə̀ lu kòŋ la no wìʼ ə mùʼ lù lè.

2 Bità 3:9 ပူးပေါင်းရင်းမြစ်များ

Lumans 13:11

Ə kwʉ̀ʼsə, ghə̀ŋ diʼ ə nè nyʉ̀ a venə no ə tsèm byìʼì ando ghə̀ŋ kɨli zhʉ̀ yi a vəghəŋ ə diʼ tsu luwen. Əzhʉ kʉʼʉ li la ghə̀ŋ lu fa mbinsə byìʼì ando a ndiʼ ando vəghəŋ ə mbyɨmə to byɨmə, zhʉ̀ sə boʼsə ando vəghəŋ bwòŋ mwetə, ali luwen ə sə diʼ mù ghə̀ be ə boʼsə chò fa lì.

Lumans 13:12

Ə tʉʼ ə layn li, kəbəŋ kə sə laynə mwetə vì. Vəghəŋ maʼa li nyʉ̀ kəbəŋ kə fenəkə ə boŋsə lyɨ̀ fo ghòŋ vi a və soynə tsu nə̀nchwì.

Lumans 2:4

Kə le diʼi la wù ko lyɨ tebè tùʼmə̀ ə kaynəghə Nyìngòŋ be nə̀ ə ghaʼa ə tyɨm ə Nyìngòŋ nə̀ jùŋ yì a ghə̀ ne a wù a kənyʉ̀ mu? A wù kɨli la Nyìngòŋ ə tùʼmə̀ kəŋ la wù kwitə ə tyɨm ə wu fa mbyɨsə a?

Lumans 9:22

Kə lə diʼ ndə̀ŋndəŋ ando Nyìngòŋ ə nè. Ghə̀ kòŋ li ə diʼ la ghə̀ fwisə tin ə be kòŋ ə diʼ kədyòʼ kì a ghə̀ kiʼi a viʼi. A lə kənyʉ̀ ki a ghə̀ wensə to wensə ko ghə̀ lù kù ngəʼ a viʼi vi a ghə̀ ə fwisə tin a vəwenə, vəwenə kwʉ̀ʼʉ̀ to la ghə̀ byɨbsə vəwenə.

1 Timotì 1:16

Nyìngòŋ ə diʼi li kusə shinsə à mò byìʼì ando ma ə ndiʼ fòyn ənyʉ̀ ə byɨvə. Ghə̀ ne alə̀ ndi Yesò Klistò diʼi mwetə əwen ə wen ə ne ə mà ə ndiʼ a nə̀ kəchwitə à viʼi vətsenvə ndi vəwenə yen kənyʉ̀ ki a ghə̀ ne à mò ə byɨmə à wen ndìʼ lu kiʼi ntsìnə̀ yi a ghə̀ ko lə mè.

1 Timotì 2:4

Nyìngòŋ ə kəŋ la viʼi və tsèm bwoŋ, bè kəŋ la viʼi və tsèm kɨ kənyʉ̀ ki a kə diʼ nəmwèʼè.

Hibùlù 10:37

Kə diʼ to ando və nyoʼ li a ŋwàʼlə̀ Nyìngòŋ la: “A faŋ to fəshinə fə zhʉ̀ alə ndiʼ wìʼ yi a ghə̀ diʼ ə vì, vi. Ghə̀ ko be laʼtə.

1 Bità 3:20

ayi əzhwi viʼi a və ko zhʉtə tebè Nyìngòŋ ali Nyìngòŋ be wensə to wensə ə zàʼa fa a tʉʼ yi ando Nuwà mbwòm kəbaŋ. A ndiʼ a tʉʼ na yi, viʼi bwòŋ ati kəbaŋ na yi a kə nə̀ lyəʼə a kwi a mù, ndiʼ to fwomə.

2 Bità 1:4

A diʼ a ji na ghèn a Nyìngòŋ ə lwinsə li kənyʉ̀ kə ghʉkə kikə a ghə̀ ə nghʉ̀ la ghə̀ lu ku kəku kə jùŋ kə kə kaynəkə, la kə gyamtə vəghəŋ la vəghəŋ nyɨŋ fʉ̀ fa nyʉ̀ ə byɨvə yi a njòsə wensə ə vi nə̀ wenəvə a mbi ashə və byɨbsə viʼi, ə boŋsə tsi ntsìnə̀ Nyìngòŋ.

2 Bità 3:15

Ghə̀ŋ ə kɨ la Bobo vəghəŋ ə ghaʼa tyɨm alə̀, ku ji a ghə̀ŋ ndi ghə̀ŋ bwòŋ. Lèmə̀ vəghəŋ Bol yi a vəghəŋ ə kòŋ tə ə nyòʼ to nyʉ̀ a venə a ghə̀ŋ nə̀ ətof mu à ku Nyìngòŋ a wen.

Kəmwetə 2:21

Mà tə kù əzhʉ à wen la ghə̀ kwitə tyɨm ə wen ə̀ ghʉ̀sə mbyɨsə wensə, alì ghə̀ ko kòŋ əghʉsə ntsìnə̀ dzɨ̀mtə̀ lʉmə.