2 Bità 3:7 - The New Testament in the Babanki language

⁷ To byìʼì ə gaʼa Nyìngòŋ na ghenə əkaŋə yì a ghə̀ diʼi luwen nə̀ nse diʼ ghə̀ byətə byətə ndiʼ əzhʉ̀ lù kwʉʼ ghə̀ byɨbsə nə̀ zhiʼi. Ndiʼ zhʉ̀ lù kwʉʼ ghə̀ soʼo byɨbsə viʼi vyi a və ko zhʉtə tebè fa wen.

2 Bità 3:7 ပူးပေါင်းရင်းမြစ်များ

Matìyò 10:15

Ma gaʼa a ghə̀ŋ nəmwèʼè la à lu ə ndiʼ a kətsi kə nsoʼ ə̀ Nyìngòŋ, ə ngəʼ ndiʼ a viʼi ntə̀ʼ a vyì chò to ando ghə̀ ndiʼ a viʼi Sodòm nə̀ viʼi Gòmolyà.

Matìyò 11:22

Mà gàʼà à ghə̀ŋ la à lu ndiʼ a kətsi kə nsoʼ Nyìngòŋ, ngəʼ ndiʼ à ghə̀ŋ chò ando ghə̀ lu ndiʼ a viʼi Tayle bènə̀ Sidòn.

Matìyò 11:24

Mà gàʼà ghə̀ŋ la, a lu ndiʼ a kətsi kə nsoʼ, Nyìngòŋ dìʼ kusə nshinsə a viʼi Sodòm chò ando ghə̀ lu dìʼ a ghə̀ŋ.”

Matìyò 12:36

“Mà gàʼà à ghə̀ŋ la, à lu ndiʼ a kətsi kə nsoʼ Nyìngòŋ, no ndò lu shə̀ʼtə̀ chʉ wen byìʼì no məghò a ghə̀ ntɨmə li gàʼ a ghə̀ nko diʼ gàʼ.

Matìyò 24:35

Kàŋ wenə̀ nse lu chò alì kènla no kənyʉ̀ kə mùʼ fa tì nyʉ̀ venə a ma gàʼà lə̀ lu kwitə.”

Matìyò 25:41

“Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen.

Ŋwàʼlə̀ Mak 6:11

No a ntə̀ʼ ko a ghə̀ŋ dyʉ̀ tsu və faŋ ke shisə ghə̀ŋ ko əzhʉtə kənyʉ̀ a ghə̀ŋ gàʼà, ghə̀ŋ fʉ fa tsu. Ghə̀ŋ sə mfʉ̀ ghə̀ŋ ghòmə dzemsə səŋsə à vəwenə ndi vəwenə nkɨ la vəwenə ne li nshwè.”

Joyn 12:48

A tyen te ndo tyen mo nə̀ gàʼ ə ghomə, nyʉ̀ vyi a mà gàʼa lù soʼo wen a kətsi kə ə bàm.

Lumans 2:5

Wù boŋsə ne la tin nə̀ Nyìngòŋ ə fwi dyʉ̀ to ambì byìʼàndo wù to li kətʉ̀ ko wù lù kòŋ ə kwitə. Nyìngòŋ ə lu diʼ la ghə̀ fwisə li tin a wù a kətsi kə nsòʼ ə wen ə soʼ wù to fəchìʼ.

1 Kolìntyàns 3:13

A lu ndiʼ a kətsi yi a Yesò lu bwenə vì və diʼi laynsə no tèbe shyèʼ no ndò a ndayn. Və mwomsə no tèbe shyèʼ ndò nə̀ zhiʼ, ghə̀ diʼi no tèbe nki əshyèʼ ə kò yi a wìʼ tə nshyèʼ.

Filìbàyns 1:28

Kə ghə̀ŋ nè fwàynə̀ viʼi vyi a və tamə ghə̀ŋ. Ghə̀ŋ nè kiʼ ətyɨm ə to ghə̀. Ghə̀ŋ sətsen ə nè alə, ghə̀ŋ diʼi a vəwenə la Nyìngòŋ a byɨbsə vəwenə ə bwoŋsə ghə̀ŋ. A diʼ shyèʼ Nyìngòŋ.

2 Tèsàlonyà 2:3

Kə ghə̀ŋ moʼtə la wìʼ ə lobtə ghə̀ŋ no fa mphen byìʼì ando kətsi na kì ko lu vi ə zaʼa ando viʼi və ghoʼo və lù ə soynə Nyìngòŋ, wù ətyɨm ə byɨghə fʉ tɨmə. Və lu myetə wù ətyɨm ə byɨghə na ghèn akəshi kə əzhiʼ.

1 Timotì 6:9

Əmwòmsə̀ ə ne vi à viʼi vyi a və nyɨŋ fa a bàm ə əko. Vəwenə ə fəŋ a mwòmsə̀ a ghèn, kətam kə ghaʼ vəwenə, və faŋ ə nkəŋ tò əfo a venə, lu kaʼ pfʉ to bàm ə ko alì və be byɨsə vəwenə to byɨsə,

Hibùlù 12:29

Kə diʼ to no nəmwèʼè la Nyìngòŋ ə vəghəŋ diʼ to nə̀ zhiʼ a ghə̀ nyʉ̀ʼ ə byɨbsə.

2 Bità 2:9

Kə le diʼi la Bobo ə kɨ ji yì a ghə̀ zizi ghə̀ bwoŋsə viʼi wen fa tsù fa ngəʼsə vəwenə, kɨ ji yì a ghə̀ zizi ghə̀ ghaʼ ghʉ̀ viʼi və byɨvə fa tsù ə zàʼa fa kətsi kə nsòʼ.

2 Bità 3:10

Alì Nyìngòŋ lu bvɨtə vì a kətsi a wìʼ ko ə kɨ, to nə̀ tsòŋ. A lu ndiʼ a kətsi na yi, kəfo kə zɨ̀mə fa kàŋ, ə kàŋ sàm, ə zhiʼi ə nyʉʼ no tèbe ghò yi a ghə̀ diʼi tsu, nse be mè boʼsə no tèbe nə̀ ghò yi a ghə̀ diʼi tsu.

2 Bità 3:12

Ando ghə̀ŋ ə nyʉ̀ʼ kəʼtə kətsi kì a Nyìngòŋ ə ghʉ li la Yesò lu vi, be mwomsə ə nè la kə zaŋsə vi. A lu ndiʼ a kətsi na yi, əkaŋ ə fwi, ə zhiʼi ə nyʉʼ no tèbe ghò yi a ghə̀ diʼi akàŋ.

1 Joyn 4:17

A ji aghèn, əkòŋ ə Nyìngòŋ ə kwʉ̀ʼ mè à vəghəŋ ə ntìntìn ndi vəghəŋ lu ə nti a nkàyn kətsi kə nsoʼ, byìʼàndo ntsìnə̀ vəghəŋ a mbi dìʼ tò nə̀ ghə̀ Klistò.

Ŋwàʼlə̀ Jud 1:7

Ghə̀ŋ be kwòʼtə̀ loʼ Sodòm nə̀ loʼ Gòmolyà nə̀ tə loʼ tə tsen titə a tə mboʼsə təloʼ a tentə. Ghə̀ŋ lyɨ̀ a kəchʉtə to ando viʼi loʼ a venə ə tsì to tsì a nyʉ̀ byɨvə ə vəwenə wenə ki, lyʉmə be tsi nə̀ lyʉmə. Nyìngòŋ mbyibsə li vəwenə nə̀ zhiʼ ndi kə ndiʼ a nə̀ kəchʉtə kə a viʼi vətsenvə və la Nyìngòŋ lu soʼ ə byɨbsə vəwenə nə̀ zhiʼi a ghə̀ ko lu mè.

Kəmwetə 17:11

Nyàm yì a ghə̀ ə̀ ndìʼ alì ə sə diʼ mu ghə̀ pfʉ li lə̀ bè dìʼ tò fòyn ə təfòyn tə ndiʼ fwomə diʼ be ne dyʉ̀ ə və byɨsə wen.

Kəmwetə 17:8

Nyàm ghèn a wù ə yenə lə̀ ə̀ ndìʼ to alì ghə̀ sə̀ diʼ mu ghə̀ pfʉ li. Ghə̀ diʼ ne fʉ̀ ə kuʼ fa nkwòŋ yì a ghə̀ ə shwemə shiʼi dyʉ̀ tò dyʉ̀ lì ə dyʉ̀ ə və byɨsə wen. Viʼi vi a və nko nyòʼ təzhiʼ tə vəwenə a ŋwàʼlə̀ ə̀bwòŋ mibu və sə shɨ̀tə mbi ne yen nyàm aghèn ə ndiʼ nə̀ əkaynə byìʼàndo ghə̀ tə̀ ndiʼ, ə̀ pfʉ ə be sə diʼ lu bwènə̀ vì.”

Kəmwetə 20:11

Luwen ma mu yen Nyìngòŋ ghə̀ ŋwʉʼ a kəfwoyn kəfəfəkə. Ando ghə̀ fʉ a dayn, əkaŋ wenə nsə ə nsoməli dyʉ̀ to ghayn əmuʼ.

Kəmwetə 21:1

Fa əbàm nyʉ̀ na ghèn, ma yenə əkaŋ ə fìghə nə̀ nse ə fi mu əkaŋ ə mbì nə̀ nse ə mbì sə diʼ mù ghə̀ tə mè, boʼsə no nə̀ fwaynə ə ghoʼo ghə̀.