2 Bità 3:14 - The New Testament in the Babanki language

¹⁴ Kə le diʼ a doŋ shom sə jùŋsə la, ando ghə̀ŋ kəʼtə kətsi na kì, ghə̀ŋ mwòmsə̀ no nə̀ kədyoʼkə ə ndiʼ nə̀ laynə, ko ghə̀ a nkiʼi ə mbyɨ ashɨ Nyìngòŋ, be tsi nə̀ mbwaʼmə.

2 Bità 3:14 ပူးပေါင်းရင်းမြစ်များ

Matìyò 24:26

A lù sətsèn a gàʼ tè ndò à ghə̀ŋ la, “Ghə̀ yi a nse zɨm, kə wìʼ à fʉ̀ ədyʉ̀ tsu, ko wìʼ gàʼ la, ‘Ghə̀ ghèn a tì ngə̀ŋ a shə̀ kə wìʼ a byɨmə.’

Matìyò 25:7

Ngòynsə ki shì lù no sətsèm kùʼsə nkàʼtə̀ vəwenə.

Ŋwàʼlə̀ Luk 12:43

Wù shyèʼ ayi nè ghə̀ sə diʼ nə̀ saŋlə ghə̀ a zhʉ a ti shyèʼ wen sə bwenə vi, ghə̀ nè tò kənyʉ̀ kyì a ghə̀ tə̀ gàʼ li.

Ŋwàʼlə̀ Luk 2:29

“Nèli luwèn a Bobo, wu shyèʼè wu pfwomə tò nə̀ mbwaʼmə ando wù ghʉ li gàʼà wu,

1 Kolìntyàns 1:8

Ghə̀ a ne la ghə̀ŋ ə nkiʼi kədyòʼ ə zàʼa fa kəmwètə ndi kə wìʼ lù ghàm ghə̀ŋ a kətsi yi a Bobo vəghəŋ Yesò Klistò lu bwenə vì.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

Filìbàyns 1:10

Ma jɨ̀mə̀ alə̀ ndiʼ ghə̀ŋ kɨ kənyʉ̀ ki a kə bòŋ kwʉ̀ʼʉ̀ ə lu ndiʼ ə̀ laynə a kə̀ʼə̀ Nyìngòŋ, ko ndiʼ la ghə̀ŋ kiʼi ə mbyɨ, ko wìʼ ə ghamə tebè ghə̀ŋ a kənyʉ̀ a kətsi yi a Yesò lə bwenə vì.

Filìbàyns 2:15

Sətsen ghə̀ŋ ne alə ko wìʼ lù ghàm ghə̀ŋ a kənyʉ̀. Ghə̀ŋ be ə ndiʼ viʼi kənyʉ̀ kə tɨməkə bè kwʉ̀ʼ mè a nə vunə və juŋəvə Nyìngòŋ a və tsi a tyì mbyi mbyɨsə nə̀ viʼi mbyɨsə. Ghə̀ŋ diʼi ə ndiʼ à vəwenə ntìntìn alì diʼ əbayn à vəwenə to nə mədzɨ̀ŋ.

Filìbàyns 3:20

Alì fà vəghəŋ, vəghəŋ ə kɨ la ə̀ loʼ ə vəghəŋ ə diʼ akàŋ. Adìʼ fa tsu a vəghəŋ ə kə̀ʼtə̀ mbwòŋsə̀ vəghəŋ ə Bobo Yesò Klistò.

1 Tèsàlonyà 3:13

Ghə̀ŋ sətsen ə nə̀ nè alə̀, ghə̀ a nè tətyɨm təŋtə totə ndiʼ ko ghə̀ŋ nə̀ kiʼi mbyɨ, ko wìʼ lu kiʼ kənyʉ̀ ə gàʼ kumə ghə̀ŋ ashɨ Nyìngòŋ, ə Ti vəghəŋ, azhʉ̀ a Bobo vəghəŋ Yesò bwenə li vi wenə viʼi wen.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

1 Timotì 6:14

Wù ghʉ əsoʼ ghenə a ma chòsə̀ a wù lə tò nəmwèʼè ə zaʼa fa zhʉ Bobo vəghəŋ Yesò Klistò lu bwenə vi.

Hibùlù 9:28

A lə diʼ fa ji a ghèn a və ə nku Yesò ghə̀ pfʉ to aghayn ə mùʼ ə shʉ mbyɨsə viʼi no vəghoʼo. Ghə̀ lu bwenə ko ghə̀ be vi ə shʉ mbyɨsə viʼi, ghə̀ lu vi ə bwoŋsə̀ viʼi vyi a və nyʉ̀ʼ kəʼtə wen nə̀ tətyɨm tə vəwenə no tsèm.

Jems 1:27

Əbyɨmə a ghə̀ nè la Nyìngòŋ tìʼ vəghəŋ ə lutə̀ su saŋlə no a nkàyn dìʼ la, wù diʼi ə ntùʼmə̀ nə̀ vunə mpfʉ bènə̀ ki mpfʉ a və yenə ngəʼ, be nyɨŋsə wen ə wu fa nyʉ̀ ə mbi.

1 Bità 1:7

Təmwòmsə̀ na tentə ə vi a ghə̀ŋ ə ne la viʼi yen əkɨ la ghə̀ŋ kiʼi no nkàyntə̀ əbyɨmə. Və nə̀ mwomsə gul nə̀ zhiʼ ali a diʼ kəfo a kə ko kuʼmə zàʼa tebè a nə̀ əbyɨmə, mu kə zi kə byɨf. Kə le diʼi la, və diʼ mwomsə əbyɨmə ə ghəŋə byìʼì ando à diʼ kəfo a kə kuʼmə chò gul ndiʼ à lù ndiʼ a kətsi a Yesò Klistò bwenə vì, Nyìngòŋ ə bwomsə ghə̀ŋ ə be ku əghoʼ ə wen a ghə̀ŋ.

2 Bità 3:1

Kenkə diʼ kənkùmtə̀ kə ŋwàʼlə̀ ə mò a ghə̀ŋ a doŋ shomsə jùŋsə, a diʼ tèbe a tyì ghə̀ ko mu ma dzɨŋtə li ghə̀ŋ nə̀ nyʉ̀ a ghə̀ŋ diʼ kɨ ndi ghə̀ŋ bwensə kwòʼtə nyʉ̀ a vyi nə̀ əkwoʼtə ə laynə ghə̀.

2 Bità 3:16

A diʼ a wen a vəŋwàʼlə̀ vətsevə no və tsèm, lèmə̀ vəghəŋ Bol ə nyoʼtə li ngàʼa to kənyʉ̀ na kènkə. Ghə̀ nyòʼò li nyʉ̀ ə tsenəvə və to və zhʉ ə kɨ. Viʼi vi a və ko ziʼi kənyʉ̀ kə Nyìngòŋ, vəwenə nə̀ʼkə̀ a vəwenə a byɨmə nə̀ tə shyèʼ tə, to ando vəwenə nə̀ kwitə shì ə Ŋwàʼlə̀ Nyìngòŋ ə tsevə. Vəwenə nè alə̀, dzàŋ ngəʼsə a vəwenə a kətʉ.

1 Joyn 3:3

No tè ndò a ghə̀ ŋwʉʼ ghʉ ətyɨm ə wen à wen ə ghʉ ngə̀ŋ kətʉ ə wen nə̀ laynə no tè ando Klistò ə laynə.