2 Bità 3:11 - The New Testament in the Babanki language

¹¹ Ando və diʼ lu nyʉʼ əfo a venə no ə tsèm a ji na ghèn lə̀, ghə̀ŋ lə diʼ ə ntsì ale? Ghə̀ŋ diʼ ku təwen təŋtə a Nyìngòŋ ə be ntsi ntsìnə̀ laynə.

2 Bità 3:11 ပူးပေါင်းရင်းမြစ်များ

Matìyò 8:27

No ndò sə dìʼ nə̀ kàynə mù sə bèmə la, “Ghèn diʼi nkì wìʼ ko a tè fwof nə̀ mu zhʉ wen lo?”

Lumans 13:11

Ə kwʉ̀ʼsə, ghə̀ŋ diʼ ə nè nyʉ̀ a venə no ə tsèm byìʼì ando ghə̀ŋ kɨli zhʉ̀ yi a vəghəŋ ə diʼ tsu luwen. Əzhʉ kʉʼʉ li la ghə̀ŋ lu fa mbinsə byìʼì ando a ndiʼ ando vəghəŋ ə mbyɨmə to byɨmə, zhʉ̀ sə boʼsə ando vəghəŋ bwòŋ mwetə, ali luwen ə sə diʼ mù ghə̀ be ə boʼsə chò fa lì.

Lumans 13:12

Ə tʉʼ ə layn li, kəbəŋ kə sə laynə mwetə vì. Vəghəŋ maʼa li nyʉ̀ kəbəŋ kə fenəkə ə boŋsə lyɨ̀ fo ghòŋ vi a və soynə tsu nə̀nchwì.

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

Filìbàyns 1:27

Ko a fʉ no te ghò, ghə̀ŋ tsi ando ntɨm ə jùŋ ə Klistò ə kəŋ ndi mà sətsen vi tèbe vi ə yen ghə̀ŋ, kò zhʉ byìʼì ghə̀ŋ a zhʉ a ma ko diʼ, mà ə kɨ la ghə̀ŋ ə ko kwitə fa kiʼi kwoʼtə ə mùʼ, tsi to a kənyʉ̀ kə mùʼ, shyèʼ no nə̀ kədyoʼkə be soynə ə ghaʼa əbyɨmə yì a ntɨm ə jùŋ ə ziʼi.

Filìbàyns 3:20

Alì fà vəghəŋ, vəghəŋ ə kɨ la ə̀ loʼ ə vəghəŋ ə diʼ akàŋ. Adìʼ fa tsu a vəghəŋ ə kə̀ʼtə̀ mbwòŋsə̀ vəghəŋ ə Bobo Yesò Klistò.

1 Tèsàlonyà 1:5

byìʼì ando yes ə ko ə ziʼi ntɨm ə jùŋ kumə Yesò Klistò a ghə̀ŋ to fa chʉ̀. Yes ə diʼi nyʉ̀ ə kaynə və vi a kəzhwì kə Ŋwoʼkə nè a ghə̀ŋ. Ghə̀ ngaʼa kənyʉ̀, kɨ to no la kə diʼ nəmwèʼè. Ghə̀ŋ kɨli ando yes ə ntsi a ghə̀ŋ a ntìntìn. Ntsìnə̀ a ghèn ndiʼ ə nè la ghə̀ŋ ziʼi kənyʉ̀.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

1 Timotì 4:12

Kə a ghʉsə la wìʼ chasə wù byìʼì ando wù dìʼ wàyndyə. Wu diʼ ə ndiʼ kəchwitə à viʼi və byɨməvə, a jisə yi a wù gaʼa fatsu. Wù ntsi ntsìnə̀ ə jùŋ, kòŋ viʼi, diʼi la wù byɨmə à Klistò bè dìʼ nə̀ layn ə.

1 Timotì 6:11

Wù dìʼ wù ə Nyìngòŋ, nyɨŋsə ə wen ə wu fa nyʉ̀ venə. Ə bòŋsə mwòmsə ə ntsi ntsìnə̀ ə təmə. Shɨtə ghaʼa kənyʉ̀ kə Nyìngòŋ, kiʼi əbyɨmə à Klistò, kòŋ viʼi, mwòmsə̀ ə kwiʼ ətyɨm bè tsi nə̀ mbwaʼmə we viʼi.

1 Timotì 6:3

No ndo a ghə̀ sətsen ə nziʼi nyʉ̀ ko a ndiʼ ənyʉ̀ vyi a mà ku à wù ko ənyʉ̀ vyi a və ziʼi byìʼì Bobo vəghəŋ Yesò Klistò, bè ntensə jì shi a və ziʼi la viʼi və byɨməvə ə ntsi fatsu mu,

1 Timotì 6:6

Kə dìʼ nəmwèʼè la kənyʉ̀ kə Nyìngòŋ zi kə ne la wìʼ ə ndìʼ wù ə ghoʼo, kiʼi ənyʉ̀ ə jùŋ və a wen tyɨm, ko ghə̀ kiʼ ashɨ ə kəmbàŋbàŋ.

Hibùlù 13:5

Kə ghə̀ŋ ne mbaŋbaŋ a bàm ə ko. Ghə̀ŋ nboŋsə saŋlə to saŋlə no tèbè nə̀ ghoʼ yi a ghə̀ŋ kiʼi byìʼì ando Nyìngòŋ ə gàʼa li la, “Mà ko lu moʼtə ghə̀ŋ no faphen.”

Jems 1:24

A dìʼ no a zhʉ̀ kò a ghə̀ lu fa benə kənki kə ashɨ ghə̀ bè lyèsə̀ jì a ghə̀ yi nkə̀ʼə̀ fa tsu.

Jems 3:13

A dìʼ ndo à ghə̀ŋ a ntìntìn a ghə̀ tofə be zhɨ kɨ nyʉ̀ a? A zhʉ a ghə̀ diʼì, ghə̀ diʼi dìʼ ənyʉ̀ a ghə̀ nè nə̀ gumlə̀ byìʼì tof.

1 Bità 1:15

Ghə̀ŋ kɨli la Nyìngòŋ ghə̀ŋ a ghə̀ tə tsùʼtə ghə̀ŋ la ghə̀ŋ ə diʼ viʼi wen diʼ nə̀ laynə, ghə̀ŋ be diʼ ə̀ laynə no nyʉ̀ tsèm a ghə̀ŋ ə nè.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.

2 Bità 1:3

Nyìngòŋ ə ku li no tèbe ghò a vəghəŋ ə kəŋ ndiʼ vəghəŋ ə ntsi ntsìnə̀ ə laynə yì a ghə̀ kwʉ̀ʼ. Ghə̀ ku fo a venə chò fa kədyòʼ ə Nyìngòŋ a ji la ghə̀ nè li vəghəŋ sə kɨ Nyìngòŋ. Ghə̀ dzàŋə li vəghəŋ la və ntsi a ntìntìn əbayn ə ghoʼo ghə̀ ə Nyìngòŋ, jèʼè a jisə jùŋsə ə Nyìngòŋ.

2 Bità 1:6

Ghə̀ŋ sə tsì to nə̀ viʼi və tofəvə, ghə̀ŋ be ə nghaʼa təwen ə təŋtə, kɨ ə nwensə̀, kə ghə̀ŋ a wensə to wensə ghə̀ŋ be tsi ntsìnə̀ yì a ghə̀ nè Nyìngòŋ ə saŋlə.

2 Bità 3:10

Alì Nyìngòŋ lu bvɨtə vì a kətsi a wìʼ ko ə kɨ, to nə̀ tsòŋ. A lu ndiʼ a kətsi na yi, kəfo kə zɨ̀mə fa kàŋ, ə kàŋ sàm, ə zhiʼi ə nyʉʼ no tèbe ghò yi a ghə̀ diʼi tsu, nse be mè boʼsə no tèbe nə̀ ghò yi a ghə̀ diʼi tsu.

2 Bità 3:12

Ando ghə̀ŋ ə nyʉ̀ʼ kəʼtə kətsi kì a Nyìngòŋ ə ghʉ li la Yesò lu vi, be mwomsə ə nè la kə zaŋsə vi. A lu ndiʼ a kətsi na yi, əkaŋ ə fwi, ə zhiʼi ə nyʉʼ no tèbe ghò yi a ghə̀ diʼi akàŋ.