2 Bità 2:8 - The New Testament in the Babanki language

⁸ Lòt ə ntsi to no a vəwenə a ntìntìn to a nə̀ wù ə jùŋə, ətyɨm ə wenə ku ngəʼ a wen no to mətsi ntsèm byìʼì nyʉ̀ ə byɨvə vyi a ghə̀ ə nzhʉ̀ la viʼi a venə ə nè be yenə no fa wen a ngeŋ.

2 Bità 2:8 ပူးပေါင်းရင်းမြစ်များ

1 Timotì 1:9

Vəghəŋ diʼ kɨ la əsoʼ a ghənə nko vi a viʼi və jùŋvə, soʼ a ghenə nvì a viʼi vyi a və kwàʼa ə soʼ, nə̀ əvi a və to kətʉ, nə̀ viʼi vyi a və ko gumlə Nyìngòŋ, nə̀ vi a və nè ənyʉ̀, ə byɨvə, nə̀ vi a və ko jɨ̀mə̀ a Nyìngòŋ nə̀ vi a və telə Nyìngòŋ, nə̀ viʼi vyi a və zhwi vətiʼi vəwenə kò vəlì vəwenə nə̀ vi a və zhwi viʼi vətsenvə.

Hibùlù 11:4

Abèl ə nku kəku a Nyìngòŋ, kə kuʼmə chò kə ə Kèn kə byìʼì ando ghə̀ ə nkiʼi əbyɨmə. Nyìngòŋ ə nlyɨ̀ li wen a wù kənyʉ̀ kətɨməkə byìʼì əbyɨmə ə wen. Nyìngòŋ ə ndiʼi li a Abèl la ghə̀ saŋlə byìʼì ando ghə̀ shisə li kəku kə wen. Luwen diʼ mu Abèl ə mpfʉ̀ li ali kənyʉ̀ ki a ghə̀ nè ə li bo gàʼà a vəghəŋ.

Jems 5:16

Ghə̀ŋ ə nshə̀ʼtə̀ lì mbyɨsə sə̀ŋsə à ghə̀ŋ a ntìntìn be jɨ̀mə̀ à no ndò à ghə̀ŋ a ntìntìn ndi və chʉʼ ghə̀ŋ. Jɨmə wù kənyʉ̀ kə tɨməkə kiʼ kədyòʼ kə ghoʼokə a nyʉ̀ a jɨ̀m ayi nè.