2 Bità 2:4 - The New Testament in the Babanki language

⁴ Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

2 Bità 2:4 ပူးပေါင်းရင်းမြစ်များ

Matìyò 25:41

“Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen.

Matìyò 8:29

Vəwenə yen Yesò tò yenə ə zɨmə bèm a wen la, “Wù kəŋ gho fà yès a, Wàyn Nyìngòŋ ghèn? Wù vì ə ku ngəʼ à yès mimbu kətsi kə ngəʼ yès kə kwʉʼ mu?”

Ŋwàʼlə̀ Mak 5:7

ə̀ zɨ̀mə nò a gɨ to gàʼà la, “Wù kəŋə ghò fà mò a Yesò ə wàyn Nyìngòŋ yì a ghə̀ ŋaŋtə li nkwʉʼ lì? Mà sensə̀ wù a zhiʼ Nyìngòŋ la kə wù à ku ngəʼ à mò!”

Ŋwàʼlə̀ Luk 10:18

Yesò gàʼ à vəwenə la,“Mà tə yen ando Satan lù fa kàŋ ə fəŋ tò nə̀ ghʉ a ghə̀ mwànə̀.

Ŋwàʼlə̀ Luk 8:31

Zhwì byɨvə a vyi sensə Yesò la kə ghə̀ à dzɨ̀mə̀ shìsə̀ vəwenə ə nè la vəwenə tsoʼkə a tyì nkwòŋ a ghə̀ shwemə shiʼi.

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Lumans 11:21

byìʼì ando ghə̀ sətsen ndiʼ mu ghə̀ ə maʼa li viʼi Jus, vəwenə diʼ nkàyntə̀ təntam tə fəkoʼ a fenfə, ghə̀ ne boŋsə ə wʉ̀sə ghə̀ŋ a?

Lumans 8:32

Nyìngòŋ ə ko tyen ə ku Wàyn wen la və bayntə a kəntò byìʼì vəghəŋ və tsèm. Kə le diʼi la ghə̀ na ku no əfo ə tsèm a vəghəŋ ə kwʉ̀ʼsə a kətʉ ə Wàyn wen.

2 Bità 2:11

Ntsɨŋsə Nyìngòŋ sə ə tɨmə ashɨ ə Bobo sə ghamə ndìʼsə̀sə ə ndzɨŋ a sensə, ko sə be ə gaʼa gaʼa ə zafəghə no tèbe ando sə kiʼi kədyòʼ chò vəwenə.

2 Bità 2:5

Nyìngòŋ ə nko ə̀ moʼtə viʼi mbyi a tʉʼ ə mbì ke ku ngəʼ a vəwenə. Ghə̀ ə mbyɨsə li viʼi vyi a və ko zhʉtə tebè wen nə̀ kəkuŋkə, a bwòŋ to Nuwà, ando ghə̀ nziʼi kumə ntsìnə̀ ətɨmə, wenə viʼi vətsenvə sòmbo.

2 Bità 2:9

Kə le diʼi la Bobo ə kɨ ji yì a ghə̀ zizi ghə̀ bwoŋsə viʼi wen fa tsù fa ngəʼsə vəwenə, kɨ ji yì a ghə̀ zizi ghə̀ ghaʼ ghʉ̀ viʼi və byɨvə fa tsù ə zàʼa fa kətsi kə nsòʼ.

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

Ŋwàʼlə̀ Jud 1:13

Viʼi a venə ə diʼ to nə̀ əsɨŋ a mù a mə bwìnkə̀ a ti a mù mə ghoʼo mə. To ando mu nə̀ bwìnkə̀, tenə fo ə byɨvə shisə a wen a mù. A diʼ to ndə̀ŋndəŋ to ando nyʉ̀ ə byɨvə ə və wenə fʉ̀kə̀ a ndayn. Vəwenə ə diʼ to nə̀ mədzɨ̀ŋ a mə tenə viʼi a kù, diʼ mù Nyìngòŋ ə moʼtə li kəshi kə fenə to la lèm la mə faŋ tsu to ghayn əmùʼ.

Ŋwàʼlə̀ Jud 1:6

Ghə̀ŋ kwoʼtə ətsɨŋsə Nyìngòŋ shisə a vəwenə moʼtə kəshi kì a Nyìngòŋ ə nku a vəwenə, ə chò kədyòʼ kì a vəwenə ə nkiʼ ali Nyìngòŋ ə nè, və kwiʼ vəwenə nə̀ məkwinkwinə to ghayn əmùʼ ə moʼ a kəbəŋ kəfenəkə vəwenə sə diʼ tsu kə̀ʼtə̀ to kətsi kə nsoʼ kə ghoʼo kə ə Nyìngòŋ.

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.