2 Bità 2:3 - The New Testament in the Babanki language

³ Ndìʼsə̀sə sə ndzɨŋ a sensə ə bàŋbàŋ a ko, diʼ ne ə mò mətitì mə zɨmə, lobtə to ghə̀ŋ, shi əfo ə vəŋə. Ali Nyìngòŋ ə nzìtə̀ li sə baʼtə̀ ə byɨbsə vəwenə no fa kəghaf kədyəkə. Nyìngòŋ ko bʉnə!

2 Bità 2:3 ပူးပေါင်းရင်းမြစ်များ

Matìyò 23:14

[Ngəʼ ghoʼo dìʼ a ghə̀ŋ viʼi Falàsi bènə̀ ndìʼsə̀sə təsoʼ byìʼì kəmbɨ̀lə̀ kə ashɨ. Ghə̀ŋ lobtə̀ ki mpfʉ shi məbəŋ mə vəwenə be bɨ̀lə̀ ashɨ viʼi nə̀ təjɨ̀m tə dyə̀fkətə. Byìʼì nyʉ̀ avenə no tsèm ngəʼ ghə̀ŋ lu mbyɨfə chòsə̀.”]

Ŋwàʼlə̀ Luk 18:8

Mà gàʼ à ghə̀ŋ la, Nyìngòŋ ko lə laʼtə ke soʼ ə ku nsoʼ vəwenə alì Wàyn Wìʼ le lu sə bwenə vì a nsè a shə̀, ə yen viʼi və bu byɨmə à Nyìngòŋ a?”

Ŋwàʼlə̀ Luk 20:20

Vəwenə mù ghʉ ashɨ à wen a wèn be lòʼ viʼi ə tɨm à wen a bàm la vəwenə wamə nè taʼ sə vəwenə diʼ viʼi və jùŋvə, ə bèmtə̀ nyʉ̀ a wen əzhʉ la ghə̀ ko gàʼ kənyʉ̀ ə və ghaʼ wen tsu ə ku à wìʼ a Luma a ghə̀ nsoʼ shə loʼ ayi.

Ŋwàʼlə̀ Luk 22:47

Ando Yesò mbu gàʼà a sətsèn Judàs wu muʼ fa ntyìntyìn ndzɨ̀mtə̀sə bàm wen shisə njʉ̀sə̀ bò sə̀ tensə vì nə̀ nòynə viʼi. Judàs mù vìtə̀ boʼsə Yesò ə sə̀ kəŋ jì bwamtə wen,

Joyn 2:16

ə dyʉ̀ a viʼi a və ə mbaʼlə̀ lato ə kàyn a vəwenə la, “Ghə̀ŋ lyɨ̀ fʉ̀ nə̀ məwenə fa ashə̀. Kə Ghə̀ŋ kaʼsə ngə̀ŋ Tìʼ ghom a wòŋ.”

Lumans 16:18

Tənki tə viʼi na tèntə ə ko shyèʼ a Bobo vəghəŋ Yesò. Vəwenə kəŋ to ə nə̀ nè nyʉ̀ vyi a və nfwomə a vəwenə. Vəwenə gàʼa nyʉ̀ ə fwoməvə to ə lobtə viʼi vyi a və ko shɨtə kɨ nyʉ̀.

2 Kolìntyàns 2:17

Yès ko diʼ to nə̀ nghoʼo wìʼ a və lyɨ kənyʉ̀ kə Nyìngòŋ a fo wòŋ, baʼlə a əko. A tɨm Nyìngòŋ ntɨm yès la yès ə nè shwèʼ a ghenə, Yès sə shə̀ʼtə̀ to no nəmwèʼè a nə̀ viʼi shyèʼ ə Yesò, Nyìngòŋ ə lyè yès.

1 Tèsàlonyà 2:5

Ghə̀ŋ kɨli la yes əko vi a ghə̀ŋ ə gàʼa gaʼa kənlobtə no faphen. Nyìngòŋ ə kɨ no nəmwèʼè la yes ə nko shə̀ʼtə̀ ntɨm ə jùŋ a ghə̀ŋ la ghə̀ŋ ku kəfo kətsenkə a yes.

1 Tèsàlonyà 5:3

Viʼi lu ə gàʼa la, “Mbwaʼmə diʼ, ngəʼ ko diʼ,” ngəʼ ne bvɨtə vi a vəwenə fwàynsə to alə ndə̀ŋndəŋ ando ə wùwì ne bvɨtə zhʉ əzaf ə wàyn azhʉ̀ ə bwi. Nò wìʼ fa tsu ko ne nyɨŋ.

1 Timotì 3:3

A ko diʼ ə ndi wìʼ a ghə̀ nyʉ məlyʉ̀ʼ bomə, ko ghə̀ zəʼtə viʼi, ghə̀ ko ne nyʉ̀ to kəntolə̀, ko ghə̀ diʼ wù kəŋ nsoʼo, ko wù ntaŋ, ashɨ ə wen ə ko diʼ mbò a ko.

1 Timotì 3:8

Ənyʉ̀ a venə a mà gàʼa lə̀ ə be dyʉ̀ to ndə̀ŋndəŋ à viʼi vyi a və shyèʼ a ngə̀ŋ Nyìngòŋ. Vəwenə ə diʼ ə nkiʼ ntsìnə̀ ə jùŋ, gàʼa nəmwèʼè, kə vəwenə a nku tə wen tə vəwenə à məlyʉ̀ʼ, kə ashɨ vəwenə a mbò a ko.

1 Timotì 6:5

bè vi nə̀ kəngùmə̀ kə à viʼi vi a tətof tə vəwenə tə nyɨŋ li, ko vəwenə bè kɨ kənyʉ̀ ki a kə diʼ nəmwèʼè. Vəwenə ə kwòʼtə̀ la kənyʉ̀ kə Nyìngòŋ kə diʼ jì ə ko à vəwenə.

Taytùs 1:11

Wù diʼi chiʼtə təchʉ̀ tə vəwenə byìʼàndo vəwenə kwenə à wìʼ a kəbəŋ vəwenə byɨ̀sə no nyʉ̀ ətsèm nə̀ ziʼi byɨghə aghenə. Vəwenə dìʼsə̀ viʼi nə̀ nyʉ̀ a vəwenə a və ko yi ndiʼ ndìʼsə̀ tò byìʼàndo vəwenə kəŋ kiʼi ko.

Taytùs 1:7

Ando kətʉ a ngə̀ŋ Nyìngòŋ dìʼ wù shwèʼ Nyìngòŋ, ghə̀ diʼ ndiʼ wìʼ a viʼi ko ghàmə̀ wen. Ghə̀ ko diʼ ə nzəʼtə̀ viʼi ko be dzàŋsə̀ fwisə̀ tin. Ghə̀ ko diʼ ə nyʉ məlyʉ̀ʼ bomə̀ ko be nè nyʉ̀ to kətolə̀. Ashɨ wen ko diʼ mbàŋə̀ a ko.

1 Bità 2:8

Və be ə nyòʼo a Ŋwàʼlə̀ Nyìngòŋ la: “A diʼi ngùʼ, viʼi kaŋtə tsu, a diʼ təwu, diʼ ə nè la viʼi ə foŋkə”. Viʼi ə kaŋtə tsu byìʼì ando vəwenə ko zhʉ tebè ntɨmə Nyìngòŋ, a diʼ kənyʉ̀ ki a Nyìngòŋ ə ghʉ̀ li la vəwenə nè.

2 Bità 1:16

Ənyʉ̀ vyi a yès ə shə̀ʼtə̀ a ghə̀ŋ kumə məvi ə Bobo vəghəŋ Yesò Klistò nə̀ kədyoʼkə wenkə diʼ nyʉ̀ mu yès yen li to no fa yès a ngəŋsə. A ko diʼ mətitì mə zɨmə a wù ə tofə ə tsen shə̀ʼtə̀.

2 Bità 2:1

Ndìʼsə̀sə ə dzɨŋsə na fʉ̀ kuʼ a ghə̀ŋ a ntìntìn to ndə̀ŋndəŋ ando a ndiʼ a tʉʼ ə mughə, nshə̀ʼtə̀sə dzɨŋsə fʉ̀ kuʼ a viʼi ntìntìn. Sə na fʉ̀ kuʼ, ə nyoʼtə ziʼi əziʼi ə dzɨŋ, ghə̀ ne la viʼi fəŋkə. Sə na fʉ̀ ə ntensə no Bobo yi a ghə̀ ə zen kətʉ kə ə vəwenə byìʼì Wokèn, Nyìngòŋ ə na bvɨtə byɨbsə vəwenə.

2 Bità 2:9

Kə le diʼi la Bobo ə kɨ ji yì a ghə̀ zizi ghə̀ bwoŋsə viʼi wen fa tsù fa ngəʼsə vəwenə, kɨ ji yì a ghə̀ zizi ghə̀ ghaʼ ghʉ̀ viʼi və byɨvə fa tsù ə zàʼa fa kətsi kə nsòʼ.

Ŋwàʼlə̀ Jud 1:11

Ngəʼ ə ghoʼo ə diʼ a vəwenə a kətʉ! Vəwenə ə tsi tò ntsìnə̀ yì a Keyn ə ntsi ə zhwi lèmə̀ wen. Vəwenə ə nyɨŋə to fa bàm əko ando Balàm ə nyɨŋə. Vəwenə nto kətʉ ə tyen ə zhʉ Nyìngòŋ to nə̀ Kolà, ghə̀ sə diʼ ə byɨbsə vəwenə to ando ghə̀ ə mbyibsə Kolà.

Ŋwàʼlə̀ Jud 1:15

diʼ ə soʼ to viʼi və tsèm ə diʼi ə laynsə nyʉ̀ ə byɨvə ə viʼi vyi a vəwenə nè, nə̀ a gaʼa əbyɨghə yì a viʼi ŋwʉ̀ʼ gàʼà kùmə̀ wen.”

Ŋwàʼlə̀ Jud 1:16

Viʼi a venə faŋ li sə dèmkə̀ to dèmkə̀, be ghàmə̀ viʼi vətsenvə to ghàmə̀. Vəwenə ə nè to nyʉ̀ vyi a təkwòʼtə̀ tə vəwenə tə diʼ, a ghoʼtə to gaʼa ə ghaŋsə əwen a vəwenə a təchʉ̀. Vəwenə ə lobtə viʼi gaʼa gaʼa ə jùŋ ghə̀ ə kiʼi kəfo a vəwenə kəŋ.

Ŋwàʼlə̀ Jud 1:4

Ma gaʼa alə byìʼì ando viʼi vətsenvə nyoʼtə li ə kwen a ghə̀ŋ a ntìntìn, a diʼ viʼi mu və kaʼsə li əboŋ ətyɨm Nyìngòŋ yi a vəghəŋ ə kuʼsə, ə lyɨ̀ sə nè nyʉ̀ ə kəfwaʼlə vəwenə tsu. Viʼi a venə ə ko kɨ Nyìngòŋ, tensə ndìʼsə̀ vəghəŋ mùʼ yi a vəghəŋ ə kiʼi, a diʼ Bobo Yesò Klistò. Ŋwàʼlə̀ Nyìngòŋ sə diʼ mù ghə̀ ə ngaʼa li kumə nkì ə viʼi a vyi ə shə̀ʼtə̀ la Nyìngòŋ ə lu soʼo byɨbsə vəwenə.

Ŋwàʼlə̀ Jud 1:7

Ghə̀ŋ be kwòʼtə̀ loʼ Sodòm nə̀ loʼ Gòmolyà nə̀ tə loʼ tə tsen titə a tə mboʼsə təloʼ a tentə. Ghə̀ŋ lyɨ̀ a kəchʉtə to ando viʼi loʼ a venə ə tsì to tsì a nyʉ̀ byɨvə ə vəwenə wenə ki, lyʉmə be tsi nə̀ lyʉmə. Nyìngòŋ mbyibsə li vəwenə nə̀ zhiʼ ndi kə ndiʼ a nə̀ kəchʉtə kə a viʼi vətsenvə və la Nyìngòŋ lu soʼ ə byɨbsə vəwenə nə̀ zhiʼi a ghə̀ ko lu mè.