2 Bità 2:2 - The New Testament in the Babanki language

² Viʼi Nyìngòŋ vətsenvə ə na dzɨ̀mtə̀ təziʼi təbyɨtə ə vəwenə be nshəmə ə ntsìnə̀sə kəfwaʼlə sə vəwenə na sensə to kədə̀ŋ, viʼi zìtə̀ ə ngaʼa əgaʼa ə əbyɨghə kumə Ji yì a ghə̀ diʼi nəmwèʼè.

2 Bità 2:2 ပူးပေါင်းရင်းမြစ်များ

Matìyò 22:16

vəwenə mù tɨm ndzɨ̀mtə̀sə bàm vəwenə sətsensə bènə̀ viʼi shwèʼ Helòd vətsenvə gàʼà la vəwenə dyʉ̀ gàʼà Yesò la, “Ndìʼsə̀, yès kɨ la wù gàʼà tò nəmwèʼè, ziʼi tò kənyʉ̀ à diʼ tò kənyʉ̀ kə nəmwèʼè byìʼì Nyìngòŋ, kènla wù fwaynə təkwòʼtə̀ tə viʼi byìʼàndo à dìʼ à wù viʼi vətsèm diʼ tò ndə̀ŋndəŋ.

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Matìyò 7:14

Alì, əchʉ̀ ə mbàyn yi a ghə̀ dyʉ̀ akəshi kəbwòŋ ə faʼsə no alə̀, ji yi a ghə̀ dyʉ̀ tsu ə tyetə no alə̀, viʼi və ghoʼvə ko yenə.

Ŋwàʼlə̀ Mak 12:14

Vəwenə vì gàʼ à Yesò la, “Ndìʼsə̀, yès kɨ li la wù lu ngàʼà tò nəmwèʼè kò wu lu mfànə̀ la viʼi kwòʼtə̀ la ghò lo byìʼàndo àdìʼ à wù viʼi vətsèm diʼ tò ndə̀ŋndəŋ. Wù ziʼì tò kənyʉ̀ kə nəmwèʼè byìʼì Nyìngòŋ. Shə̀ʼtə à yès la àdìʼ à wù a kwòʼtə̀, soʼo byɨmə la və moʼ kənsè à fòn ghoʼo a Lum mu ghə̀ ko byɨmə lo? Vəghəŋ ə̀ mòʼò mu kə vəghəŋ à mòʼò lo?”

Ŋwàʼlə̀ Mak 13:22

Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Shwèʼ 13:10

ə̀ gàʼ à wen la, “Wù dìʼ alə̀, diʼ wù Deblə̀, wù ko kòŋ əyen kənyʉ̀ kə jùŋə kə no mpfen. Wù kɨ li jisə mənàŋ sə byɨsə no sətsèm, be mwòmsə əkaʼsə nyʉ̀ nəmwèʼè kùmə̀ Bobo a ndzɨ̀ŋsə.

Shwèʼ 14:2

Viʼi Jus vi a vəwenə ntyèn la vəwenə ko byɨmə à Bobo lì zìtə̀ sə bosə̀ viʼi tɨm vi la tinsə vəwenə sə mfwi à wèn viʼi avenə.

Shwèʼ 16:17

Ghə̀ dzɨ̀mtə̀ yo və Bol, zɨmə̀ gàʼà vì tò la, “Viʼi venə diʼ viʼi a və shyèʼè à Nyìngòŋ yì a ghə̀ Ŋaŋtə Chò vənyìngòŋ no vətsèm lì. Vəwenə shə̀ʼtə̀ jì a Nyìngòŋ zì ghə̀ bwoŋsə ghə̀ŋ fa tsu.”

Shwèʼ 18:26

Blisilyà wenə̀ Akwilà nè zhʉ̀ ziʼi yi a ghə̀ nziʼi nə̀ tyɨmə toghə a ngə̀ŋ ntsèntə̀ ə̀ gàʼ la Abolòs vì a vəwenə ngə̀ŋ. Ghə̀ vì, vəwenə shɨ̀tə̀ shə̀ʼtə̀ jì yì a wen a Nyìngòŋ kəŋ la viʼi ntsi fa tsu.

Shwèʼ 19:9

Viʼi vətsenvə fa vəwenə a ntìntìn to kətʉ ə̀ tyèn la vəwenə ko a byɨmə kənyʉ̀ akì a Bol ngàʼà lì, bè gàʼ nyʉ̀ byɨvə tsenəvə à viʼi a shɨ byìʼì Jì yì a Bobo nkəŋə la və ntsi fa tsu. Bol mù ghʉ̀sə vəwenə ə̀ lyɨ̀ viʼi vəbyɨməvə vi wenə̀ vəwenə sə̀ dyʉ̀ tò mətsi ntsèm a ngə̀ŋ yì a Tylannùs nziʼi viʼi tsu, soʼo nyʉ̀ tsu wenə̀ viʼi.

Shwèʼ 22:4

Mà nyàblə̀ nə̀ viʼi vəbyɨməvə a və ndzɨ̀mtə̀ Jì fi ghèn a no nkàntə̀ mò ə jèʼè fa tsu layn lə̀, ə̀ zhwilə vətsenvə. Mà nghaʼtə lʉmə nə̀ ki shwìnə̀ a mfɨŋ.

Shwèʼ 24:14

Kənyʉ̀ kì kə mùʼ a mà zì mà byɨmə dìʼ tò la, mà kuʼsə Nyìngòŋ, dzɨ̀mtə̀ Jìsə shì a Bobo kəŋə la viʼi ntsi fa tsu no tè ando vəwenə gàʼà la àdìʼ jisə ndzɨ̀ŋsə. Nyìngòŋ aghèn a mà ghoʼsə̀ lə̀ dìʼ yì a vətìʼ və vəghəŋ nghoʼsə̀ fa mbi. Mà be byɨmə a nyʉ̀ vyi a və nyòʼò a soʼ Mosìs no tsèm bènə̀ vi a və nyòʼò a vəŋwàʼlə̀ və nshə̀ʼtə̀sə səghoʼkəsə.

Lumans 2:24

Və nyòʼò li a Ŋwàʼlə̀ Nyìngòŋ la, “Viʼi ətɨm ə gaʼa nyʉ̀ ə byɨvə kumə Nyìngòŋ, a nè ghə̀ŋ viʼi Jus, byìʼàndo ghə̀ŋ ko tsi ando Əsoʼ ə ghəŋə ə kəŋ.”

1 Timotì 5:14

Mà lə kəŋ la ki mphʉ vi a və ko dwìn bwènsə̀ lam ə mbwi vunə tùʼmə̀ nə̀ ngwaʼ ngə̀ŋ vəwenə ndi kə viʼi kəbàyn vəghəŋ a kiʼi jì ə ngàʼà ənyʉ̀ ə byɨvə byìʼì vəghəŋ.

Taytùs 2:5

Ki vətokəvə avenə diʼ ndìʼsə̀ ki a və bò làm tò lamə la vəwenə nghaʼa təwen tə vəwenə be laynə à vəwenə ntsìnə̀sə, shwèʼè à vəwenə aloʼ, tùʼmə̀ be zhʉmə̀ vəlɨm və vəwenə, ndi kə wìʼ à nkiʼ no kənyʉ̀ kə byɨkə kətsenkə gàʼ byìʼì kənyʉ̀ kə Nyìngòŋ.

Taytùs 2:8

Ə ndìʼsə̀ tò kənyʉ̀ a kə diʼì nəmwèʼè ndiʼi kə viʼi be a nkiʼi kənyʉ̀ əgàʼ byìʼì kəwenkə ndi ətʉ viʼi kəbàyn ə vəghəŋ ndiʼ ando vəwenə ko be a kiʼi kənyʉ̀ kəbyɨkə gàʼ byìʼì vəghəŋ.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.

2 Bità 2:12

Alì ndìʼsə̀sə ə dzɨŋ a sensə ə dèmə̀ nè to nyʉ̀ to nə̀ nyamsə ətòʼ, a və shɨtə to la viʼi ə nku zhwilə. Vəwenə ə tsəʼsə nyʉ̀, ko və kɨ. Nyìngòŋ ə lu byɨbsə vəwenə to nə̀ ə nyamsə ətòʼ a sensə.

2 Bità 2:15

Vəwenə moʼtə li ji ə jùŋ sə jèʼe fa ji ə̀ Balàm, ə wàyn Beyò yi a ghə̀ ə kòŋ əko yi a ghə̀ ə nkiʼ, fa nyʉ̀ ə byɨvə vyi a ghə̀ nè.

2 Bità 2:18

Vəwenə ə ghaŋsə wèn gàʼà no nànto be gàʼà gaʼa ə kənkoyn, lobtə viʼi vyi a və sə nyɨŋ fʉ̀ vi fa a ntìntìn ə̀ viʼi vyi a və ko kɨ ji Nyìngòŋ, kəŋ la viʼi a vyi vi ə tsèntə vəwenə, wenə vəwenə ə nè nyʉ̀ vyi a njòsə əwen ə̀ vəwenə sə kòŋ.

2 Bità 2:21

Kə sətsen ə ndiʼ alə̀, mù kə tə boŋsə boŋ la vəwenə faŋ kò və lu kɨ ji ntsìnə̀ ə tɨmə no fa mphen, chò ando vəwenə kɨ ə mbe bwensə ko və be zhʉ tebè əsoʼ ə laynə yì a və nku a vəwenə.

2 Bità 2:7

Ghə̀ ə sə byɨbsə təloʼ a tentə ə bwoŋsə Lòt. Lòt ndiʼ wù kənyʉ̀ kətɨməkə, ghə̀ nki ə ntsìnə̀sə kəfwaʼlə shisə a viʼi lòʼ a venə ə̀ tsi, kənyʉ̀ a kì ku ngəʼ a wen no nànto.

Ŋwàʼlə̀ Jud 1:10

Alì viʼi venə ə sə gàʼà nyʉ̀ byɨvə kumə nyʉ̀ vyi a vəwenə ə zhʉ, ko və lu kɨ. Vəwenə kwoʼtə ənyʉ̀ to nə̀ nyamsə tətòʼ, a diʼ nyʉ̀ a venə a və byɨsə vəwenə.

Ŋwàʼlə̀ Jud 1:15

diʼ ə soʼ to viʼi və tsèm ə diʼi ə laynsə nyʉ̀ ə byɨvə ə viʼi vyi a vəwenə nè, nə̀ a gaʼa əbyɨghə yì a viʼi ŋwʉ̀ʼ gàʼà kùmə̀ wen.”

Ŋwàʼlə̀ Jud 1:4

Ma gaʼa alə byìʼì ando viʼi vətsenvə nyoʼtə li ə kwen a ghə̀ŋ a ntìntìn, a diʼ viʼi mu və kaʼsə li əboŋ ətyɨm Nyìngòŋ yi a vəghəŋ ə kuʼsə, ə lyɨ̀ sə nè nyʉ̀ ə kəfwaʼlə vəwenə tsu. Viʼi a venə ə ko kɨ Nyìngòŋ, tensə ndìʼsə̀ vəghəŋ mùʼ yi a vəghəŋ ə kiʼi, a diʼ Bobo Yesò Klistò. Ŋwàʼlə̀ Nyìngòŋ sə diʼ mù ghə̀ ə ngaʼa li kumə nkì ə viʼi a vyi ə shə̀ʼtə̀ la Nyìngòŋ ə lu soʼo byɨbsə vəwenə.

Ŋwàʼlə̀ Jud 1:7

Ghə̀ŋ be kwòʼtə̀ loʼ Sodòm nə̀ loʼ Gòmolyà nə̀ tə loʼ tə tsen titə a tə mboʼsə təloʼ a tentə. Ghə̀ŋ lyɨ̀ a kəchʉtə to ando viʼi loʼ a venə ə tsì to tsì a nyʉ̀ byɨvə ə vəwenə wenə ki, lyʉmə be tsi nə̀ lyʉmə. Nyìngòŋ mbyibsə li vəwenə nə̀ zhiʼ ndi kə ndiʼ a nə̀ kəchʉtə kə a viʼi vətsenvə və la Nyìngòŋ lu soʼ ə byɨbsə vəwenə nə̀ zhiʼi a ghə̀ ko lu mè.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Kəmwetə 13:14

Byìʼì ənyʉ̀ kanəvə avenə a Nyìngòŋ ə nghʉsə nyàm ətoʼ aghèn sə̀ nè a shɨ nyàm ətoʼ ə̀ mbì yì lì lobtə viʼi vətsèm a və̀ ntsi a nse ə̀ gàʼ la vəwenə shɨtə kənshyə̀ʼsə̀ kə nyàm ətoʼ kì a ghə̀ ə̀ nkìʼ əlyom ə toghə mu və bvàʼ nə̀ nyì ə ngwoləŋ alì ghə̀ bu sə diʼ tò to lì.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.