2 Bità 2:19 - The New Testament in the Babanki language

¹⁹ Vəwenə ə ghʉ viʼi a venə gàʼa la vəwenə a nè, ko viʼi a vyi ə be diʼ əkòs, ali nkàyntə̀ vəwenə diʼ əkòs a vəwenə a mbyɨsə. Kə diʼ alə̀ byìʼì ando no tèbe ghò nə̀ zhʉsə tisə wìʼ, ghə̀ sə shyèʼ to kəkòs a kəwenkə.

2 Bità 2:19 ပူးပေါင်းရင်းမြစ်များ

Joyn 8:34

Yesò ə gàʼ a vəwenə la, “Ma gaʼa a ghə̀ŋ to no nəmwèʼè la, no ndò yì a ghə̀ ne mbyɨ diʼ kəkòs a mbyɨ.

Shwèʼ 19:16

Ando kə ngàʼa a lì, wìʼ ayì a ghə̀ nkiʼ kəzhwì kə byɨkə akì shen ə̀ ghaʼ vəwenə no vətsèm, ə̀ ghòm no a nkàyn. Vəwenə nyɨŋkə fʉ̀ fà ngə̀ŋ ayì mu və bàtə li ndisə vəwenə bè lyomsə vəwenə a ji byɨ.

Gàlesìyà 5:1

Klistò shisə li vəghəŋ fa əshyèʼ kəkòs, ndi vəghəŋ ə ndiʼ fa vəghəŋ a ngəŋ. Ghə̀ŋ nshɨtə lì ghaʼ təwen ə təŋtə, kə wìʼ be na bwensə ne ghə̀ŋ, ghə̀ŋ əshyèʼè kəkòs a soʼ.

Gàlesìyà 5:13

Vəlemə vwomə a byɨmə, Nyìngòŋ ntsuʼtə li ghə̀ŋ la kə ghə̀ŋ be andiʼ əkòs a əsoʼ ali, kə ghə̀ŋ ghʉ la ando ghə̀ŋ sə diʼ fa ngə̀ŋ la ghə̀ŋ zizi ghə̀ŋ ə nkwetə tèbe ghò yi a ghə̀ fwomə a ghə̀ŋ njòsə wen, ghə̀ŋ sə ne to ne. Ghə̀ŋ ə boŋsə kòŋ təwenə təŋtə. Ə kòŋ a yi ne ghə̀ŋ shyèʼè a vəlemə vəŋə vətsenvə.

2 Timotì 2:26

Vəwenə sə dìʼ mu və fəŋ li a kətam nə̀ Deblə̀ ə sə ə ne ə shwèʼ ə wen, alì mu Nyìngòŋ zi ghə̀ ne tə tof tə vəwenə bwenə vi, vəwenə nyɨŋ fʉ̀ fa kətam a ghèn.

Taytùs 3:3

Andìʼ a mbì nkàyntə̀ vəghəŋ ə̀ dzɨ̀ŋtə̀ kèn la vəghəŋ ə zhʉ gɨ̀ be nè shwè. Vəghəŋ ndìʼ əkòs à tənkì tə nyʉ̀ mbi, be nè no ghò a vəghəŋ ə̀ nkòŋ ənè. Vəghəŋ ə ntsi tò a ne ənyʉ̀ byɨvə be shəmə, viʼi bàynə̀ vəghəŋ, vəghəŋ be kiʼ kəbàyn à vəghəŋ a ntìntìn,

1 Bità 2:16

Ghə̀ŋ ə tsi to nə̀ viʼi vyi a və tsi to fa vəwenə a ngeŋ, ko və diʼ kəkòs a wìʼ. Alì, kə ghə̀ŋ lyɨ nakènkə chò fa yi a bàm ə nlyomtə mbyɨ a ghə̀ŋ ntsìnə̀sə. Ghə̀ŋ ə boŋsə tsi to nə̀ viʼi vyi a və shyèʼ a Nyìngòŋ.

2 Bità 1:4

A diʼ a ji na ghèn a Nyìngòŋ ə lwinsə li kənyʉ̀ kə ghʉkə kikə a ghə̀ ə nghʉ̀ la ghə̀ lu ku kəku kə jùŋ kə kə kaynəkə, la kə gyamtə vəghəŋ la vəghəŋ nyɨŋ fʉ̀ fa nyʉ̀ ə byɨvə yi a njòsə wensə ə vi nə̀ wenəvə a mbi ashə və byɨbsə viʼi, ə boŋsə tsi ntsìnə̀ Nyìngòŋ.

2 Bità 2:20

Viʼi sətsen kiʼi Bobo, ə Mbwòŋsə̀ vəghəŋ Yesò Klistò ə nyɨŋ fʉ̀ fa nyʉ̀ ə mbi ə be lu bwensə kwen tsu, kə tisə vəwenə, a viʼi a vyi a byifə chò ando və ə ndiʼ fa ambì.