2 Bità 2:17 - The New Testament in the Babanki language

¹⁷ Ndìʼsə̀sə dzɨŋ a sensə ə diʼ to nə̀ ashɨ məghòm azhʉ̀ mə zɨmə. Vəwenə nə̀ diʼ to nə̀ mboʼsə a zhʉ̀ a təfwof tə totə nə̀ tenə chò. Nyìngòŋ ə sə diʼ mù ghə̀ shɨtə li kəshi a vəwenə, kə fenə to la lèm.

2 Bità 2:17 ပူးပေါင်းရင်းမြစ်များ

Matìyò 22:13

Fòyn mù gàʼ à viʼi shwèʼ wen la, “Ghə̀ŋ kwiʼ akwoŋ wen bènə̀ afwen wen shìsə̀ wen mòʼò dyʉ̀ a kəbəŋ kə fenəkə a kəshi a ghə̀ a nlyuŋlyuŋ dì tsu be pfiʼi asoŋ wen.”

Matìyò 25:30

Ghə̀ŋ shisə wù shwèʼ byɨ ghèn, tem a kəbəŋ kə fenəkə, a kəshi a ghə̀ a nlyuŋlyuŋ dì tsu be pfiʼi asoŋ wen.

Matìyò 8:12

Və lu bòŋsə̀ dzɨ̀m vunə ntuʼ vyì a və diʼ ndiʼ tsu, ə vəwenə fʉ̀ dyʉ̀ a tyì kəbəŋ kəfenəkə a və ne ndì sə̀ʼtə̀, pfiʼ asoŋ vəwenə.”

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Hibùlù 12:18

Ghə̀ŋ diʼ alə̀ ko andiʼ la ghə̀ŋ fʉ̀ tɨmə ashɨ Nyìngòŋ ando vunə Islel ə ntɨmə. Vəwenə ə̀ fʉ̀ li tɨmə ə sə ki dyʉ̀sə, yen phèn Sinày, ghə̀ diʼ mù və zizi və kum, zhiʼi ə bole kuʼu ayi kətʉ̀. Vəwenə nyen li shi, və fenə to la lèm, təfwof tə totə ə be chò,

2 Bità 2:4

Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

Ŋwàʼlə̀ Jud 1:6

Ghə̀ŋ kwoʼtə ətsɨŋsə Nyìngòŋ shisə a vəwenə moʼtə kəshi kì a Nyìngòŋ ə nku a vəwenə, ə chò kədyòʼ kì a vəwenə ə nkiʼ ali Nyìngòŋ ə nè, və kwiʼ vəwenə nə̀ məkwinkwinə to ghayn əmùʼ ə moʼ a kəbəŋ kəfenəkə vəwenə sə diʼ tsu kə̀ʼtə̀ to kətsi kə nsoʼ kə ghoʼo kə ə Nyìngòŋ.