2 Bità 2:1 - The New Testament in the Babanki language

¹ Ndìʼsə̀sə ə dzɨŋsə na fʉ̀ kuʼ a ghə̀ŋ a ntìntìn to ndə̀ŋndəŋ ando a ndiʼ a tʉʼ ə mughə, nshə̀ʼtə̀sə dzɨŋsə fʉ̀ kuʼ a viʼi ntìntìn. Sə na fʉ̀ kuʼ, ə nyoʼtə ziʼi əziʼi ə dzɨŋ, ghə̀ ne la viʼi fəŋkə. Sə na fʉ̀ ə ntensə no Bobo yi a ghə̀ ə zen kətʉ kə ə vəwenə byìʼì Wokèn, Nyìngòŋ ə na bvɨtə byɨbsə vəwenə.

2 Bità 2:1 ပူးပေါင်းရင်းမြစ်များ

Matìyò 10:33

A sətsèn no ndo mo mò ashɨ ə viʼi, no nkàyntə̀ a mò lə̀ mo wen ashɨ ə Tìʼ ghom a kaŋ.

Matìyò 24:11

Nshə̀ʼtə̀sə kənlobtə lu tu fʉ̀ no sə ghoʼo ə lobtə nghoʼo viʼi.

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Matìyò 24:5

Viʼi lu Mvì no və ghoʼo lyɨ̀ zhiʼ ghomə gàʼà la, à diʼ mò yì a və ntsuʼ li ə̀ ghʉ lì ə lobtə nghoʼo viʼi a ji a ghèn.”

Matìyò 7:15

“Ghə̀ŋ ə tùʼmə̀ byìʼì nshə̀ʼtə̀sə ndzɨŋsə. Və nè sə ə vi a ghə̀ŋ, ə kə̀ʼ akəʼ to nə̀ byisə njɨ̀ alì a diʼ to no nyamsə kəbo.

Ŋwàʼlə̀ Mak 13:22

Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

Ŋwàʼlə̀ Luk 12:9

No məndo a ghə̀ sətsen tensə ghə̀ ko diʼ wù ghom ashɨ viʼi, Wàyn Wìʼ be lù boŋ mò wen ashɨ ntsɨ̀ŋsə Nyìngòŋ.

Ŋwàʼlə̀ Luk 21:8

Ghə̀ gàʼ la, “Ghə̀ŋ tùʼmə̀ la kə wìʼ lù lobtə ghə̀ŋ. Viʼi lu nvì no və ghoʼo diʼ la və vì à mò a zhiʼ. Gàʼà la, Ma diʼ no nkàyntə wen yi lə̀, be gàʼà la ‘Zhʉ kwʉʼli luwen!’ Ghə̀ŋ zhʉ alì kə wì à dzɨ̀mtə̀ vəwenə.

Ŋwàʼlə̀ Luk 6:26

“Ngəʼ ghoʼo diʼ à ghə̀ŋ a zhʉ no məndo gàʼà jùŋ byìʼì ghə̀ŋ byìʼàndo à ndiʼ tò alì a vətìʼ və vəwenə nè à nshə̀ʼtə̀sə kənlobtə.

Lumans 16:18

Tənki tə viʼi na tèntə ə ko shyèʼ a Bobo vəghəŋ Yesò. Vəwenə kəŋ to ə nə̀ nè nyʉ̀ vyi a və nfwomə a vəwenə. Vəwenə gàʼa nyʉ̀ ə fwoməvə to ə lobtə viʼi vyi a və ko shɨtə kɨ nyʉ̀.

1 Kolìntyàns 11:19

Kəgəsə kə yi ndiʼ ndiʼ a ghə̀ŋ a ntìntìn, ndi və nshɨtə yenə kɨ nkàyntə̀ viʼi Nyìngòŋ.

1 Kolìntyàns 6:20

Nyìngòŋ sə diʼ mù ghə̀ zen li ghə̀ŋ ə lòʼ. Ghə̀ŋ lyɨ̀ li təwen ə təŋtə ə nè nyʉ̀ tsu a və ku əkuʼsə a Nyìngòŋ.

1 Kolìntyàns 7:23

Nyìngòŋ sə diʼ mù ghə̀ zen li ghə̀ŋ ə lòʼ. Kə ghə̀ŋ bè a kaʼkə ndiʼ əkòs a viʼi.

Gàlesìyà 2:4

Kənyʉ̀ a kèn la və shətə ndyə̀ Taytùs ə fʉ mu à lùsə viʼi və byɨməvə kənlobtə vətsenvə tsu, a və vi nyoʼtə kwen a yès a ntìntìn ə sə mwòmsə ə yen la yes ə tsi ntsìnə̀ yi a yes ə tsi fa yes a ngəŋsə yo və Yesò Klistò a kənyʉ̀ kəmùʼ ale lo. Vəwenə ə kəŋ to ji ə bwensə nè yès ndiʼ əkòs a əsoʼ ə viʼi Jus.

Gàlesìyà 3:13

Klistò mbwensə li zen kətʉ kə vəghəŋ fa ngəʼ yi a Əsoʼ ə nshiʼsə a vəghəŋ kətʉ. Ghə̀ ne alə a ji la ghə̀ shi li ngəʼ na yi a vəghəŋ a kəshi, byìʼì ando və nyoʼo li a ŋwàʼlə̀ la, “Ngəʼ Nyìngòŋ ne diʼ no tèbe a ndò yi a və sɨŋsə wen a fəkoʼ.”

Gàlesìyà 4:17

Viʼi na vi ə lɨmə to alə a ghə̀ŋ kənyʉ̀ ndi ghə̀ŋ byɨmə kənyʉ̀ a vəwenə gaʼa, ali kiʼ to əkwoʼtə ə byɨghə. Vəwenə ə kəŋ la ghə̀ŋ moʼtə mo ə lɨmə to nyʉ̀ a vəwenə gaʼa.

Gàlesìyà 5:20

gumlə nshəʼsə, shəŋə mənyoʼ, bàynə̀ viʼi, soynə, kiʼi kəghəʼ, zaŋsə fwisə tin, kwoʼtə kumə to tə wèn tə vəwenə, ə vi nə̀ kəgəsə kə, gə̀sə̀ viʼi a mənoyntə

Efisyàns 1:7

Yesò zen li kətʉ kə vəghəŋ nə̀ mənlyuŋ mə wen mì a ghə̀ nshʉ̀ʼ ando ghə̀ mpfʉ̀, Nyìngòŋ ə mu lyesə ə ku mbyɨsə vəghəŋ. Nakènkə diʼi ətyɨm ə jùŋ ghə̀ kaynə ghə̀ wen yi a ghə̀ kiʼi a vəghəŋ.

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Filìbàyns 3:19

Nyìngòŋ ə ne byɨsə vəwenə byìʼàndo Nyìngòŋ ə̀ vəwenə dìʼ njòsə wèn ə̀ vəwenə kəŋ. Vəwenə bòŋsə̀ kuʼsə̀ wen byìʼì ənyʉ̀ ə kətʉ kə diʼikə be kwòʼtə̀ tò byìʼì ə̀fo mbyi venə.

Kòlòsyàns 2:18

Kə ghə̀ŋ moʼtə wìʼ gàʼ a ghə̀ŋ la ghə̀ŋ shiʼsə təwenə təŋtə a nse be gumlə ətsɨŋsə Nyìngòŋ, a bwen ali a ghə̀ŋ a gho əmòʼtə ə ghenə. Vəwenə nə̀ kumə gàʼa la nyʉ̀ ə venə ə fʉ a vəwenə alə to sə a tsi jòmsə, kwòʼtə̀ ə vəwenə diʼ to əkwoʼtə ə byɨghə ne vəwenə ghaŋsə əwen to kədyàŋ.

Kòlòsyàns 2:8

Ghə̀ŋ tuʼmə kə wìʼ ne lobtə ghə̀ŋ nə̀ ətof ə zɨmghə ə lyɨ̀ ghə̀ŋ a əkòs. Tənki tə ətof tèntə kiʼi kənyʉ̀ kumə to ətsìnə̀sə lòʼ viʼi di əzhwi vi a və soʼo mbi. Ətof na yi ko kiʼi kənyʉ̀ kumə Klistò.

1 Timotì 5:8

A sətsen te ndò nyɨŋ la ghə̀ ko tùʼmə̀ nə̀ viʼi ngwaʼ ngə̀ŋ wen, ma tuʼtə gàʼa viʼi ti ngə̀ŋ wen, kə ne diʼi la ghə̀ tensə li ənyʉ̀ vyi a wù ə byɨmə ə diʼ nè mu ghə̀ byɨfə chò no tebe wìʼ yi a ghə̀ ko təmə ə ndiʼ wù ə byɨmə no fa mpfen.

2 Timotì 4:3

Mà gàʼà alə byìʼì ando ə zhʉ ne vì, a viʼi kə be ne kòŋ ə nzhʉtə əziʼi yi a ghə̀ diʼì ziʼi nəmwèʼè, alì ə bòŋsə kəŋ ə zhʉ ənyʉ̀ vyi a vəwenə kòŋ. Vəwenə ne jèʼè gubtə̀ ndìʼsə̀sə sə vi ə ziʼi ənyʉ̀ a venə à vəwenə.

Taytùs 1:11

Wù diʼi chiʼtə təchʉ̀ tə vəwenə byìʼàndo vəwenə kwenə à wìʼ a kəbəŋ vəwenə byɨ̀sə no nyʉ̀ ətsèm nə̀ ziʼi byɨghə aghenə. Vəwenə dìʼsə̀ viʼi nə̀ nyʉ̀ a vəwenə a və ko yi ndiʼ ndìʼsə̀ tò byìʼàndo vəwenə kəŋ kiʼi ko.

Taytùs 3:10

Wìʼ ə mvì nə̀ kəngə̀sə̀ kə, wu pfàntə̀ wen əzaʼa aghayn à bò. Wìʼ ayì faŋ ke kwitə, wù ghʉ̀sə dyʉ̀ nə̀ wen,

Hibùlù 10:29

Kə sətsen ndiʼ mu kə ndiʼ alə̀ achʉʼ ə Mosìs, kə lu ndiʼ no ale a viʼi vyi a və chasə Wàyn Nyìngòŋ a? Kə lu ndiʼ no ale a wìʼ a ghèn a ghə̀ faŋ ke lyɨ̀ mənlyuŋ mì a Nyìngòŋ ə zhɨ̀ məkàyn ə shʉ̀ ə laynsə mbyɨsə wen a kənyʉ̀ a? Kə lu ndiʼ no ale a wìʼ a ghèn a ghə̀ telə kəzhwì kə Nyìngòŋ, a diʼ kəwenkə a kə diʼi ətyɨm ə jùŋə ghə̀ Nyìngòŋ a?

1 Bità 1:8

Ghə̀ŋ nkòŋ wen no tèbe ando ghə̀ŋ ə ko tɨmə yènə wen, ghə̀ŋ be ə byɨmə a wen, ko ghə̀ŋ lu yenə tèbe wen luwen. Ghə̀ŋ ə saŋlə no nànto, a ji ə kaynə ə yì a wìʼ zizi ko ghə̀ lu shə̀ʼtə̀.

2 Bità 2:3

Ndìʼsə̀sə sə ndzɨŋ a sensə ə bàŋbàŋ a ko, diʼ ne ə mò mətitì mə zɨmə, lobtə to ghə̀ŋ, shi əfo ə vəŋə. Ali Nyìngòŋ ə nzìtə̀ li sə baʼtə̀ ə byɨbsə vəwenə no fa kəghaf kədyəkə. Nyìngòŋ ko bʉnə!

1 Joyn 2:26

Mà nyòʼò kènkə à ghə̀ŋ bìʼì viʼi vyi a və lu lobtə ghə̀ŋ.

1 Joyn 4:1

Viʼi ndoŋsə mò, kə ghə̀ŋ a mbyɨmə viʼi vətsèm a və gàʼà la vəwenə kiʼ kəzhwì, alì ghə̀ŋ mwomsə vəwenə ə yen la, tì kəzhwì akì lù fà Nyìngòŋ lo. Ghə̀ŋ diʼ ənè a lì byìʼàndo nshə̀ʼtə̀sə ndzɨŋsə fʉ li se jèʼè fa mbi no səghoʼo.

Ŋwàʼlə̀ Jud 1:18

Vəwenə ə ngàʼà la, “Məntsi mə kəmwetə lu kwʉ̀ʼ ə viʼi fʉ nchəʼ ghə̀ŋ, à diʼ viʼi vyi a və tsi to ando njòsə wen ə vəwenə sə kəŋə.”

Ŋwàʼlə̀ Jud 1:4

Ma gaʼa alə byìʼì ando viʼi vətsenvə nyoʼtə li ə kwen a ghə̀ŋ a ntìntìn, a diʼ viʼi mu və kaʼsə li əboŋ ətyɨm Nyìngòŋ yi a vəghəŋ ə kuʼsə, ə lyɨ̀ sə nè nyʉ̀ ə kəfwaʼlə vəwenə tsu. Viʼi a venə ə ko kɨ Nyìngòŋ, tensə ndìʼsə̀ vəghəŋ mùʼ yi a vəghəŋ ə kiʼi, a diʼ Bobo Yesò Klistò. Ŋwàʼlə̀ Nyìngòŋ sə diʼ mù ghə̀ ə ngaʼa li kumə nkì ə viʼi a vyi ə shə̀ʼtə̀ la Nyìngòŋ ə lu soʼo byɨbsə vəwenə.

Kəmwetə 13:14

Byìʼì ənyʉ̀ kanəvə avenə a Nyìngòŋ ə nghʉsə nyàm ətoʼ aghèn sə̀ nè a shɨ nyàm ətoʼ ə̀ mbì yì lì lobtə viʼi vətsèm a və̀ ntsi a nse ə̀ gàʼ la vəwenə shɨtə kənshyə̀ʼsə̀ kə nyàm ətoʼ kì a ghə̀ ə̀ nkìʼ əlyom ə toghə mu və bvàʼ nə̀ nyì ə ngwoləŋ alì ghə̀ bu sə diʼ tò to lì.

Kəmwetə 2:13

Mà kɨ kəshi kì a ghə̀ŋ ə tsi tsu. Ghə̀ŋ ə tsi a kəshi a Satan ə soʼo əfòyn ə wen tsu. Ghə̀ŋ dìʼ no nkàyntə̀ viʼi ə vwomə, kènla ghə̀ŋ ə̀ ntɨmə̀ màʼà əbyɨmə à ghə̀ŋ ə kiʼì mò no kətsi kətsenkə. Ghə̀ŋ ə shɨ̀tə̀ ghaʼa əbyɨmə ghəŋə no tè ando və̀ nzhwì Antipàs ə ndzɨ̀mtə̀ bàm ə̀ mò afì à diʼ kəshi a Satan ə soʼo əfòyn ə wen tsu.

Kəmwetə 2:9

Mà kɨ ngəʼsə shìsə a ghə̀ŋ ə yenə. Mà kɨ la ghə̀ŋ ə femə alì diʼ viʼi vəghoʼ kəvə a kəzhwì. Mà kɨ ənyʉ̀ byɨvə a viʼi a və lyɨ̀ la vəwenə diʼ vəjew alì kèn la vəwenə ghʉ tə ziʼi tə viʼi Jus ə gàʼà byìʼì ghə̀ŋ. Vəwenə diʼ viʼi ə nòyn ə̀ Satan.

Kəmwetə 3:8

Mà kɨ təshyèʼ ə təŋtə. Ghə̀ŋ yen a! mà bòʼò li əchʉ ngə̀ŋ ə nghʉsə à ghə̀ŋ a wìʼ ko zì ghə̀ shwin. Mà kɨ la ghə̀ŋ ə ko tùʼù kiʼ kədyòʼ alì ə nghʉ ə̀soʼ ə ghomə kèn la ghə̀ŋ ə tyen li mò.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.

Kəmwetə 6:10

Əzhwi a vyi zɨmə̀ gàʼà no a gɨ to la, “Bobo a ghə̀ kiʼi àdyoʼ ə̀ tsèm, ŋwòʼə̀ be diʼ nəmwèʼè, kə a lyɨ̀ ə zhʉ ale ə wù soʼ viʼi venə a nse ə ku ngəʼ à vəwenə ando vəwenə tə zhwì yes a?”